The White Team, ETE eta korporazio handientzako transformazio digital integrala
The White Team enpresak Bilbon du egoitza, eta enpresa txiki eta ertainak nahiz korporazio handiak bere eraldaketa digitalean laguntzen espezializatuta dago. Eraldaketa digitalaren ziklo osoa hartzen du bere eskaintzak, diagnostiko estrategikoa eta soluzioen diseinua, inplementazioa eta euskarri operatiboa barne. Bere espezializazio-arloen artean, softwarearen garapena, datuen analisia, cloud zerbitzuak eta ERP edo SAP bezalako enpresa-plataformak nabarmentzen dira.
200 langile baino gehiagorekin, ordezkaritzak ditu Madrilen, Malagan eta Valentzian. Teknologia-aholkularitza horrek hamahiru urte baino gehiagoko ibilbidea du, eta hainbat sektoretako bezero-sarea du, hala nola industria, retail eta logistikakoa, bai eta Europako administrazio publiko eta erakundeetakoa ere. Haientzat softwarea eta sistemen integrazioa garatzen ditu.
Enpresaren balio nabarmenetako bat da hainbat administraziorekin lizitazioetan eta proiektuetan duen esperientzia, eta horri esker, erakunde-ingurune konplexuetan moldatzen da. “Gure bezeroei laguntzen diegu arau-esparru konplexuak behar dituzten proiektuetan, Europako funtsak eskuratzeko proiektuetan edo digitalizazioko eskualde-estrategietan. Gainera, prozesu aurreratuen automatizazioaren eta cloud soluzio eskalagarrien alde egiten dugu”, adierazi du Martin Muguruzak, konpainiako salmenta-arduradunak.
The White Team-ek bere ibilbidean parte hartu du SPRI Taldeak bultzatutako Hazitek programa batzuetan. Horietan, proiektu berritzaileak bultzatu ditu hainbat sektoretan, hala nola osasunean, elikaduran, logistikan eta industrian, “betiere digitalizazioan, sistemen integrazioan eta analitika aurreratuan arreta jarrita”.
Etorkizunera begira, The White Teamek bere nazioartekotze plana indartu eta Europako multinazional handientzako bazkide teknologiko gisa finkatzea aurreikusten du. Gainera, adimen artifiziala, automatizazio aurreratua eta jasangarritasun digitala bezalako arloetan aurrera egitea bilatzen du, bere bezeroen modernizazio teknologikoan laguntzeko helburuarekin.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
