AVS: Konpromisoa berrikuntzarekin eta euskal industriarekin
AVS – Added Value Solutions enpresak, sektore espazialari eta zientifikoari aplikatutako kritikotasun handiko ingeniaritzako liderrak, Eusko Jaurlaritzako Industria sailburu Mikel Jauregi Letemendiaren bisita jaso du gaur.
Jardunaldian, Eusko Jaurlaritzako ordezkariak AVSk Miñanon (Araba) duen Parke Teknologikoan izan ziren. Bertan, eragin handiko bi proiektu estrategiko garatzen ari dira:
Hadronterapia: tumoreak tratatzeko protoi sortak eta partikula astunak erabiltzen dituen abangoardiako teknologia, eraginkortasuna hobetzeko eta terapia onkologikoetan bigarren mailako ondorioak murrizteko.
Sateliteen In-Orbit Servicing: sateliteen bizitza erabilgarria zuzenean espazioan konpontzeko, mantentzeko eta zabaltzeko soluzio aurreratuak, baliabideak optimizatzean eta hondakin orbitalak murriztean sektore espazialaren jasangarritasuna sustatuz, hori funtsezko alderdia baita telekomunikazioen eta lurreko behaketaren etorkizunerako.
Konpromisoa berrikuntzarekin eta euskal industriarekin
Bisitak indartu egiten du erakundeek punta-puntako teknologia, eragin soziala eta nazioarteko proiekzioa uztartzen dituzten proiektu estrategiko eraldatzaileei ematen dieten laguntza, Euskal Autonomia Erkidegoko berrikuntza eta garapen industrialeko politikaren ildotik.
Miguel Ángel Carrera, AVSko CEOa, eta Cristina Ortega, Espazioko zuzendaria, agintariei lagundu zieten bisitan, eta haiekin partekatu zituzten abian diren proiektuen aurrerapenak.
“Harro gaude erakundeei AVSn egiten ari garen lana erakusteaz. Hadronterapian eta orbitako zerbitzuetan ditugun proiektuak jauzi teknologiko bat izateaz gain, aukera bat ere badira Euskadi zientziaren eta industria espazialaren abangoardian kokatzeko maila globalean ”, adierazi zuen Miguel Angel Carrera AVSko CEOak.
AVSri buruz
AVS – Added Value Solutions Elgoibarren eta Arabako Parke Teknologikoan (Miñano) egoitza duen enpresa bat da, eta presentzia du Frantzian, Erresuma Batuan eta Estatu Batuetan, sektore espazial eta zientifikoetarako kritikotasun handiko sistemen diseinuan eta fabrikazioan espezializatua. Konpainiak partikulen azeleragailuetarako soluzioak zein orbitako zerbitzuetarako teknologia disruptiboak garatzen ditu, eta Euskadi nazioarteko berrikuntzaren abangoardian kokatzen du.
