Euskara industrian
Albisteak 11 apirila, 2025

IndeusBerri: Industria eta Euskararen plaza

Albiste dira gaur Gladys Saria, Bideojokoen industriaren egoerari buruzko jardunaldia, EnpresaBIDEA eta Enkriptatze.
-
Abian daGLADYS Sariaren bosgarren edizioa, PUNTUEUS Fundazioak eta EHUk sustatuta. Astelehenean aurkeztu zen Donostian Gladys Sariaren bosgarren edizioa, inoizko babesik handienarekin aurkeztu ere. PUNTUEUS Fundazioak eta EHUko Informatika Fakultateak sustatzen duten ekimenak, Gipuzkoako Foru Aldundiaren babesarekin batera, Emakunde, Danobatgroup, Euskaltel Fundazioa, EITB eta EHUko berdintasun-zuzendaritzaren laguntza jaso du aurten. Sari hau 2021.urtean sortu zen, emakume gazteak ibilbide teknologikoari ekitera animatzeko, eta euskal ingurune digitalean erreferente berriak sortzeko helburuarekin. Lau urteko ibilbidean gero eta interes handiagoa piztu du, eta horren erakusgarri da urtez urte aurkeztutako hautagaitza kopuruak izandako hazkundea.
Bideojokoen industriaren egoerari buruzko jardunaldia egingo da datorren maiatzean, Enpresa Digitalaren eskutik. Bideojokoen industria nabarmen hazi da azken urteotan. Euskal Herrian, baina, zer da aurki genezakeena? Zeintzuk dira gurean sortutako eta argitaratutako bideojokoak? Gaur egun, hiru gaztetik bik jokatzen dute bideojokoetan, egunero, Euskal Herrian. Kontsumo joeretatik hasiko gara industria honek eskaintzeko daukana ikertzeko. Enpresak zein estudioak eta bertan aurkitzen diren garatzaileak ezagutzeaz gain, bideojokogintzaren munduan barneratzeko ikasketak non burutu daitezkeen zein euskarak bideojokoen munduan daukan lekua aztertuko ditugu. Horrez gain, Game Erauntsia euskal bideojokozaleen elkarteak egiten duen lana agerian jarriko dugu.
EnpresaBIDEA: Mundua alda dezakeen hiruhilekoa. Axier Garate Azpitartek sinatutako artikulua ekarri nahi izan dugu gurera, azken asteotan finantzen munduan gertatzen ari dena ulertzen laguntzeko baliagarri izan daitekeelakoan gaude eta. Mundua interes talde independenteetan ari da kolokatzen berriz ere. Merkantilismo edo autarkia era berri baten aurrean dago. Zeintzuk dira mundu mailan finantza eszenatokia kontrolatzen duten burtsak? New Yorkeko burtsa (NYSE) da mundu mailan kapitalizazio handiena duena: 25 bilioi dolar. Bertan Apple, Microsoft, Amazon edo Coca Cola bezalako erraldoiek kotizatzen dute. Horren alboan Nasdaq-a dago, teknologien merkatua bezala kokatua.
“Enkriptatze” Industria Berriaren Spri Hiztegian. Kriptografian, algoritmo baten bidez informazioa kodetzeko prozesua, hau da, testu soil edo bakun bat testu zifratura bihurtzekoa. Idealki, baimendunek soilik deszifra dezakete testu zifratua, eta berriz testu soil bihurtu, haiek soilik ezagutzen duten kode baten bidez. Garai batean, zifratze-sistemak mezularitza militarrean erabiltzen ziren nagusiki, isilpeko komunikazioetarako baliatzen baitzituzten. Azken urte luzeetan, informatikaren alor guztietan erabiltzen dira: Interneten eta merkataritza elektronikoan, telefono mugikorretan, haririk gabeko mikrofonoetan, Bluetooth sistema darabilten gailuetan, kutxazain automatikotan eta abarretan.

Lotutako albisteak

IndeusBerri: Industria eta Euskararen plaza
20/03/2026 Euskara industrian

IndeusBerri: Industria eta Euskararen plaza

Gaurko IndeusBerrik ETEKIN Topaketak, Artifiziala.eus eta Datuen Zientzia ditu hizpide.

IndeusBerri: Industria eta Euskararen plaza
13/03/2026 Euskara industrian

IndeusBerri: Industria eta Euskararen plaza

Albiste dira gaur ALIA FOROA, Enpresa Digitala, ETEKIN Topaketak, EnpresaBIDEA - ORONA eta Datu sentikor.

IndeusBerri: Industria eta Euskararen plaza
06/03/2026 Euskara industrian

IndeusBerri: Industria eta Euskararen plaza

Gaur albiste dira ENPATIKONOMIA eta NORTASUNA SAREAN jardunaldiak, biak ala biak datorren astean egingo direnak; ENPRESA DIGITALA eta Adimen Artifiziala; eta Datu irekiak.

IndeusBerri: Industria eta Euskararen plaza
27/02/2026 Euskara industrian

IndeusBerri: Industria eta Euskararen plaza

Indeus, Industriaren Euskal Plataformaren urteko lehen bilera; Mikroenpresa Digitalaren ChatGPTri buruzko ikastaroa; Etekin Ekonomia Topaketak; eta Datu-bilketa dira gaurko albisteak.

Jon Ansoleaga: “INDEUSera enpresa gehiago erakarri behar ditugu eta zerbitzuak euskaraz bermatzeko ahalegina egiten jarraitu”
25/02/2026 Euskara industrian

Jon Ansoleaga: “INDEUSera enpresa gehiago erakarri behar ditugu eta zerbitzuak euskaraz bermatzeko ahalegina egiten jarraitu”

Industriaren Euskal Plataformaren urteko lehen bileran hartu du parte Spriko Zuzendari Nagusiak, Parke Teknologikoaren Arabako kanpusean, INDEUSek 8 urte bete dituenean

IndeusBerri: Industria eta Euskararen plaza
20/02/2026 Euskara industrian

IndeusBerri: Industria eta Euskararen plaza

Gaurko albisteak: Etekin Topaketen aurtengo edizioa, Arabako Enpresen Foroa, Enpatikonomia jardunaldia eta Testu-meatzaritza.

IndeusBerri: Industria eta Euskararen plaza
13/02/2026 Euskara industrian

IndeusBerri: Industria eta Euskararen plaza

Gaurko albiste-bilduma: ENPATIKONOMIA jardunaldia, Mikroenpresa Digitalaren ikastaro bat, PuntuEus eta Zibererasoak, eta Abatar.

IndeusBerri: Industria eta Euskararen plaza
06/02/2026 Euskara industrian

IndeusBerri: Industria eta Euskararen plaza

Gaurko albiste bilduma: Microenpresa Digitala eta ChatGPT II, Emakumeak Zientzian 2026, Bizkaiko Foru Aldundiaren diru-laguntzak, EnpresaBIDEA eta Kaudatu, eta Trazabilitate.

IndeusBerri: Industria eta Euskararen plaza
30/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren Adimen Artifizialari buruzko ikastaroa, Nortasuna Sarean, UEUko udako ikastaroak eta Diseinu kontzeptual.

IndeusBerri: Industria eta Euskararen plaza
23/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren jardunaldi bat, Leiho Morea web gunea, Bizkaiko Foru Aldundiaren diru-laguntzak eta Adimen artifizial sendo.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.