Informatikari Euskaldunen Bilkuraren XIII.edizioak Adimen Artifizial Sortzailea izango du ardatz nagusi.
Datorren ostegunean, azaroaren 7an egingo da Donostiako Carlos Santamaria zentroan Informatikari Euskaldunen Bilkura. 13. edizioa izango da aurtengoa eta azkenengoan bezala Adimen Artifiziala izango du ardatz nagusi. Baina AA sortzailean jarriko du batez ere azpimarra, informatikan eta programazioan izan duen eragin sakona aztertuko da, baita datozen urteetan aurre egin beharreko erronka eta aukera berriak ere. Informatikan euskaraz jarduteak berezko dituen bestelako gorabeherek ere izango dute lekua jardunaldian.
Datorren asteartean egingo da Emakume Zientzialarien argitan aurtengo zikloaren bigarren hitzaldia Olatz Ortega Vidalesekin.
Elhuyarrek eta Donostia Kulturak elkarlanean antolatzen dute “Emakume zientzialarien argitan” solasaldi-zikloa. 2024ko udazkenerako hiru solasaldi antolatu dituzte; irailean egin zen lehena eta azaroan dator bigarrena. Olatz Ortega Vidales, biologoaren eskutik. Olatzek biologia ikasi ostean, Suediara joan zen LGTBIQ+ pertsonen eta desgaitasun intelektuala duten pertsonen ahalduntzearen inguruan lan egitera. Gerora, EHUko Ekotoxikologiako Erasmus Mundus masterra egin zuen. Egun, lanean ari da zientzia demokratikoagoa eta inklusiboa izatea lortzeko. Azaroaren 5ean izango da bere hitzaldia.
Indeus Elkarrizketak – SOZIOLINGUISTIKA KLUSTERRA: “Hizkuntza oso garrantzitsua da edozein jarduera ekonomikoren barruan.”
Hizkuntza eta gizartea aztertzen dituen bilgunea da Soziolinguistika Klusterra, orain dela 20 urte euskara biziberritzeko sortutako ikergunea. Imanol Larrea, Soziolinguistika Klusterraren zuzendaria dugu solaskide elkarrizketa honetan. Klusterraren hastapenetik hasi eta abiatu dituzten azken ikerketetaraino iritsi gara solasaldian. ‘Guk ikerketa proiektuak egiten ditugu. Nahi duguna jakin da, alde batetik, zein den euskararen egoera eta beste alde batetik egoera hori nola hobetu dezakegun. Eta gainera guk hor egiten den lan guztiari buruzko informazio hori dena zabaldu egin nahi dugu.’
“Lagapen” Industria Berriaren Spri Hiztegian.
Asmakuntza osoaren titulartasuna edo jabetza lagapen-hartzaile bati eskualdatzea, halako moldez non lagatzaileak (asmakuntza eskualdatzen edo lagatzen duen pertsonak) ezin izango baitu lizentzia berririk eman, ezta gero asmakuntza erabili ere. Kasu horretan, lagapen-hartzaileak asmakuntza erabili ahal izango du aldez aurreko titularrak (lagatzaileak) egiten izan duen era berean (lagatzailea), eta horren gainean prendak ezarri ahal izango ditu, hirugarrenekin lizentzia-kontratuak ezarri ahal izango ditu, asmakuntzan aldaketak egin ahal izango ditu, etab.
Adimen Artifizialak Euskadin duen egoeraren diagnostikoa aurkeztu du BAIC zentroak.
Txosten honek Euskal AEko ekosistemaren egungo egoera eta etorkizuneko potentziala ebaluatzen ditu, eta agerian uzten du EAEko erakundeen %12k baino gehiagok erabiltzen dutela jada teknologia hori. Enpleguari dagokionez, 7.500 profesionalek baino gehiagok egiten dute lan AAean Euskadin, eta biztanleria aktiboaren %0,7 osatzen dute. AAaren hartzea: Oraingoz, Euskadiko erakundeen %12,2k AAeko
teknologiak erabiltzen dituzte, eta horrek erakusten du oraindik hazkunde-tarte handia dagoela. Eragin ekonomikoa: AAaren soluzioak hornitzen dituzten enpresen fakturazioa 105 milioi eurokoa izan zen.
