Lipigenia: Doitasunezko elikadura Osasuna bermatzeko
Proiektua 2017ko otsailean abian hasi zen, Azti Elikadura eta Itsas Ikerketarako Zentroa eta Lipinutragen, Italiako Ikerketa Zentro Nazionaleko spin-offarekin sortutako aliantzaren bidez, non Lipigenia ardatz duen gantz-azidoen azterketa egiteko teknologia garatu egin da. Aliantza hauek sendotasuna eta zorroztasuna ematen dute Ainara Muga eta Marijo Barrena, Lipigeniaren sustatzaileek, egiten dituzten ekimenetan.
Elikaduraren bidez osasunerako kaltegarriak diren egoerak prebenitzeko eta tratatzeko gai zarete. Nola lortzen da?
Gaixotasun askoren jatorria diren haunturazko-oxidaziozko egoerak bere fase isilean detektatzen ditugu (oraindik sintomatologiarik ez dagoenean), desoreka horiek agertu baino lehen zuzendu ditzakegu eta horrela, elikaduraren bidez eragozpenak, sintomak eta/edo gaixotasunak saihestea lortzen dugu.
Baita urteak betetzearekin batera, gure osasun baliabideak higatzen ari gara. Hauek, irizpide objetibo batekin birjarri ditzakegu, egiten dugun azterlanak ematen digun informaziotik abiatuta, bizi-kalitate ezin hobea mantenduz.
Zuen analisien datu nagusia gantz-azidoen azterketa da. Zer informazio mota lortzen da?
Asistentzia jardueran erabili izan diren analisiekin, balio puntuala eta fidagarritasun partzialeko baloreak lortzen ditugu. Izan ere, mailaz kanpoko parametroren bat detektatzen denean, errepikatu egiten da, eta azterketaren irismena handitu ere egiten da.
Medikuntza eboluzionatzen ari da gure organismoak pairatzen dituen arazoen jatorriaren bilaketan: Sintomak blokeatzean oinarritu gara, arazoaren erroan zentratu gabe. Lipidomikak arazo horien erroari buruzko informazioa ematen digun diziplina berri bat da; elikadura pertsonaren egoera funtzionalarekin ulertzen eta lotzen laguntzen du. Eta, ondorioz, organismo horrek modu pertsonalizatuan eta zehatzean jasaten dituen sintomekin.
Zer abantaila eskaintzen ditu zuen azterketa analitikoak pertsonen osasunerako?
Gure eguneroko errutina nagusien bidez, hara nola elikadura, pertsonen osasun-egoeran jarduteko aukera ematen digun tresna analitikoa. Gainera, prebentzio-mailan jarduteko aukera ere ematen digu, sintoma eta/edo patologia jakin batzuk agertzea saihestuz edo atzeratuz.
Berriz ere azpimarratu nahi dugu oso jarduketa zehatzaz ari garela, pertsona bakoitzak une bakoitzean dituen benetako beharrak ezagutuz eta neurtuz.
Zein neurritan da garrantzitsua herritarrek eguneroko lanean duten bizimodua eta metabolismoa ezagutzea?
Garrantzitsua da bakoitzak jakitea nola eragiten dioten bere bizimoduak eta metabolismoak eskakizun horiei erantzuten dieten nutrienteak emateko gai izateko, eta horiek gantz-azidoen mailetan islatzen dira. Hau da, gantz-azidoen interpretaziotik abiatuta, pertsona bakoitzak bere egunerokotasunari erantzuteko hartu behar dituen nutrienteak zehaztasunez ezagutzeko gai gara, bere metabolismoa kontuan hartuta. Horrela, osasun-egoera negatiboak, energia falta, loa, fibromialgiak eta abar eragin ditzaketen desorekak saihesten dira. Pertsonak indartsuak sentitzen dira.
Langileen ongizatea zaintzen duten enpresek emaitza positiboagoak dituzte, bai maila ekonomikoan, bai taldearen fidelizazioari dagokionez.
Azterketa honi aurre egin nahi dionak, zein urrats jarraitu beharko lituzke?
Gure zerbitzua odol erauzketa batetik abiatzen da. Lagina aztertu eta lortutako datuak aztertu ondoren, txosten bat idazten da, analisiaren emaitzak eta kasu bakoitzean jarraitu beharreko nutrizio-gomendioak eta/edo berariazko osagarriak jasotzen dituena.
Azterketa egiteko bideak bi dira:
- Mediku, nutrizionista batek bere bezeroarentzat analitika eskatzen duenean.
- Bezeroa gurekin zuzenean harremanetan jartzen denean.
Dena den, bi kasuetan jarraitu beharreko prozesua berbera da.
Zeintzuk dira etorkizun hurbileko erronkak eta planak?
Pertsonak beren burua zaintzeaz kontzientziatzea; Ez da itxaron behar gaixo egon arte, Ondo egon arren, gure OSASUNAREN jakitun izan behar dugu. Gutxienez urtean behin ebaluatu behar dugu oreka funtzionala, gure ongizateari eustekoPairatzen ditugun edo jasan ditzakegun gaixotasun asko guk geuk sortzen ditugu. Orain gabeziak antzematen laguntzen diguten tresnak ditugu, eta, horrela, horiek konpontzeko gai izan gaitezke.
