Lagunbotek adimen artifiziala enpresetara eta administrazioetara hurbiltzen du prozesuak eta zerbitzuak optimizatzeko
Lagunbot pymen eta administrazio publikoen bazkide estrategiko gisa jarduten duen adimen artifizialean espezializatutako aholkularitza-enpresa da, soluzio teknologiko aurreratuen bidez prozesuak optimizatzeko, eraginkortasuna handitzeko eta erabiltzaileen esperientzia hobetzeko lan egiten duena. Horrela, duela urtebete baino gehiago LEINNen (Mondragon Unibertsitateko Ekintzailetza eta Berrikuntzako Lidergo Gradua) ekosistema ekintzailearen baitan sortua, konpainiak bere bezeroen webguneetako informazio guztia integratzen duen chatbot bat garatu du, herritarrentzako arreta-prozesu osoa errazteko helburuarekin.
Hasierako faseetan, enpresak aukera argia antzeman zuen sektore publikoan, bereziki udaletxeetan, “non burokraziak eta arreta-ordutegi mugatuek arazo bat sortzen zuten”, aitortu du Aitor Azcargortak, konpainiako operazio zuzendariak.
Ildo horretan, azken hilabeteetan enpresaren kasurik nabarmenenetako bat Arrasateko Udalaren webgunean ezarritako laguntzaile birtuala izan da. Chatbot honek auzokideei izapide administratiboetan laguntzen die, denbora errealean arreta eskainiz, zalantzak argituz eta prozedurei buruzko informazioa modu errazean eskainiz. Hori guztia hizkuntza naturala prozesatzen duten teknologiak, chatbot admineduak, udal datu-baseekin integrazioa eta izapide errazen automatizazioa garatuz lortu da, eta horri esker informazio eguneratua denbora errealean eskaintzen da.
Hortik aurrera, Lagunbotek bere zerbitzua esparru berrietara zabaldu du. “Orain mota guztietako egozioekin lan egiten dugu, hala nola klinikekin, fisioterapia-zentroekin, industria-enpresekin eta akademiekin, besteak beste”, azpimarratu du Azcargortak. Dibertsifikazio hori AAri esker ikuspegi erabat pertsonalizatuan oinaritzen da, bezero bakoitzen portaera eta lehentasunak kontuan hartuta, haien gogobetetasuna hobetzeko.
Gaur egun, lan pertsonako talde batez osatutako konpainiak prozesu osoa sinplifikatzen du erabiltzaileentzat irisgarriagoa izan dadin, eta zeregin errepikakorrak AAren esku uztea lortzen du. Horrela, eragiketak eskalatu eta balio handiagoko jardueretarako denbora askatzen da.
Enpresak eskaintzen dituen soluzio teknologikoen artean WhatsApp eta Instagramerako chatbotak, kliniketarako ahots-botak, hitzorduak kudeatzeko eta berezoarentzako arreta emateko AA agenteak, baita prozesuen automatizazio osoak ere daude. Soluzio horiek aukera ematen dute, besteak beste, aurrekontuen sorkuntza automatikoa egiteko, leaden kudeaketa adimenduna egiteko edo langile eta bezeroentzako onboarding prozesuak sortzeko.
Gainera, etorkizunari begira, Lagunbot SaaS software batean lanean ari da, adimen artifizialeko bere soluzioetarako sarbidea demokratizatzeko. Horri esker, sektore jakinetako enpresek beraien automatizazio propioak sortu ahal izango dituzte jarraibide sinpleen bidez.
Era berean, konpainiak lankidetza berrien bidez industria-esparruan duen presentzia indartzea eta adimen artifizialaren testuinguruan dauden erronka nagusiei aurre egitea aurreikusten du. Erronka horien artean, teknologiaren bilakaera azkarra, sektore anitzetan integratzea eta datuen etika eta pribatutasuna nabarmentzen dira, besteak beste. “Adimen artifiziala etengabe aurreratzen ari da; beraz, beti eguneratuta egon behar dugu atzean ez gelditzeko”, onartu du zuzendari nagusiak.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
