Eusko Jaurlaritzak ekintzailetzaren aldeko apustua berretsi du “herrialde mailako apustu” gisa, ekosistema ekintzaileko 400 profesional biltzen dituen BIND Demo Day ekimenaren bederatzigarren edizioan

• • ikel Jauregi sailburuak irekieran azpimarratu duenez, “ekintzailetza herrialde-mailako apustua da Euskadin, eta tresna bat da gure industria lehiakorrago bihurtzeko, startupen eta finkatutako enpresen arteko lankidetzaren bidez, sektore publikoaren eta pribatuaren artean.
  • BINDen 10. edizioaren hasiera ere iragarri da, 12 erronka eta partner berrirekin.

  Eusko Jaurlaritzako Industria, Trantsizio Energetiko eta Jasangarritasun Sailaren eta SPRIren ekimenez abiarazitako BIND Berrikuntza Irekiko Plataformak urteko Demo Day 2025 berrikuntza-jardunaldia egin du, gaur goizean, Kursaal Kongresu Jauregian eta Auditorioan. Euskadiko industriaren eta ekintzailetzaren ekosistemako 400 profesional baino gehiago bildu dituen jardunaldi horretan, 20 startupek, Euskadiko enpresa txiki eta ertainekin eta korporazio handiekin elkarlanean, garatutako 30 berrikuntza-proiektu aurkeztu dituzte.

  Ekitaldian, Mikel Jauregi Industria, Trantsizio Energetiko eta Jasangarritasuneko sailburuak, Andoitz Korta Industria Sustatzeko sailburuordeak, Ane de Ariño Ekintzailetza eta Nazioartekotzearen zuzendariak hartu dute parte.

  Ekitaldian hitza hartu duenean, Mikel Jauregi sailburuak berretsi du Eusko Jaurlaritzak ekintzailetzarekin duen konpromisoa eta industria-garapen jasangarrian duen eginkizuna, eta nabarmendu du “ekintzailetza herriaren apustua dela Euskadin, eta tresna bat dela gure industria lehiakorrago bihurtzeko, startupen eta finkatutako enpresen arteko lankidetzaren bidez, sektore publikoaren eta pribatuaren artean. Industria Plan berriaren arabera, ekintzailetza funtsezkoa da Euskadiko enpresen lehiakortasuna bultzatuko duen industria aurreratuagoa eta gutxiago kutsatzen duena sustatzeko. Horregatik, Eusko Jaurlaritzak BIND bezalako ekimenen aldeko apustua egiten du, funtsezkoak baitira hori lortzeko. Startupen, korporazioen eta sektore publikoaren arteko lankidetza etorkizunean industria jasangarriagoa, adimentsuagoa eta indartsuagoa eraikitzeko bidea dela erakusten dute. Eusko Jaurlaritzak ekimen horiek bultzatzen jarraituko du, gure produkzio-sarea indartzeko.”

  Bertan erreferentziazko enpresen ordezkariak izan ziren, besteak beste, Mercedes-Benz, ITP Aero, Iberdrola, Bellota, DanobatGroup, Talgo, Arteche, Tubos Reunidos, Eroski, Erreka eta GH Cranes enpresetako ordezkariak, baita Eralki, Ona, Zikotz, Agaleus, Loramendi, AAC Acústica eta A & B Laboratorios enpresa txiki eta ertainetako ordezkariak ere.

  Izan ere, BIND plataforma publiko-pribatua berrikuntza irekiaren arloko nazioarteko erreferente gisa finkatu da, industria-sareari eta ekintzailetzari emandako laguntzagatik. Plataformaren helburua da startup disruptiboak konektatzea korporazioekin, enpresa txiki eta ertainekin eta sozietate publikoekin, Corporate, SME y GovTech ekimenen bidez. Programa 2016. urtean hasi zenetik, 250 startup baino gehiago eta 350 proiektu baino gehiago bizkortu dira, eta 9,6 milioi euroko fakturazioa gainditu.

   BINDen 10. edizioa abian da, 12 erronkarekin eta partner berriekin

  BIND Demo Day ekimenaren barruan, Ane de Ariño Ekintzailetza eta Nazioartekotzearen zuzendariak BIND Corporate ekimenaren 10. edizioa aurkeztu du. Aurkezpen horretan, BIND ekosistemaren etengabeko hazkundea nabarmendu du, eta ongi etorria eman die aurten plataformaren ekimenetan parte hartuko duten partner enpresa berriei —startup disruptiboekin elkarlanean, berrikuntza-proiektu berriak garatzeko helburua izango dute—. Ekimenean parte hartzeko interesa duten startupek irailaren 5era arte aurkeztu ahal izango dituzte beren hautagaitzak www.bind.spri.eus webgunean.

  Hauek dira partner berri horiek: Arania, hotzean ijeztutako eta doitasuneko karbono handiko eta txikiko altzairuaren sektorean Europako Hegoaldeko liderra den enpresa. Ansareo, obra zibilen arloko soluzio integralak, garbiketa-zerbitzu industrialak, ponpaketa-ekipoak eta abar eskaintzen dituen enpresa. Sacyr, emakiden, azpiegituren eta uraren arloko enpresa liderra. Valoriza, birziklatze-kateko zerbitzuetan aditua —hondakinen bilketa, tratamendu eta kudeaketa—.

  Era berean, Euskal Autonomia Erkidegoko 4 enpresa txiki eta ertain sartu dira plataforman: AZ3 Oeno, enologiaren eta mahastizaintzaren arloko produktuetan, makinerian eta prestakuntzan espezializatua. Industrias Mail, ebaketa-erreminta berezien fabrikazioan liderra den enpresa txiki eta ertaina. Gistek, aseguruen sektorerako soluzio aurreratuetan aditua. Draxton, automobil-merkaturako osagaien fabrikazioan erreferentziazko enpresa. Lanik, estalkiak, fatxadak eta egitura erretraktilak diseinatzen, fabrikatzen eta muntatzen dituen enpresa. Oilasko Berriak, hegazti, behi, txerri, arkume eta untxien produktu freskoetan eta elaboratuetan espezializatua. TME Logistics Innovation, logistikako zerbitzu integralen enpresa. Winterstone, errendimendu handiko tresna diamantatuen ekoizlea.

  BIND Corporateren 10. edizioan, enpresa partnerrek planteatutako 12 erronka berrietako bati edo batzuei erantzuteko beren teknologiak aurkeztu ahal izango dituzte startupek. Erronka horiek esparru hauetakoak dira:

• Industria-prozesuen digitalizazioa eta trazabilitatea
• Industria-inguruneetarako automatizazioa eta robotika
• Informazioaren kudeaketa eta segurtasuna, eta araudia betetzea
• Mantentze prediktiboa eta industria-kalitatearen kontrola
• Hornidura-katearen optimizazio logistikoa eta kudeaketa adimenduna
• Ingurumen-inpaktuaren neurketa, murrizketa eta konpentsazioa
• Energia-efizientzia eta kontsumoaren kudeaketa adimenduna
• Energia berriztagarria sortzea eta biltegiratzea
• Ekonomia zirkularra eta hondakinen eta baliabideen kudeaketa jasangarria
• Osasun digitala, diagnostiko aurreratua eta asistentzia-eraldaketa
• Mugikortasun konektatua, elektrifikatua eta floten optimizazioa
• Saltokia optimizatzea eta azken bezeroaren esperientzia

• Berrikuntza, industria adimendunago eta jasangarriago batera begira

  Ekitaldian zehar, funtsezko sektoreei aplikatutako soluzio teknologiko aitzindariak aurkeztu dira, hala nola fabrikazio aurreratua, energia garbia, industria-digitalizazioa edo ekonomia zirkularra. Kasu adierazgarrien artean Lowerton Bizkaiko startuparen proiektua dago. Ramondin, Talgo, Elecnor eta Enagás enpresekin elkarlanean aritu da industria-berrikuntzako prozesuak bizkortzea helburu zuten ekimenetan. Era berean, nabarmentzekoa da Arabako Data Value Management startupak —Agaleus eta Loramendi enpresa txiki eta ertainekin batera— garatu duen arriskuaren kudeaketa adimendunerako eta datuen analisirako proiektua, eskaintza lehiakorragoak sortzeko helburuarekin.

  Jasangarritasunaren arloan, Powerfultree startupak, Iberdrola enpresarekin batera, enpresen eta antolakundeen karbono-aztarna murrizteko sistema agrovoltaikoa aurkeztu du. Bioferric enpresak, bestalde, urak birsortzeko teknologia erakutsi du, Tubacex enpresarekin batera, nitratoak eta metal astunak deuseztatzera begira. Greemko enpresak karbono-aztarnaren kalkulua eta kudeaketa digitalizatzeko eta enpresen lehiakortasuna areagotzeko proiektua garatu du, Erreka, GH Cranes eta Zikotz enpresa txiki eta ertainarekin batera.

  Jardunaldian, halaber, BIND GovTech ekimenaren kasu arrakastatsuen inguruko mahai-ingurua egin da —ekimen horrek startupak eta erakunde publikoak konektatzen ditu, digitalizazio-beharrei erantzun dakien—.Mahai-inguru horretan Aitor Elorduy (Parke) eta Julene Madariagak (Sprilur) parte hartu dute, eta sektore publikoaren eta ekintzailetza teknologikoaren arteko lankidetza eraginkorraren arloko esperientziak partekatu dituzte.

  Jardunaldiari amaiera eman zaio edizio honetako erakunde nabarmenentzako sari- banaketarekin. Hauek izan dira sarituak: Urteko Startuparen saria Mairu enpresarentzat izan da, enpresen industria-prozesuak digitalizatzeko garatutako softwareagatik; Enpresa Korporatiboaren saria GH Cranes garabiak eta jasotze-sistemak diseinatu eta fabrikatzen dituen enpresarentzat izan da; Enpresa Txiki eta Ertain Berritzailearen saria AAC Acústica akustika, zarata, bibrazio, argi-kutsadura eta energiaren arloan espezializatutako ingeniaritzarentzat izan da; eta Sozietate Publikoaren saria Parke Euskadiko Parke Teknologikoarentzat izan da.

  Industria-prozesuen digitalizazioa eta trazabilitateaIndustria-inguruneetarako automatizazioa eta robotikaInformazioaren kudeaketa eta segurtasuna, eta araudia betetzeaMantentze prediktiboa eta industria-kalitatearen kontrola