1M € hazteko gaitasun handia duten enpresak bultzatzeko laguntzetan
Ez galdu aukera eta eskatu laguntza maitzaren 24a baino lehen!
SPRIk urteak daramatza ekintzailetza bultzatzeko ekintzak garatzen. Enpresa-egitasmo berriei laguntza integrala, malgua eta haien beharren araberakoa ematea da helburua, martxan jarri ahal izateko, hazteko eta merkatuan arrakastaz finkatzeko.
Aurtengo edizioan, Hazten+ 2026k Ekintzaile+ programaren lekua hartu du eta Industria Plana – Euskadi 2030ekin lerrokatu da, hazteko, sendotzeko eta jarduera ekonomikoa sortzeko gaitasuna duten proiektu berritzaileei lehentasuna emanez, bereziki industriaren eta hari lotutako zerbitzuen esparruan.
Hazten+ laguntzak egitasmo ekintzaileak bultzatzen ditu. Horretarako, enpresa-proiektu berritzaile berriak garatzeko eta horien hazkundea azkartzeko gastuak finantzatzen ditu, justu enpresa-proiektu bat martxan jartzen den unean. Hala, haien Enpresa Planarekin jarrai dezakete, hasierako finantzaketa lortuta eta, batez ere, proiektuek behar izaten duten epe luzeko finantzaketa lortuta.
Zure enpresak hazteko behar duen bultzada
Enpresa bat martxan jartzea ez da erabaki erraza. Prozesuan BIC baten ikuskapena eta laguntza izan badituzu, ziur erabaki onak hartu dituzula.
Enpresaren hasierako une honetan, hainbat faktorek mugatu dezakete hazkundea.
Finantzaketa-falta izaten da horietako bat. Izan ere, enpresa txikiek askotan zailtasunak izaten dituzte maileguak edo kanpoko finantzaketa lortzeko.
Zure enpresa txikiak behar duen finantzaketa eskaintzen dizu Hazten+ laguntzak
Giza baliabideak ere mugatuak dira. Normalean, talde sustatzaileak gobernatzen du enpresa eta ia funtzio guztiak egiten ditu. Langile gehiago kontratatzea garestia izan daiteke eta denbora eska dezake, hortaz, beti ez da izaten hazteko aukera bat, baliabide ekonomiko egokirik izan ezean.
Halaber, azpiegiturarekin lotutako mugek ere zaildu dezakete hazkundea. Instalaziorik, ekiporik edo teknologia egokirik ez izatea oztopo bat izan daiteke enpresa hedatzeko.
Baina hemen dago Hazten+, zure enpresa-proiektu berria azkarrago hazi ahal izateko eta muga guztiei aurre egin ahal izateko. Proiektu berri hori garatzeko gastuak ordaintzeko behar duzun finantzaketa eskaintzen dizu Hazten+ laguntzak:
- Langile-gastuak, plantillan talentu berria sartzeko. Gehienez 70.000 euro, gehienez 2 pertsona kontratatzeko (35.000€/pertsona); autonomia, ekimen eta erantzukizun maila altua duten kategoria profesionaletan kontratatu behar dira, eta talde sustatzailearen gaitasunak osatu behar dituzte.
- Kanpoko laguntza eta aholkularitza tekniko adituak, proiektuaren garapenarekin modu espezifikoan lotuta daudenak.
- Enpresa-proiektuaren garapena eta hazkundea ahalbidetzen duten higiezinen alokairu berrietarako gastuak.
- Patenteak eta jabetza industrialeko beste eskubide batzuk eskatzeko eta mantentzeko gastuak, hala nola erregistroak, ziurtapenak eta homologazioak.
- Proiektua sustatzeko eta hedatzeko gastuak, enpresa-proiektuaren dibulgazioarekin eta publizitatearekin lotuta.
Nire proiektua izan al daiteke Hazten+ dirulaguntzaren hartzaileetako bat?
Bi proiektu motak jaso dezakete Hazten+ programako dirulaguntza bat:
- Enpresa-proiektu berriak, berritzaileak eta/edo oinarri teknologikoa dutenak, industria-sektorekoak eta/edo industriako produktu-prozesuekin lotutako zerbitzuak ematen dituztenak: teknologia aurreratuak garatzearen edo aplikatzearen bidez merkatuan produktu edo prozesu eraginkorragoak, lehiakorragoak edo disruptiboagoak sortzen dituzten proiektuak.
- Enpresa-proiektu berriak, ezagutza trinkokoak: produktu, zerbitzu eta prozesu berriak sortzeko edo negozio-eredu berriak garatzeko euren ezagutza eta teknologia propioak aplikatzen dituztenak.
Enpresa-proiektu horiek bultzatzeko laguntzak eska ditzaketen enpresei dagokienez: jarduera-zentro bat izan behar dute Euskadin; BIC baten tutoretzapean edo haren oniritziarekin egindako Enpresa Plan bat izan behar dute; berriak izan behar dute (2022eko urtarrilaren 1az geroztik erregistratuak edo 2020ko urtarrilaren 1etik aurrera, enpresa bioteknologikoen kasuan); 3 urteko epean, gutxienez, 3 lanpostu sortzea aurreikusi behar dute; eta 50 langile baino gutxiago izan behar dituzte.
Baldintza guztiak betetzen badituzu, hasi eskaera prestatzen proiektuari buruzko informazio guztiarekin, eta aprobetxatu eskaintzen dizuten aukera hau. 100.000 euro arteko dirulaguntza eskaintzen dizugu, itzuli beharrik gabe, zure proiektua bultzatzeko. Eskatu Hazten+ maitzaren 14a baino lehen!
