IPM, produktu bereizgarria duen industria-torlojuteria banaketa-enpresa
IPM industria-torlojuteria banatzen diharduen Gasteizko enpresa da. Lehiakideengandik bereizten den produktu bat eskaintzen du, torlojuak, azkoinak eta zirrindolak poltsaratzea, eta «muntatzean azkarragoa da enpresentzat». 10 pertsonako plantilla dute, eta 3,5 milioiko urteko fakturazioa.
Enpresa 1988an sortu zen Gasteizko Uritiasolo industrialdean «nire aitaren ekimenez, torlojuteria eta finkatze-elementuak handizka merkaturatzeko» dio Iker García Treviñok, IPMko gerenteak. Negozioak bilakaera izan du: burdindegiko salmenta itxietatik eta industria-horniduretatik torlojuteriaren poltsen packak eskaintzeraino. 2000. urtean Gasteizko Jundiz industrialdeko oraingo instalazioetara lekualdatu ziren.
Negozioa inportazioan ardazten da, batez ere Txina, India eta Taiwanetik egiten dute, eta horri biltegiratzea eta banaketa gehitu behar zaizkio. Torlojuteria poltsaratzeak bereizten du beste lehiatzaile batzuetatik. «Torlojuak, azkoinak eta zirrindolak soltean jartzen ditugu, makinak poltsaratzen ditu, eta eredu azkarragoa da ondoren industria-muntaiak egin behar dituzten enpresentzat. Enpresa handietako bezero industrialei eskaintzen diegu produktu hori, produktuak muntatzeko torlojuteria asko behar izaten baitute».
2004an poltsaratzeko lehenengo makina eskuratu zuten, eta hurrengoa 2022an. Poltsaratzaile horiek 6 metrikatik 20 metrikara arte poltsaratu dezakete torlojuteria. Sektore hauentzako egiten dute lan: igogailu-industria, metalezko apalen fabrikatzaileak, metalezko siloen fabrikatzaileak eta sektore eolikoa. Burdindegiak eta industria-hornidurak negozioaren % 30etik % 40ra bitarte dira, eta gainerako % 60tik % 70ra bitarte industriako bezeroak dira.
Plantilla 10 langilek osatzen dute eta urteko fakturazioa 3,5 milioi euro ingurukoa da.
Torlojugintzaren sektoreko berrikuntza gehiago ardazten da korrosioaren aurkako estalduretan, «horretan diharduten enpresak azpikontratatzen ditugu horretarako. Bezeroari funtsean eskatzen duena eskaintzen diogu, hau da, torlojuteria ezaugarri zehatz batzuekin. Nahieran egiten dugu lan, baina stockean standard produktu asko ditugu».
Azken urteotan lortutako hazkunde jasangarriari eustea da gure erronka. «Bezeroen zorroa zabaltzen edo sektore berrietan sartzen saiatuko gara».
Haien lehiakide nagusia Euskadin dago, «tolojuteriaren tradizio luzea dago bertan», baita Madrilen, Bartzelonan eta Zaragozan ere. «Torlojuteria nahiko pisutsua da eta gastu logistiko handiko produktua da. Alemaniara torlojuteria-palet bat bidaltzea nahiko garestia da eta garraio-kostuak jaten dizu marjina. Gainera, inportatutako produktu bat esportatzea konplexua da, lan egiten dugun Asiako fabrikatzaileek zuzenean esportatzen baitute munduko ia herrialde guztietara».
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
