Irisgarritasun unibertsala: Euskaditik lehiakortasuna bultzatzen duen konpromisoa
Berrikuntza teknologiaren arabera neurtzen ez den testuinguru honetan, baizik eta pertsona guztiengana iristeko gaitasunean, Puntodis (Urdulizen kokatua), irrisgarritasun unibertsaleko enpresa aitzindarietakoa bihurtu da mundu osoan. 2004an proiektu ikuskari gisa hasi zena, Jon Imanol Ibarrak bultzatuta, gaur egun erreferentziazko konpainia da, esperientzia, fabrikazio propioa eta garapen digitala uztartzen dituena, milaka erabiltzaileren bizitza hobetzeko.
Jon Ibarra, hiru hamarkada baino gehiagoko ibilbidearekin, ASEPAUko kidea da eta UNEko normalizazio-batzorde teknikoetan parte hartzen duenak, bide hau gidatu du idei argi batetik: “irisgarritasuna ez da betekizun tekniko bat; inguruneek pertsona guztientzat hobeto funtziona dezaten lortzeko modua baizik”. Ikuspegi praktiko, gizatiar eta benetako erabilerara bideratutako horrek markatu du Puntodisen nortasuna hasieratik.
Inpaktu erreala duen diseinu unibertsala
Puntodis Espainiako braillez eta goi-erliebez seinaleak diseinatu eta ezarri zituen lehen empresa izan zen, gaur egun erakunde publikoetan, ikastetxeetan, museoetan eta turismo-helmugetan dagoena. Ibilbide aitzindari hau kalitatea, koherentzia eta iraunkortasuna bermatzen duen zorroztasun teknikoarekin joan da bet batera, Urdulizen egindako fabrikazio propioari esker.
Azken urteotan, konpainiak urrats erabakigarria eman du irisgarriak diren soluzio digitaletara SaaS plataformen familia propioarekin: Map ‘s Voice, Museum’ s Voice, Chef ‘s Voice, Emergency Voice eta Doc’ s Voice. Horiek guztiek printzipio berari erantzuten diote: informazio argia eta ulergarria ematea, formatu desberdinetan eta oztopo teknologikorik gabe.
Tresna horien artean, Doc ‘s Voice nabarmentzen da, dokumentuak, protokoloak edo eskuliburuak QR esteka baten bidez eskura daitezkeen eduki bihurtzeko aukera ematen duena. Soluzio hori bereziki erabilgarria da administrazioen, osasun-zentroen edo enpresen kasuan, konplexutasun teknikorik gabe araudia ulertu eta bete behar dutenak. Puntodiseko taldeak laburbiltzen duen bezala: “Doc ‘s Voice programak irakurtzeko, ulertzeko, komunikatzeko eta parte hartzeko aukera ematen du, erabiltzaile bakoitzera egokituz”.
Produktuak baino gehiago: laguntza, metodologia eta ikuspegia
Puntodisen proposamena materiala edo digitala baino harago doa. Bere balio bereizgarria laguntza integralean oinarritzen da eta honek, auditoriak, diagnostikoak, plan estrategikoak eta arreta inklusiboko prestakuntza espezializatua konbinatzen ditu.
Helmuga turistiko, kultura-zentrotarako eta administrazioetarako, ikuspegi horrek zerbitzuaren hobekuntza erreala dakar, eta, batez ere, informazioa kudeatzeko modu eraginkorrago bat. Taldeak honela laburbiltzen du: “Funtzionaltasuna handitzeaz gain, parte-hartze osoa izateko aukerak zabaltzen ditugu“.
Beharrezko aldaketa bultzatzen duten pertsonak
Puntodisen benetako motorra bere taldea da: irisgarritasunean, diseinu unibertsalean, normalizazioan, fabrikazioan eta garapen digitalean espezializatutako profesionalak. Eskarmentua, irizpidea eta sentsibilitatea konbinatzen dituen taldea, behar konplexuak egunerokotasunerako irtenbide erabilgarri bihurtzeko.
Artikulu honekin batera doan taldearen argazkiak, hain zuzen ere, giza eta lankidetzazko zigilu hori islatzen du: entzunez, proposatuz eta sektore askori irtenbideak emanez hazi den euskal enpresa, betiere pertsonengan oinarritutako ikuspegiarekin.
Gizartea eraldatzen duen berrikuntza
Jon Ibarraren hitzetan irisgarritasuna, batez ere, gizartea eraldatzeko tresna bat da. “Irisgarritasuna ez da estandar bat gehiago. Espazioek eta zerbitzuek denontzat hobeto funtzionatzea da”, adierazi du.
Aniztasuna araua den testuinguru batean, eta hortaz, itxaropenak handitzen diren, Puntodis bazkide estrategiko gisa posizionatzen da inklusioa modu erreal eta jasangarrian integratu nahi duten erakundeentzat. Teknologia propioarekin, barne fabrikazioarekin eta talde konprometitu batekin, bere ekarpena balio erantsi bihurtu da Euskaditik mundura aldea markatu nahi dutenentzat.
