SPRIK kalifikazio-txostenen zerbitzu berria eskainiko du zerga-helburuetarako aurrerapen teknologikoa duten berrikuntza-proiektuetarako

SPRI Taldeak aurrerapen teknologikodun berrikuntza-proiektuekin lotutako zerga-helburuetarako kalifikazio-txosten teknikoak igortzeko zerbitzu berria aurkeztu du. Zerbitzu hori foru-aldundiek eskaintzen duten zerbitzuarekiko osagarria izango da. Teknologia, Berrikuntza eta Jasangarritasuneko zuzendariak, Cristina Oyónek, Elkargik eta Cotec-ek antolatutako “Fiskalitatea berrikuntzarako finantza-motor gisa” jardunaldian aurkeztu dute.

Zerbitzu hori berrikuntzari beste bultzada bat emateko asmoz SPRIk abian jarritako bi ekimenekin lotuta dago. I+G arloan egin izan den moduan, zerbitzu honen helburua da enpresetan berrikuntza-jarduerak sustatzea, bultzatzea eta indartzea, zerga-pizgarridun berrikuntza-proiektuetarako dirulaguntzen programa berria, 2024ko martxoan argitaratuko dena, osatuz.

Azken urteotan, Teknologia, Berrikuntza eta Jasangarritasun arloak 2018ko Osloko Eskuliburuak finkatutako ikuspegiaren arabera landu du berrikuntza. Hala, berrikuntza-proiektuak karakterizatzeko eta ebaluatzeko metodologia berri bat zehaztu da, definizio horrekin bat datorrena. Metodologia horren bidez, ebaluazioa egin daiteke eta, positiboa bada, sozietateen gaineko zergan foru-aldundientzat loteslea den txostena igorri.

Aurrerapen teknologikodun berrikuntza-proiektuetarako Zerga Ondorioetarako Kalifikazio Txostenak igortzeko zerbitzua doakoa izango da eta urte osoan zabalik egongo da. Euskadiko industria arloko mikroenpresei, ETE-ei eta enpresa handiei, eta industriari lotutako zerbitzuak eskaintzen dituztenei bideratuta egongo da.  Aurretiazko txostena denez, enpresek haien berrikuntza-estrategiaren inguruko plangintza egin ahal izango dute eta, gainera, zerga-dedukzioak aplikatzeko garaian ziurtasun handiagoa emango die.

Eskaerak modu telematikoan aurkeztu beharko dira I+G proiektuekin lotutako zerga-ondorioetarako kalifikazio-txosten teknikoak erabiltzeko gaur egun erabiltzen den aplikazioaren bidez.

Berrikuntza-programa berriak aurkeztutako eta onartutako aurrerapen teknologikodun berrikuntza-proiektuen proposamenek automatikoki jasoko dute txostena.

Lotutako albisteak

22 uztaila, 2024 Berrikuntza

Jabones El Abra: “Produktu litro bakoitzeko plastiko gutxiago erabiltzen duen ontzi ekologiko bat garatu dugu Hazinnovari esker”

Irakurri gehiago

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

Joan blog-era