SPRIk egindako ikerlan baten arabera, genero-berdintasuneko maila handiena duten enpresak lehiakorragoak dira eta, fakturazioari eta enpleguari dagokienez, emaitza hobeak dituzte
Emakumeek lehiakortasun industrialean duten inpaktuaren inguruan SPRIk egindako ikerlanak ondorioztatu duenez, “genero-berdintasun handieneko enpresak lehiakorragoak dira”. Ikerlanaren datuek, gainera, agerian utzi dute “berdintasun handiena duten enpresek fakturazioan, enpleguan, I+G+b arloan eta nazioartekotzean emaitza onenak” izaten dituztela.
SPRI Taldeko Teknologia, Berrikuntza eta Jasangarritasun arloko zuzendariak, Cristina Oyónek aurkeztu ditu txostena eta emaitzak “LEADERS IN TECH CONFERENCE” egitasmoaren laugarren edizioan. Bertan, erreferentziazko enpresa eta erakundeetako 15 adituk baino gehiagok berrikuntza arloko joera teknologiko nagusien inguruko ikuspegi orokorra eskaini dute eta industria arloan erabilera aurreratuagoa bultzatzeak eta sustatzeak duen garrantzia azaldu dute.
SPRIren txostenaren abiapuntua Cristina Oyónek Women in Manufacturingeko Talde Adituan izandako esku-hartzea izan da. Erakunde horrek 2021ean erabaki zuen UNIDOk (United Nations Industrial Development Organization) 2019an nabarmendu zituen premisetako bat frogatzeko helburua zuen ikerketa-lana abiaraztea: “Genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere bada”.
Emakumeek Euskadiko industriako enpleguaren % 21,7 bakarrik biltzen dute
Hala, SPRIk metodologia bat garatu du genero-berdintasunaren eta industria-lehiakortasunaren arteko korrelazioa aztertzeko, eta genero-berdintasun handiagoak industria-lehiakortasunari mesede egiten dion frogatzeko datuak lortzeko azterketa-kasu bat ere garatu du.
Diseinatutako metodologiari esker, enpresa industrialetan genero-berdintasunarekin eta lehiakortasunarekin lotutako kontzeptuen dimentsio anitzeko ebaluazio integrala egin daiteke. Horretarako, bi indize konposatu sortu ziren: bata lehiakortasunarekin lotuta eta bestea berdintasunarekin, azpiindize eta aldagai ponderatuen multzo batez osatuak.
Eredua diseinatu ondoren, 2022ko abuztuan, SPRIren datu-baseko Euskadiko industria eta horri lotutako zerbitzuetako 2.500 enpresari inkesta igorri zieten eta haietatik 474 erantzuneko lagina lortu zen.
Cristina Oyónek eman ditu lagin horren ezaugarri nagusien inguruko azalpenak. Horrekin lotuta, emakumeek Euskadiko industria arloko enpleguaren % 21,7 bakarrik biltzen dute eta, Euskadiko lan-merkatuaren % 44 ordezkatzen dutela kontuan hartuta, datu kezkagarria da zalantzarik gabe. Oro har, emakumeen presentzia txikiagoa da enpresetan, prestakuntza maila edo saila edozein izanda ere, baina nabarmen jaisten da lidergo-posizioetan. Izan ere, inkestan parte hartu duten konpainien % 13k bakarrik du emakume bat zuzendari.
Sortutako ereduan enpresen erantzunak sartzeak erakusten du genero-berdintasun handiena duten enpresak lehiakorragoak direla. Gainera, datuek agerian uzten dute berdintasun handiena duten enpresek fakturazioan, enpleguan, I+G+b arloan eta nazioartekotzean emaitza hobeak dituztela.
Bestalde, enpresa lehiakorrenek genero-berdintasuneko maila altuenak ere badituzte. Zehatzago esanda, azterlanak berdintasunetik abiatuta lehiakortasuna sustatzeko gako hauek identifikatu ditu:
- Bereizketa horizontala (saileka).
- Bereizketa bertikala (erantzukizun mailaren arabera).
- Laneko eta noerberaren bizitzaren arteko kontziliazio-neurriak (ordutegi-malgutasuna, telelana, zaintzetarako baimenak…).
- Berdintasuneko barne-politikak (planak, batzordeak, prestakuntza eta berdintasun-protokoloak).
Amaitzeko, Cristina Oyónek honako bi datu hauek azpimarratu nahi izan ditu: zer-nolako garrantzia duen emakumeek lehiakortasun industrialean duten inpaktu positiboa erakusten duen metodologia izateak eta azterlan horrek enpresetan genero-berdintasuneko politikak ezartzeko garaian motibazioa sortzeko tresna gisa duen potentziala; izan ere, bere hitzetan, “genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere bada”.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa