Euskal enpresaren blog-a Zure enpresarentzat garrantzitsua den eguneroko informazioa

12 abendua, 2018
SPRI Taldeak brontzezko A jaso du Kudeaketa Aurreratuaren Sarietan

Euskadiko teknologia-parkeen sarea ere saritu du Euskalitek
SPRI taldekoa Inés García sariekin

 

Euskadiko teknologia-parkeen sarea ere saritu du Euskalitek

 

Euskalit Fundazioak banatu ditu jada Kudeaketa Aurreratuari urtero ematen dizkion sariak. Lehiakortasuna eta garapen jasangarria sustatzen duten euskal enpresa eta erakundeei ematen zaizkie sari horiek. Guztira 16 enpresak eta erakundek jaso dituzte kudeaketa-jardunbide egokienak aintzatesten dituzten sari horiek.

 

Industriaren alorrean, hauek eskuratu dute Euskaliten brontzezko A saria: SPRI Taldea – Eraldaketa Lehiakorrerako Sozietateak, eta Euskadiko Teknologia Parkeen Sareak, zeinaren partaide baitira Arabako, Bizkaiko eta Gipuzkoako parke teknologikoak. Alor berean saritu dute Arteman Komunikazioa agentzia gipuzkoarra ere; Bizkaiko Matrici kooperatibak, berriz, zilarrezko A jaso du.

 

Osasunaren arloan, Osakidetzako Donostialdea Erakunde Sanitario Integratuak eta Mutualiak eskuratu dute Kudeaketa Aurreratuaren Euskal Saria. Bestalde, Arabako eta Gipuzkoako osasun mentaleko sareek eta Osakidetzako Tolosaldeko Erakunde Sanitario Integratuak zilarrezko A jaso dute. Hezkuntzan, Artxandako Trueba eta Urkide ikastetxeei urrezko A eman die Euskalitek: EHUko psikologia Fakultateari, Madre de Dios Ikastetxeari eta Gurutzetako salestarrei, berriz, zilarrezko A. Azkenik, Hirugarren Gizarte Sektorean, desgaitasun intelektuala dutenei laguntzen dien Gorabide elkarteak eta Sirimiri Zerbitzu Soziokulturalek jaso dute saria.

 

Hogeita bost urte baino gehiago dira Euskalit fundazioa sortu zela. Euskal enpresa eta erakundeetan kudeaketa aurreratua sustatzea du helburu fundazioak. Euskalit sariak, berriz, enpresa eta erakundeek kudeaketan egin duten aurrerako bidearen ebaluazio orokorra egin ondoren banatzen dira. Erakundetik kanpoko ebaluatzaile independente eta oso trebatuek egiten dute ebaluazioa. Kudeaketan aurrerapen nabarmenak egiten dituzten enpresa eta erakundeen lana aintzatesten dute sariek, eta jardunbide egoki bihurtzen dituzte aurrerapen horiek.

 

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?