Euskal enpresaren blog-a Zure enpresarentzat garrantzitsua den eguneroko informazioa
Albisteak 11 urtarrila, 2022 Berrikuntza

Rulisak osagai hidraulikoak dituzten makinen atalik garrantzitsuenak fabrikatzen ditu

Gasteizko enpresak 35 urte baino gehiagoko esperientzia du banatzaile hidraulikoen fabrikazioan, eta sektore eolikoan zentratzen du nagusiki bere jarduera. Enpresa lider honek, aerosorgailuen, hondeatzaileen edo trenen sektoreetan ditu bezeroak, eta bere piezak mundu osoan zehar presente daude.

Bihotza zirkulazio-aparatuaren organo nagusia da. Eta, hidraulikaren arloan, likido batek makina bat funtzionarazteko behar duen energia transmititzeko erabiltzen duen teknologia bloke bat da. Azken finean bere “bihotza” da, Iñaki Delgado Quintanak, Rulisa Hydraulic Blocks enpresa arabarreko gerenteak, adierazi duenez.

Gasteizko enpresak 35 urte baino gehiagoko esperientzia du, eta banatzaile hidraulikoen eta bloke hidraulikoen fabrikazioan liderra da. Gaur egun, sektore eolikora bideratutako blokeen fabrikazioagatik nabarmentzen da. Hala ere, makina-erremintaren, energia berriztagarrien, eraikuntzako makineriaren, aeronautikaren, siderurgiaren, automobilgintzaren eta trenbideen sektoreetan ere jarduten du.

Gerenteak adierazi duenez, “edozein motatako bloke hidraulikoen mekanizazioan lan egiten dugu, bai altzairuzkoak, bai galdaketakoak, bai aluminiozkoak”. Euskal enpresak bloke osoa mekanizatzen du zuloak eta barrunbeak eginez, eta blokeak horrela ailegatzen dira bezeroen instalazioetara, Iñaki Delgado Quintanak adierazi duenez: “Blokeak bizarrik gabe, ultrasoinuen bidez garbi eta korrosioaren aurkako tratamenduarekin entregatzen ditugu, muntatzeko prest, kalitatea eta fidagarritasuna bermatuz”.

Nazioarteko presentzia handia

Rulisa Hydraulic Blocks-ek fabrikatutako produktuak edozein makinatan aplikatzen dira ekipo hidrauliko baten bidez, hala nola aerosorgailu batekin, hondeamakina batekin edo prentsa batekin. Eta mundu osoan kokatuta daude makina horiek. “Gure merkatu nagusia nazionala da, nahiz eta beste herrialde batzuekin lan egiten dugun (Portugal, Frantzia, Suitza, Italia, Alemania, Erresuma Batua). Gure piezak bost kontinenteetan daude”, gerentearen esanetan.

Euskal enpresa honen filosofia bere produktuak fabrikatzean berrikuntzaren eta merkatuan dauden azken teknologien erabileraren aldeko apustua egitea da, digitalizazioa aprobetxatuz.

Une honetan 22 pertsonak osatzen dute enpresa arabarreko plantilla. “2022ko urtarrilean kontratazioren bat egiteko asmoa dugu. Gero, hazten jarraitzea da helburua, baina merkatuaren mende gaude”. Iñaki Delgadok argitu duenez, “gaur egun zalantza handiak daude proiektuetan, energiaren eta lehengaien prezioa etengabe igotzen ari delako”.

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako programak eta laguntzak ditu. Hemen kontsulta daitezke.

Eneko Astigarraga_Esle_IndeusElkarrizketak
Albisteak 24 ekaina, 2022 Berrikuntza
“Euskarak balioa eman diezaieke gure enpresei bai kohesio aldetik, bai nortasun berri bat ematearen aldetik” Eneko Astigarraga, ESLE
Irakurri gehiago
IndeusBerri bannerra_EKAINA
Albisteak 23 ekaina, 2022 Berrikuntza
IndeusBerri: industria eta euskara uztartzen dituen informazioaren topagunea
Irakurri gehiago
Albisteak 23 ekaina, 2022 Berrikuntza
BRTA partzuergoak ikerketen emaitzen balorizazioari buruzko udako ikastaro bat antolatu du  
Irakurri gehiago
Albisteak 20 ekaina, 2022 Berrikuntza
Logos, duela 70 urtetik gama altuko altzari pertsonalizatuak eskaintzen dituen ETEa
Irakurri gehiago
Miriam Francés_Energia Klusterra_IndeusElkarrizketak
Albisteak 17 ekaina, 2022 Berrikuntza
“Gure hizkuntza erabiltzen jarraitzen dugula ikusaraztea, euskal industriaren bereizgarritasunetako bat izan daiteke” Miriam Francés, Energia Klusterra
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak