Pezestudio: “Agroplazaren helburua hiriko bizitzaren aldeko hirigintza sortzea da”
Pezestudio arkitekturaren bidez inguruak sozial eta ekologikoki aldatu nahi duten arkitektoen taldea da. Bizitza erdigunean kokatzeko asmoa dute. Bilbon eta Madrilen kokaturik, hirien diseinurako proiektuak burutzen dituzte biztanleen partehartzea eta jasangarritasuna lehenetsiz. Proiektu honen adibide ona dugu hainbat hiritan garatutako Agroplaza ekimena, orain Bilboko Irala auzoan burutu dutena Bilboko Udala eta Designscapes programa europarraren laguntzaz.
Zer da Agroplaza?
Ikerbide baten parte da. Leku publikoak ikuspegi ekologiko, inklusibo, feminista eta elkarlanezkoaz berrantolatzen ditugu pertsonen bizi-kalitatea hobetzeko. Hortaz, ingurugiroarekiko errespetu handiagoa duten hiri jasangarriagoak izateko aurrera pausua da, gune inklusiboak sortzeko, norbere energia sustatzeko…
Agroplaza proiektua 2011n hasi genuen eta eboluzionatzen joan da. Esperimentaziorako tailerrak garatu ditugu hiriko altzariak bertokoekin diseinatzeko. Denbora tarte honetan 20 bat dispositibo ezberdin garatu ditugu, gai jakin batzuei lotutakoak: energia berriztagarriak, hiriko baratzak, ura eta hondakinak.
Zertan datza Bilboko kasua?
Bilbon parte hartzeko eta elkarrekin sortzeko prozesua garatu dugu, Iralako Kirikiño plazan, hain zuzen ere. Lehenengo fasean auzoko erakunde eta pertsonen ideiak jaso genituen haien beharrizanak ezagutzeko. Ostean, plazak izan ditzakeen erabilerak identifikatzeko saioak antolatu ditugu, konponbideak emateko.
Proiektua hiriko altzairu-piezen bidez gauzatzen da. Nolakoak dira?
Prozesutik bi egitura sortu dira. Lehena sonoritate handiko eszenatokia, argiztapena eta bozgorailu-sistema dituen plataforma estalia eguzki-plaken energiaz musika jarri ahal izateko. Kanpotik ispiluak ditu eta batez ere gazteentzako pentsatuta dago, haiek musika jarri, dantzatu edo entseatzeko. Izan ere, auzokoen ahotan, gazteentzako eta erakundeen ekintzetarako guneak falta ziren.
Bigarren dispositiboa harmailak dira. Berez ureztatzen diren lorategiak, argiztapena eta telefono mugikorra kargatzeko panelak ditu.
Dispositibo hauek ikasketa eta sentsibilizaziorako guneak izatea nahi dugu; azken batean, proiektu txikia da eta inguruarekiko eragin eskasa izan dezake. Ikuspegia aldatzea da helburu nagusia.
Veneziako Arkitektura Bienalean hautatu zaituztete; zer eramango duzue erakustokira?
Agroplazan jendearekin batera diseinatutako piezetako bat eramango dugu: erabiltzean argia sortzen duen zabu-farola bat. Pieza eskala errealean eramango dugu, eta erakusketaren ondoren, gune publiko edo komunitarioren batean kokatzea nahi genuke, jendeak erabil dezan. Pieza eraikitzeko, Eusko Jaurlaritzaren laguntza jaso dugu; Lurralde Plangintza, Etxebizitza eta Garraio sailaren bitartez. Oso pozik gaude, laguntza honek kalitate hobeaz ekoiztea ahalbidetu digulako.
Konfinamendua dela eta, leku publikoak gehiago erabiltzen ari gara eta hauen garrantziaz ohartu gara. Nola hobe ditzakegu espazio publikoak bizitza erdialdean kokatzeko?
Hasteko, partehartzea beharrezkoa da; espazioak erabiltzen dituzten pertsonen beharrizanak jaso behar dira. Guretzat beti izan da oso argigarria, bestela kontuan hartuko ez genituzkeen hainbat gauza ikusten laguntzen digulako. Ikuspegi teknikoa biztanleen esperientziarekin uztartu behar dugu. Ekologiaren ikuspuntutik ibilbide handia dago egiteko. Hiriak elkarrekin erlazionatuta dauden guneen ekosistemaren partetzat hartu behar ditugu, natura azpiegituretako bat baita. Hiriak harreman orekatuagoa behar du naturarekin eta bioaniztasuna zaindu behar du. Hala, ekologiari ez ezik, pertsonen bizitzari ere onurak ematen dizkio zentzu askotan.
info+: www.pezestudio.org
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.