Euskal enpresaren blog-a Zure enpresarentzat garrantzitsua den eguneroko informazioa
Albisteak 27 ekaina, 2022 Berrikuntza

MKcoinek neurrira egindako konponbideak fabrikatzen ditu makina-erremintaren sektorean piezak lotzeko

Enpresa gipuzkoarrak duela ia lau hamarkadatik mekanizatuko diren piezentzako euste-platerak diseinatu eta fabrikatzen ditu. Gainera, pieza lotzearekin lotutako produktuak, barailak, dorretxoak eta abarren banaketan jarduten du, nazioarteko marka nagusiekin.

Duela 40 urte ingurutik, MKCoinek neurrira egindako konponbideak eskaintzen ditu  makina-erreminta-sektorean, piezak lotzeko helburuarekin. Enpresa gipuzkoarrak mekanizatuko den pieza eusteko platerak diseinatzen eta fabrikatzen ditu, eta piezak lotzeko erantzunik eraginkorrena ematen espezializatu da, “betiere kalitate, zerbitzu eta errentagarritasun berme maximoak eskainiz”, adierazi du Eva Mangasek, MKCoinen gerenteak.  

Soluzio egokitu berriak garatu behar diren kasuetan, bezeroaren beharretara egokitzen da enpresa. Gerenteak zehaztu duenez, “produktu berritzaileak diseinatu eta fabrikatzen ditugu, edozein amarratze-eskaerari modu pertsonalizatuan erantzuteko. Gainera, lanak hala eskatzen duenean, prestazio berriak gehitzen dizkiogu gure konponbideei. 

Euskal enpresak makineriaren ekoizpen-prozesuak optimizatzeko soluzioak eskaintzen ditu, errentagarritasun handiagoa lortzeko xedearekin. “Bezeroei aholkuak ematen dizkiegu pieza prestatzeko denborak hobetzeko arazoak dituztenean”, azpimarratu du. 

Europa, esportazio-merkatu nagusia

Milioi bat euro inguruko urteko fakturazioarekin, salmenten % 25 inguru esportaziotik dator, batez ere Europatik (Italia, Frantzia, Erresuma Batua) eta Erdialdeko Amerikatik. “Estatuko makineria fabrikatzaileekin lan egiten dugu, hala nola Lagun, Gurutzpe, Metosa, Ibarmia, Makegi-Zeatz. Gainera, nazioarteko kideak ere baditugu, Fathaco, Cams, Torgim, OMG edo Fracom, besteak beste. 

Fabrikatzailea izateaz gain, pieza, barailak, dorretxoak… lotzeko produktuak ere merkaturatzen eta banatzen ditu, izen handiko marketakoak: “Homge, baraila-fabrikatzaile espezializatua, eta Chandox, plater eta zilindro automatikoak ekoizten dituen enpresa. Taiwangoak dira bi konpainiak”, adierazi du Mangas Beobidek. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu. 

Kooperatiben Mahai Elkartearen irudia
Albisteak 26 uztaila, 2022 Berrikuntza
2.000tik gora lanpostu eta 24 milioi eurotik gorako inbertsioa da kooperatibek Lea-Artibain eta Busturialdean egindako ekarpena
Irakurri gehiago
Albisteak 21 uztaila, 2022 Berrikuntza
SPRIk gidatzen du enpresetan genero berdintasuna bultzatuz industria-lehiakortasuna handitzea helburu duen nazioarteko aditu talde aitzindaria
Irakurri gehiago
Albisteak 12 uztaila, 2022 Berrikuntza
Baster, familia-enpresa txikia izatetik garbiketa teknikoan eta doitasun-koipegabetzean konponbide aurreratuak eskaintzera
Irakurri gehiago
Albisteak 11 uztaila, 2022 Berrikuntza
Cover Systemsek korrosioarekiko eta metalekiko erresistentzia handiko estaldura termoplastikoak aplikatzen ditu
Irakurri gehiago
Albisteak 8 uztaila, 2022 Berrikuntza
Frigolan: “Izaera berritzailea dugu hozte industrialaren sektorean, eta horretarako lankidetzak hobetzea funtsezkoa da”
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak