Forest Pioneer: “Hazinnova programak merkatu berriak bilatzeko eta gure lehiakortasuna hobetzeko aukera eman digu”
Forest Pioneer Group 25 urte baino gehiagoko ibilbidea duen enpresa da, basogintzaren munduan jarduten duena. Zehazki, konpainiak baso-ekipamendu sorta zabala diseinatu, fabrikatu eta banatzen du, bai ebakitzeko, prozesatzeko eta autokargatzeko makinak, bai basoak inausteko eta garbitzeko makinak, euskarri teknikoa eta mantentze-lanak eskaintzeaz gain. Lau filialek osatutako enpresa-taldea da. Bi Euskadin kokatuta daude (Irunen eta Mungian), bat Galizian eta azkena Frantzian. Guztira 75 profesional inguru ditu. Mungian, zehazki, iaz enpresa instalazio berri batzuetara lekualdatu zen, bere espazioa hirukoiztuz, Euskadiko merkatua indartzeko asmoz.
Euskal konpainiak baso-enpresentzat, mendien jabeentzat eta kontratistentzat lan egiten du, enpresa txikiei eta zuraren sektoreko korporazio handiei zerbitzua emanez. Merkatu nazionalean finkatuta dago, eta nazioartean ere presentzia handia du. Izan ere, Frantziako merkatuak fakturazio osoaren % 50 hartzen du.
Forest Pioneerrek hirugarren urtez jarraian parte hartu du SPRI Taldearen Hazinnova programan, bi proiekturekin. Lehenengoan, makina fabrikatzaile gisa enpresa sustatzearen aldeko apustua egin du, eta horretarako, baso-talagailu bat eta marka propioko zenbait inplementu diseinatu eta fabrikatu ditu. “Horri esker, enpresaren lehiakortasuna hobetu ahal izan dugu produktu berrien garapena bizkortu dezaketen berrikuntza-teknologia eta -tresnekin”, azaldu du Aitziber Marín enpresako marketin-arduradunak.
Bigarren proiektua bere marka eraldatzeko erabili da. “Prosumelab aholkularitza-enpresaren eskutik, irudiari eta merkatu berrietan posizionatzeari buruzko hausnarketa estrategikoa egin dugu lortu nahi ditugun merkatuetan. Hala, azterketa estrategikoko prozesu horri esker, merkatuko posizionamendua hobetu ahal izan dugu, definitutako merkatuetara iristeko jarraitu beharreko ibilbide-orri bat garatuz, eta merkatuetara eta bezero potentzialera askoz hobeto egokitzeko”, zehaztu du Aitziber Marínek. Adibidez, plan horri esker, Galiziako presentzia indartu egin da, teknologia berritzaileak basogintza-sektoreko eremu garrantzitsu batera eraman baitira.
Gainera, enpresak azken urteetan makina eraginkorrak diseinatu ditu, “erregai edo energia gutxiago kontsumitzen dutenak eta poluitzaileak minimizatzen dituztenak”. Olio biodegradagarriak erabiltzea ere erabaki da, edo ekipo zaharrak eta pieza zaharkituak birziklatzeko programa ezarri da, hondakinak minimizatzeko eta materialen berrerabilera sustatzeko.
2029ra 30 milioi euroko fakturazioarekin iristea bilatzen duen ibilbide-orri batekin, enpresak etorkizunerako asmo handiko planak ditu, besteak beste, Galizian marka propioko makineria fabrikatzeko lantegi moderno bat eraikitzea. “Lantegi berriari esker, enpresak ekoizpen-ahalmena handituko du eta kalitate handiko produktuen sorta handituko du, eta, aldi berean, eskualdearen garapen ekonomikoari lagunduko dio. Gainera, plan horrek indartu egiten du enpresak merkatuan duen posizioa, baita jasangarritasunean eta eraginkortasunean duen ikuspegia ere bere lan guztietan”, zehaztu du Aitziber Marinek.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.
Arrosi: “Surfeko oholen fabrikazioa da paper kizkurtuaren aplikazio exotikoenetako bat”
Elduainen dagoen enpresa honek lau hamarkada daramatza papergintzaren erreferentzia izaten
Zerbimek: “Serie laburren, pieza unitarioen eta prototipoen mekanizazioan espezializatzen gara, eta hori ez da ohikoa sektorean”
CNC mekanizazioan espezializatutako enpresak 'Prestakuntza Dualeko Gipuzkoako Enpresarik Onenaren' saria jaso du bere talentu gaztearen aldeko apustuagatik.
Zeatz: “Urte hauetan lortutako esperientziak garrantzi handiko proiektuei aurre egiteko aukera ematen digu”
Neurrira diseinatutako zatitzaileen fabrikazioan espezializatutako Gipuzkoako konpainiak berrikuntzaren eta zentro teknologikoekin lankidetzan aritzearen alde egiten du, irtenbide pertsonalizatuak garatzeko.