Euskal enpresaren blog-a Zure enpresarentzat garrantzitsua den eguneroko informazioa

21 urria, 2020
Fapisek bere instalazioak modernizatu ditu bere enpresan 4.0 industria sendotzeko

Enpresa Gasteiztar hau eraldaketa teknologikora egokitutako euskal mekanizazio tailerren erakusgaia da
Eduardo Berasategui, gerente de Industrias Fapise
Eduardo Berasategui, gerente de Industrias Fapise

Euskal industriako multinazionalen eta korporazio handien azpitik ETEen ekosistema zabal bat dago, denboraren ondorioz egokitzen joan dena. Hala, trakzio-konpainien aurrerapen teknologikoek hornitzaileei egokitze, berritze eta modernizatze prozesuak jarraitzera animatzen dituzte. 

Industrias Fapise (Fabricación de Piezas en Serie izenetik hartzen du bere izena) 70eko hamarkadaren hasieran Gasteizko Gamarra industrialdean jaiotako enpresa txiki bat da. Hasiera batean lau bazkidek bultzatu zutenbaina denboraren ondorioz mekanizazio-tailer hau José Ángel Berasateguiren esku geratu zen bakarrik. Izenak berak adierazten zuen bezala, enpresak serieko piezak mekanizatzen zituen. Hala ere, balio gehigarri txikia duten horrelako lanek ‘low cost‘ herrialdeek monopolizatu dituzte gaur egun, batez ere Asian. 

Bere sektoreko beste euskal konpainia askok bezala, Fapisek beharrezko trantsizio teknologikoaren alde egin du. Aurrera pauso handiena mende aldaketaren ondoren eman zuen, Eduardo Berasategui buru zuen familia enpresa honen bigarren belaunaldiaren eskutik. “Mekanizazioaren sektorean jarraitzen dugu, baina gero eta pieza konplexuagoak egiten ditugu. Mekanizazio bereziago bat da”, adierazi du. Ia ez da piezarik egiten seriean. 

Ingeniari industriala da Berasategui, eta 4.0 industriaren erronketara egokitzeko makinak erostearen aldeko apustua egin zuen: “Zayerrek egindako 10 metroko fresatzeko makina batek pieza handietan espezializatzeko aukera eman zigun. Eta bost ardatzeko mekanizazio-zentroen erosketaren bidez, proiektu konplexuagoak eta balio erantsi handiagokoak eskuratu ahal izan ditugu. Inbertsio horietako batzuk SPRIren makina-erremintaren Renove Planari esker egin ahal izan ziren”, azaldu du. Gainera, eraldaketa digitalerako beharrezko software eta programazioarekin egokitzearen garrantzia azpimarratu du. 

Horri esker, Fapisek “kalitatezko aurrera pauso teknologiko handi bat” izan zuen, eta aldi berean bere jarduera dibertsifikatu ahal izan zuen. Automobilgintza izan da beti bere bezero nagusia (salmenten ia % 50a izaten jarraitzen du), baina azken hamarkadan aeronautikaren, trenbidearen, haizearen eta makina-erremintaren sektoreetan ere lan egin du. Automobilaren TIER-1ak eta Fagor ArrasateUribesalgo eta beste hainbat enpresa Gasteizko enpresarengan konfiantza izan dute. 

Aurten, pandemia deklaratu baino lehentxeago, Fapisek bere instalazioak modernizatzeko prozesuari ekin dio, 5s estandarren eta Lean metodoaren bidez “produktibitatea handitzeko” helburuarekin. Osasun krisiaren ondorioz eten egin zen arren, “prozesuarekin jarraituko dugu”, adierazi dute enpresako arduradunek. 

Mekanizazio-tailer horrek 14 langile ditu, eta ez du hainbeste pentsatzen kopuruz haztea, baizik eta nortasun-ezaugarriei eustea: “Kalitatea, bezeroarekiko hurbileko tratua eta gure makinetan oinarritutako prestazio handiko zerbitzu bat eskaintzea“, ondorioztatu du Berasateguik. 

Berrikuntza 1 abendua, 2020
Euskadi da 2019an I+Gn gehien inbertitu duen Estatuko lurraldea (BPGren % 1,97)

Ekonomiaren Garapeneko, Jasangarritasuneko eta Ingurumeneko sailburuak INEren (Estatistikako...Leer más

Berrikuntza 23 Azaroa, 2020
Abian da BBDWeek, sormena eta industria hibridatzeko aukerak

  Kultura- eta Sormen-industriak garrantzia hartzen ari dira Europan sektore estrategiko...Leer más

Berrikuntza 20 Azaroa, 2020
Bizkaia Plaza eraikineko Erakunde Publikoek EUSKARALDIArekin bat egin dute 30 Arigune eta 100dik gora Ahobizi eta Belarriprestekin

Bilboko Bizkaia Plaza eraikinean kokatutako Erakunde publikoek, hau da Energiaren Euskal...Leer más

Berrikuntza 18 Azaroa, 2020
Sprilur Eraikune-k antolatutako Eraikuntza Aurreratuaren eta Arkitektura Jasangarriaren Europako Kongresuan

  Sprilur-ek parte hartuko du Eraikune-Euskadiko Eraikuntzaren Klusterrak antolatutako...Leer más

Berrikuntza 12 Azaroa, 2020
Labean: berrikuntza sozialeko 5 ekimen Euskadiko landa-eremuak sustatzeko

  Labean – Landa eremuan berrikuntza soziala pizten izeneko programak jakinarazi du...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?