Ekimen horrek 5,6 milioi euroko aurrekontua du, eta I+G-a, lehiakortasuna eta ikertzaileen laneratzea bultzatzen ditu
Eusko Jaurlaritzak Bikaintek laguntza-programa ireki du, euskal enpresen I+G-a bultzatzeko ikertzaileen kontratazioaren bidez. Ekonomi Garapen eta Azpiegitura Sailak sustatutako ekimen honek 5,6 milioi euroko aurrekontua du eta, Euskal Herriko Agintaritzaren Aldizkarian argitaratu ondoren, eskaerak aurkezteko epea zabalik dago maiatzaren 15era arte.
Laguntza hauen bidez doktore-titulua duten pertsonak kontratatu daitezke industria-ikerketako proiektuetan lan egin dezaten edo doktorego-tesia egiten ari diren pertsonak, betiere tesi horrek zerikusia badu industria-ikerketako proiektu batekin. Hala, asmoa da talentua sortzea, I+G-ko proiektuak garatuz EAEko enpresa-inguruneetan. Era berean, bultzada bat emango zaio EAEko industria-ehunaren lehiakortasunari eta nazioartekotze-gaitasunari.
Ekimen honen helburua da doktore-titulua duten pertsonek gida ditzatela euskal enpresen ikerketak, horixe baita ikertzailetzat hartzen diren pertsonentzat nazioartean onartzen den prestakuntza akademikoa.
Industriaren lehiakortasuna bultzatzeaz gain, programa honen helburua da, orobat, ikertzaileen laneratzea sustatzea beren karrera profesionalaren hasieratik. Enpresek ez eze, Zientzia, Teknologia eta Berrikuntzaren Euskal Sareko (ZTBES) eragileek ere egin ahal izango dituzte ikertzaileen kontratazioak.
Dirulaguntzak proiektuaren kostuaren % 50erainokoak izango dira, urtean gehienez 30.000 euro emango direlarik doktore titulua duen pertsona bakoitzarentzat eta 26.000 euro industria-doktoreentzat. Bikaintek programaren 5,6 milioiko aurrekontutik, 2,6 milioi euro bideratuko dira doktoreen kontrataziora eta beste 3 milioiak industria-doktoreen kontrataziorako izango dira.
Dirulaguntza jasotzeko sinatu behar diren kontratuak bi urte eta lau urte bitartekoak izan behar dira. Bi urtekoak doktore-titulua dutenentzat eta lau urtekoak industria arloko doktorego-tesiak egin behar dituztenentzat. Bestalde, urteko gutxieneko ordainsari gordina (Gizarte Segurantzaren kostuaz gain) 40.000 eurokoa izango da lehenengo multzokoentzat eta 22.000 eurokoa bigarren multzokoentzat.
Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más
Partekatu
Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más
Partekatu
COVID-19ak bortizki kolpatu ditu manufakturaren sektorea eta, oro har, ekonomia globala. World...Leer más
Partekatu
EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más
Partekatu
Enpresa gipuzkoarrak 2020ko Europako Ingurumen Sarietako bat irabazi...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?