‘Euskal Camper premium’-a sortu da, hamar enpresen arteko lankidetzaren ondorioz
Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko eta berritzeko gaitasuna erakutsi du berriro. Ekimen horrek hiru urteko elkarlana behar izan du hamar enpresen artean, eta dagoeneko lortu du bere emaitza: lehen ‘euskal camper premium’-a.
Proiektu honek material aurreratuak eta jasangarriak garatu ditu, bai eta ekipamendu adimenduna ere, premium ibilgailuen plataformen barruko erosotasunera bideratutako funtzio pertsonalizatuak lortzeko. Horren ondorioz, izen propioa duten bi furgoneta modelo sortu dira: ‘maite’ Sprinter modeloaren bilakaera kanperizatua da, eta ‘aiala’ Mercedesen Gasteizko lantegian egindako V. klasean oinarritzen da. Lehenengoa merkaturatzen hasi dira, eta bigarrena laster jarriko dute salgai.
Alegria-activity enpresa gasteiztarrak gidatu du proiektuaren partzuergoa, eta harekin batera egon dira Ekide Group, Obekinematics powered by Hettich, Industrias Químicas Irurena, Maier, Optimus 3D, Rotobasque eta Segula Technologies, baita Cidetec eta Vicomtech zentro teknologikoak ere, biak Basque Research & Technology Alliance (BRTA) aliantzako kideak, eta Adigest-Incotec.
I+G proiektu hau Eusko Jaurlaritzak (Hazitek programak), Arabako Foru Aldundiak (Álava Innova programak) eta Europako EGEF funtsek finantzatzen dute. Aurkezpen ekitaldian, besteak beste, Arantxa Tapia Eusko Jaurlaritzako Ekonomiaren Garapen, Iraunkortasun eta Ingurumen sailburua, Ramiro González Arabako ahaldun nagusia eta Estibaliz Hernáez Teknologia, Berrikuntza eta Eraldaketa Digitaleko sailburuordea izan dira.
Smart Comfort Platform 4.0 proiektuak bi ibilgailuen barruan prestazio handiko produktu berriak sortzeko furgonetak ‘kustomizatzea’ ahalbidetu du. Zehazki, partzuergoak honako lan hauek egin ditu: kabinan eta aurreko panelean entretenimenduko elementuak sartu ditu; isolamendu akustikoa eta termikoa duten sabaia eta gela-bereizgailuak gehitu dira, ahalik eta pribatutasun handiena bermatzeko; eta barruan bulego-giroa sortzea ahalbidetzen duten ateak eta eserlekuak sartu dira.
Alegria-activity enpresak gidatutako proiektuak hainbat alderdi landu ditu, besteak beste, “enpresen lehiakortasun-posizioa hobetzea, beren sektoreetan lider gisa kokatuz, diseinu eta errealitate birtualeko teknologia berriak, konektibitatea, prozesu adimendunak eta gainazaleko tratamenduak industria mailan ezartzeaz gain”, azaldu dute Smart Comfort Platform 4.0 proiektuko arduradunek. “Proiektu honek euskal ekonomian bultzada bat eragitea espero da, enplegua, produktu berriak eta negozio ildoak sortzea”, gaineratu dute.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa