Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 10 ekaina, 2021 Berrikuntza Fast Track Innobideak programa

Euskadiko I+G arloko inbertsioak inoiz baino kopuru handiagoa izango du ekitaldi honetan: 1.607 milioi euro

  • Innobasque, Berrikuntzaren Euskal Agentziaren 'Euskadiren I+G arloko inbertsioaren estimazioa' txostenaren hirugarren edizioak inbertsioaren % 4,1eko igoera kalkulatu du, finantzaketa publiko zein pribatu handiagoari esker

  • Gastua EAEko BPGd‑aren % 2,08aren parekoa izango da, eta horri iaz kalkulatutako % 2,15 gehituz gero, euskal ratioak berriz hurbiltzen ditu Europako batezbestekora

  • Estimazio hori I+G arloan inbertsio handiena egiten duten euskal enpresetako ordezkariekin batera egin da; enpresa horiek Innobasqueko zazpi berrikuntza-taldeetako batean daude sartuta

Euskadiko I+G arloko guztizko gastuak inoiz baino kopuru handiagoa izango du ekitaldi honetan: 1.607 milioi euro; hau da, 2020an kalkulatutako kopurua baino % 4,1 handiagoa. Gorakada hori batez ere Eusko Jaurlaritzaren ekarpenen eta NextGenerationUE funtsen igoeraren ondorio izango da, baina baita ahalegin pribatu handiagoaren ondorio ere, Innobasque ‑ Berrikuntzaren Euskal Agentziak euskal enpresa-talde nagusietako batzuekin batera egindako ‘Euskadiren I+G arloko inbertsioaren estimazioa’ txostenaren hirugarren edizioak aurreratzen duen bezala.

 

Txostenak ziurtatu egiten du berreskuratze ekonomikoak bizkortu egingo duela I+G arloko inbertsioaren hazkundea; izan ere, barne‑produktu gordinaren (BPGd) % 2,08koa izango da¸ 2020an baino inbertsio handiagoa eginez, nahiz eta 2019rako kalkulatutako igoera portzentualki handiagoa izan ( % 2,15). Txostenak, halaber, azpimarratzen du 2012tik ikusi gabeko atalasera iritsiko dela, nahiz eta BPGd‑an espero den hazkundeak (% 7,3) ez duen berdinduko pandemiaren ondorio ekonomikoek eragindako beherakada 2021erako aurreikusi den BPGd‑aren % 2,08ak eta 2020an erregistratutako % 2,15ek erakusten duten bilakaerak berrikuntza arloko berriz hurbiltzen du euskal inbertsioa Europako batezbestekora (iaz BPGd-aren % 2,2koa izan zen).

 

Konbergentziaranzko bilakaera positibo hori posible izango da, bai finantzaketa publikoaren hazkundeari esker (617 milioira iritsikko da, 2020an baino % 7,2 handiagoa), bai pribatuaren hazkundeari esker (849 milioira iritsiko da, iaz baino % 2,7 gehiago), bai nazioarteko inbertsioari eutsita (141 milioi izango ditu).

 

Estimazioa egiteko, Innobasquek aintzat hartu ditu Euskal Autonomia Erkidegoko Aurrekontu Orokorretan I+Gra bideratutako partida, BPGd‑aren bilakaeraren azken aurreikuspenak (Ekonomia eta Ogasun Sailak martxoan argitaratu zituen), eta zazpi berrikuntza-taldeetako bateko adituen balorazioak.

 

Berrikuntza-taldeak Berrikuntzaren Euskal Agentziari lotutako erakundeetako adituek osatutako lantaldeak dira, eta Innobasquek bildu egiten ditu arrakasta ‑kasuak eta joerak identifikatu eta talde bakoitzaren espezializazio‑arloan adierazleen bilakaerari buruzko txostenak aztertzeko. Adierazle horiek askotarikoak dira: ETE‑en behar espezifikoetatik hasi eta berrikuntza disruptiboraino, prospektibaren erabilera tarteko.

 

Zehazki, I+G arloko gastuaren estimazioa euskal I+G arloko enpresa traktoreen taldeekin egin da. Talde hori Euskadin inbertsio‑maila handiena duten enpresa ‑taldeetako adituek osatzen dute. Hamasei enpresa dira eta I+G arloko inbertsio pribatuaren ia % 45 osatzen dute, hau da, I+G arloan egiten den guztizko gastuaren % 25. Honako hauek dira:

 

  • Aernnova
  • CIE Automotive
  • Corporación Mondragon
  • Faes Farma
  • Gestamp
  • Grupo Arteche
  • Iberdrola
  • Ideko (Danobat Group)
  • Ingeteam
  • Irizar
  • ITP
  • Ormazabal Corporate Technology (Velatia)
  • Sener
  • Sidenor
  • Siemens Gamesa
  • Tubacex

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak