Euskal enpresaren blog-a Zure enpresarentzat garrantzitsua den eguneroko informazioa

17 apirila, 2020
Biharamunerako erronka kolektiboak

Frena la Curva Berrikuntza Irekiko Jaialdia berrikuntza sozialeko ekimen bila dabil

 

Frena la Curva Berrikuntza Irekiko Jaialdia berrikuntza sozialeko ekimen bila dabil

 

Covid-19 pandemiak sortu duen krisiak mahai gainean jarri ditu hainbat arlotako erronkak, bai sozialak, bai ekonomikoak eta baita ere ingurumenekoak. Frena la Curva plataforma hiritarrak  Berrikuntza Irekiko Jaialdia izeneko ekimena abiarazi du, ahaleginak batzeko eta proposamen berriak sortzeko isolamendutik irteten hasten garenerako.

 

Ekimen horren bidez, berrikuntza sozialeko proiektuak garatuko dira kolektiboki hainbat arlotan, besteak beste, hauetan: zaintzak, digitalizazioaren aukerak eta garapen ekonomiko jasangarria. Ekintzailetzan eta boluntariotzan diharduten pertsonek edo erakunde publiko eta pribatuetako langileek urrunetik lan egingo dute 10 egunez, ekimen berriak martxan jartzeko.

 

Deialdia zabalik dago proposamenen bat aurkeztu nahi duten pertsona edo antolakundeentzat. Izan daitezke lehen fasean dauden ideiak edo dagoeneko eskala txikian funtzionatzen duten proiektuak, eta etorkizun hurbilean izango ditugun erronkak landu beharko dituzte: pertsona nagusien edo zaurgarrien zaintza, osasun publiko eta komunitarioa, eten digitala, tokiko merkataritza edo sektore kaltetuenetako langileentzako prestakuntza.

 

Ekimen hau zabalik dago baita ere aukeratutako proiektuak garatzen parte hartu nahi duen edonorentzat. Lan kolektiboko fasea apirilaren 26tik maiatzaren 1era bitartean egingo da; egun horietan tutoretza-saioak eta tailer espezializatuak eskainiko dira ekintzailetzari, teknologia gorakorrei eta sareko lanari buruz. Era berean, onlineko prestakuntza-saioak antolatuko dira herritar guztientzat.

 

Azkenik, maiatzaren 2an Frena la Curva Berrikuntza Irekiko Jaialdia egingo da, non jendaurrean aurkeztuko baitira garatutako proiektu guztiak. Gainera, hitzaldi inspiratzaileak, mahai-inguruak eta tailer praktikoak ere eskainiko dira programazioaren barruan. Asmoa da onlineko topaketa hori baliagarri izan dadila elkarrekin konektatzeko ekimenak eta ekimen horiek babestu nahi dituzten erakunde eta enpresak.

 

Jaialdia Frena la Curva plataformaren proposamen bat da. Frena la Curva boluntario, ekintzaile, maker eta berrikuntza sozialeko laborategiz osatutako plataforma bat da, zeintzuek indarrak batu baitituzte pandemiari aurre egiteko gizarte zibiletik abiatuta.  Euskadin, Hirikilabs eta Colaboraborak babesten dute plataforma, eta Estatuan ere baditu babesle gehiago, besteak beste, LAAB, Medialab Prado, Teamlabs, Citilabs, Las Naves, Ibercivis, Laboratorio 717, Medialab UGR, Innovación Ciudadana, El Día Después, NovagobLab, Platoniq Fundación Goteo eta ECODES.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?