Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 29 iraila, 2022 Berrikuntza

Betico Taldeak plataforma bat sortu du konpresore-gelak eta horien urrutiko kudeaketa monitorizatzeko

Gasteizko enpresak ia 100 urte daramatza aire konprimituko sistemak fabrikatzen, eta bezeroen eraginkortasun energetikoa hobetzearen aldeko apustua egiten du Betico AirClouden bitartez. Datorren urtean konpresore sorta berri bat merkaturatuko du, iman iraunkorreko motorrekin.

Betico Taldeak garraio pneumatikorako konpresoreak fabrikatzen ditu duela mende batetik, hain zuzen ere 5kw-tik 200kw-ra bitarteko aire-konpresoreak, zeinak eraginkortasun energetiko handia duten eta berritzaileak diren. Gainera, sektore horretan nazioarteko liderra da. Bere ia 100 urteetan, Gasteizko enpresak zerren, diesel motorren eta konpresoreen osagai guztiak ekoiztetik (kanpoaldera itxitako merkatu baten ondorioz), “osagai berritzaileenak dituzten konpresoreen diseinuan zentratu da, fokua eraginkortasun energetikoan eta muntaian jarrita”, Alberto Anitua Carrerak, Betico Taldeko zuzendari nagusiak, nabarmendu duenez.  

Eta arlo horretan egin duen azken ekarpena bezeroen energia-eraginkortasuna hobetzea izan da, Betico AirCloud plataformaren bidez, online-hodeiari konektatutako konpresore-aretoak kudeatzeko sistema. Plataforma horrek “konpresore-aretoak monitorizatzea eta urrutitik kudeatzea ahalbidetzen du”, konpainiaren ordezkariak azpimarratu duenez.  

Duela 20 urte baino gehiagotik, enpresak energia-eraginkortasunean oinarritutako I+Gko lana egiten du. “Abiadura aldakorreko gure konpresore sortak energia asko aurrezteko aukera ematen du, ez bakarrik enpresa handientzat, baita kontsumitzaile txiki eta ertainentzat ere”, argitu du. Eta hurrengo urratsa datorren urtean iman iraunkorreko motorrak dituzten konpresoreen sorta berria abiaraztea izango da, “egungo konpresoreei eraginkortasun plus gehigarri bat emango diena”, Anitua Carrerak ziurtatu duenez. 

Mundu osoan dagoen enpresa 

Arabako enpresak industria-sektore guztientzat egiten du lan, “enpresa guztiek aire konprimitua behar baitute, aeronautikakoak, automobilgintzakoak, elikadurakoak, galdategietakoak...”, zuzendari nagusiak adierazi duenez. Bere bezeroen artean enpresa handiak daude, hala nola Tubacex, Papelera Aralar, Pemex, Metro Madrid, Zabalgarbi, Grupo Veralia edo L ‘Oréal; eta enpresa txiki eta ertainak eta kooperatibak, hala nola, Café Fortaleza, Naipes Heraclio Founier, Grupo Fagor edo Tekniker teknologia- eta ikerketa-zentroa. 

Urtero 12 milioi euroko fakturazioarekin eta 120 pertsonako lan-taldearekin, Betico Taldea kontinente guztietan aritzen da (bere ekipoak baimendutako banatzaileen bidez merkaturatuz) eta Portugalen eta Latinoamerikan bulego komertzialak ditu. Aurrera begira, enpresak “produktu berritzaile bat eskaintzen jarraitzea eta, gure presentzia sendotzeko, ezarrita gauden nazioarteko merkatuetan haztea” du helburu, Anituak aurreratu duenez. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

7 abendua, 2022 Berrikuntza
Laser Bidez, enpresa aitzindaria Scanning teknologia darabilen laser ebaketako makinerian
Irakurri gehiago
30 Azaroa, 2022 Berrikuntza
SPRIk “Euskal Politika Industriala” plataforma argitaratu du Euskadiko politika industrialaren historia berreskuratu eta zabaltzeko
Irakurri gehiago
29 Azaroa, 2022 Berrikuntza
Euskal teknologia olatu-igerilekuan egingo den Munduko Surf Ligako lehen txapelketa ofizialean
Irakurri gehiago
25 Azaroa, 2022 Berrikuntza
Enterprise Europe Network-ek aholkularitza eskaintzen die euskal enpresei produktu eta zerbitzu berritzaileen garapen teknologikorako eta nazioarteko komertzializaziorako.
Irakurri gehiago
24 Azaroa, 2022 Berrikuntza
ULMAk soluzio eskuragarriak diseinatzen ditu, automatizazioaren bidez intralogistika optimizatzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak