Euskal enpresaren blog-a Zure enpresarentzat garrantzitsua den eguneroko informazioa

14 uztaila, 2020
Berrikuntzarako Europako Kontseiluaren I+G, ekintzailetza eta zientzia proiektuetarako finantzaketa ildoak azaldu dituzte adituek

Innobasque Berrikuntzaren Euskal Agentziak, SPRI Taldeak eta Beaz-ek saio digitala antolatu dute EBren finantziazio-lerro honi buruzko profesional adituekin, azaleratzen ari diren ekimenetarako

Europako Berrikuntza Azeleragailua EIC (EIC Accelerator) I+G proiektuei, ekintzailetzari eta arrisku eta potentzial handiko zientziari laguntzeko tresna indartsua da. Europako Batzordearen programa honek finantziazioa eta kapitala ematen die enpresa txiki eta ertainei, aholkularitza aditua eskaintzeaz gain, inbertitzaileak eta bat datozen konpainiak elkarrekin harremanetan jartzeko. Horri esker, azeleragailuak lagundu egiten die produktu berriak, zerbitzuak eta negozio-ereduak garatzen eta merkaturatzen.

Europako finantziazio-ildo honetan sartzeko aukera gehiago izateko, Innobasque Berrikuntzaren Euskal Agentziak, SPRI Taldeak eta Beaz-ek topaketa digitala antolatu dute Garapen Teknologiko Industrialerako Zentroarekin (CDTI) lankidetzan. Saio honetan, Euskadiko enpresa eta erakundeei orientabide batzuk eskaini zaizkie, azeleragailuaren interesa erakartzeko eta, ondorioz, hurrengo deialdietan laguntza lortzeko.

Javier Echarri izan da azaleratzen ari den berrikuntzari buruzko europar programa honetako epaimahaikidea, eta nabarmendu du zer garrantzitsua den “kontuan izatea proposamenak proiektua eta zuzentzen zaien merkatua ondo ezagutzen duten adituek aztertuko dituztela. Hortik dator konpromiso argi bat, proiektu sinesgarri bat –merkatua hausteko gai dena– dagoela erakusteko beharra.

Ekimen honen onuradun izandako bi enpresek, SOMAprobes eta Zuma Innovation-ek, beraien esperientziak oinarri hartu, eta aholku oso baliagarriak eman dituzte saio birtual honetan. Frank J. Hernández, SOMAprobesen sortzaileetako bat izateaz gain, zuzendari teknikoa ere bada, eta adierazi du bere proposamenaren arrakastaren oinarria zera izan dela: merkatuan dauden proiektuez bestelako proiektu bat zekartela erakustea, eta negozio-eredu horrek argi erakusten zuen eskalagarritasun gaitasuna eta eskari handia zituela. SOMAprobesen helburua da diagnosi-metodo berriak garatzea, eta COVID-19a detektatzen lan egiten du. Jon Madariaga, aldiz, Zuma Innovation-en sortzailea da, eta, bere iritziz, “funtsezkoa da enpresaren zuzendaritzak proposamenaren pisua eta haren defentsa bere gain hartzea, bai barne mailan egiten bada, bai kanpoko aholkularitzen laguntza jasotzen bada”. Halaber, nabarmendu du “CDTIren laguntzaren garrantzia, elkarrizketaren fasea fidagarritasunez prestatzeko eta aurkezpeneko puntu ahulenak indartzeko”. Zumak Europako Berrikuntza Azeleragailuaren laguntza lortu du, bizikletentzako transmisio elektronikorako sistema bat garatzeko.

Azeleragailua Europako Batzordearen Horizonte 2020 Berrikuntza eta I+G bultzatzeko planaren parte da, eta EBko Horizonte Europa esparru-programa berriaren parte ere izango da. Proiektuaren aurrekontua 100.000 milioi euro ingurukoa izango da 2021-2027 aldirako, eta zenbait berrikuntza ditu. Duten arrisku-mailagatik, bankuen finantziazio iturrietara sarbiderik ez duten enpresei zuzenduta dago, baldin eta “merkatura iristeko estrategia badute eta proiektu eskalagarriak aurkezten badituzte”; hala aurreratu du Luis J. Guerrak, CDTIko H2020 ETE ordezkariak.

Topaketan izan dira, halaber, Arturo Antón, EEN Sareko euskal nodoaren koordinatzailea SPRI Taldean eta Iciar Alaña, Enterprise Europe Network-en (EEN) arduraduna Innobasquen. Basque Enterprise Europe Network partzuergoko kideak dira Innobasque, SPRI Taldea eta Beaz, eta nazioarteko proiekzioa duten ETEak babesteko munduko sarerik handiena da.

On line saio honen osagarri gisa, Euskadiko ETE-ei aukera eman zaie laguntza horietan adituak diren eragileekin (harremanetarako gune nazionalak) eta CDTIren Horizonte 2020 programako ordezkariekin bilera pertsonalizatua egiteko. Ideia edo proiektu berritzaileak kontrastatzeko modua da, eta beharrezkoa da aurrez eskatzea bilera.

 

81 euskal enpresa onuradun 2014az geroztik

Euskadiko enpresa berritzaile ugarik izan dute Europako programa honen babesa 2014az geroztik. Zehatz esateko, 81 enpresari 39 milioi euroko laguntzak eman dizkiete EIC Berrikuntza Azeleragailuak eta honen aurrekoak, ETE Tresna izeneko programak.

Aukeratutako proiektuak bat datoz RIS3 Euskadi Espezializazio Adimendunerako Euskal Estrategiaren lehentasunezko helburuekin, eta honakoekin dute zerikusia:

– Fabrikazio aurreratua: material aurreratuak fabrikazio prozesuetan, hala nola grafenoa edo nano-mintzak, ura berriro erabiltzeko.

– Biozientziak/osasuna: test azkarrak koronabirus infekzioentzat, ekipamendu mediko eta material kirurgiko aurreratuak, exoeskeletoak errehabilitaziorako edo/eta errealitate birtuala diagnostiko medikoetarako.

– Energia: adimen birtuala automobiletako laguntzaile prediktiboentzat, irtenbide berritzaileak energia eolikoarentzat, elektromekanika bizikleten transmisioan.

– On line erabiltzaileen identifikazioa eta monitorizazioa hezkuntza sektorerako.

– Sistema integratuak sateliteetan.

 

Basque Enterprise Europe Network

Nazioarteko proiekzioa duten ETE-ei laguntzeko sarerik handiena da, eta Innobasque Berrikuntzaren Euskal Agentziak parte hartzen du. Basque Enterprise Europe Network-ek ETE berritzaileei merkatu berrietan sartzeko zerbitzuak eskaintzen dizkie. Enpresa txiki eta ertainentzako sare honek Euskadin du egoitza, eta nazioarteko loturak lortzen laguntzen du, baita hazteko teknologiak eta ideiak aurkitzen eta enpresa arloko bazkideak lortzen ere, aholkularitza espezializatua eskaintzeaz gain. Euskal nodoan daude Spri Taldea, BEAZ, Arabako, Bizkaiko eta Gipuzkoako Merkataritza Ganberak, eta Innobasque Berrikuntzarako Euskal Agentzia.

 

Saio digitalaren bideoa osorik Innobasqueren webgunean egongo da, eta Euskadiko ETE-entzat eskuragarri egongo da bihartik, uztailaren 15etik, aurrera.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?