Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 1 urria, 2020 Berrikuntza Fast Track Innobideak programa

Abian da Gizatech proiektua gizarte- eta merkatu-beharrei erantzuna emateko, adimen artifiziala, big data eta machine learningaren bidez

Pertsonei, ikastetxeei eta enpresei zuzendutako soluzioak proposatzen ditu, gizartearen eta enpresen erronka berriei erantzuteko
Gaia gizatech
Cristina Murillo, directora de servicios del clúster Gaia

Gaiak, Euskadiko Ezagutza eta Teknologia Aplikatuko Industrien Elkarteak, Urola Kostako Udal Elkarteak eta Oteitza Lizeo Politeknikoak Gizatech jarri dute martxan. Proiektu honen helburua adimen artifizialaren, big dataren eta machine learningaren inguruko oinarriak ezartzea da da, gizarte- eta merkatu-beharrei erantzun ahal izateko ekosistema bat sortzeko, batez ere enpresa, ikasketa-zentro eta profesionalen mailan. 

Cristina Murillo Gaia klusterreko zerbitzu zuzendariaren arabera, “bizi dugun krisiarekin gizarte eta merkatu beharrak indartu egin dira, eta orain inoiz baino argiago ikusten da testuinguru berri honi erantzun berriak emateko beharra. Gizarte gisa, dagoeneko ikusten ari gara beharrezkoak direla, beste aldaketa batzuen artean, irakaskuntza emateko modu berriak, lan egiteko modu berriak edo giza- eta osasun-interkomunikazio azkarragoa”. Behar horiei soluzio bat emateko, Gizatechek funtsa “teknologian eta berrikuntzan” duten oinarri sorta bat ezartzea proposatzen du, zerbitzu zuzendariak zehaztu duenez. 

Horretarako, hasieran, testuinguru berri horri aurre egiteko zailtasuna dakarten hiru arlo identifikatu dira proiektuan: “Lehenengoa pertsonekin lotuta dago, izan ere ez dago gero eta esanguratsuagoak diren behar horiei erantzuteko prestakuntza duten profesional nahikorik; bigarrenak ikaskuntza-zentroekin lotura du, irakaskuntza-metodo tradizionalak ez baitu lortzen gizartearen eskaerei erantzutea; eta hirugarrenak enpresekin zerikusia du. Horiek ere lan egiteko modu berri batera egokitzeko beharra dute”, azaldu du. 

Horrela, planak hiru jarduera-eremu proposatzen ditu: lehenak, Talentu Irekia izenekoak, prestakuntza planteatzen du talentu berria sortzeko bide bezala, autoikaskuntza sustatuz, irakaslearen rola aholkulari bihurtuz eta ezagutza teknikoez gain, zeharkako ezagutzak neurtuz, besteak beste; bigarrenak, Steam izenekoak, proiektuka lan egingo duen eskola bat proposatzen du, ikasleei praktikak egiteko aukera emango diena; eta, hirugarrenak, Eragileen Sarea izenekoak, diziplina anitzeko agenteen sare bat sortzea iradokitzen du, arlo publikoaren eta pribatuaren arteko jarduera eta harremana sortuz. 

Plan hori abian jarrita, “gaur egungo erronkei, hala nola belaunaldi eta diziplina desberdinen erronka sozialei, aurre egin eta konponbidea eman nahi die Gaiak. Gure proiektuak ikasle gazteak kultura zientifiko, teknologiko eta berritzaileei buruz kontzientziatu nahi ditu eta adimen artifiziala giza zientzien diziplinekin lotu nahi du, hala nola psikologiarekin, pedagogiarekin edo soziologiarekin, benetako behar sozialetara egokitzen diren baliabideak asmatzeko, besteak beste”. 

Gaiaz gain, Urola Kostako Udal Elkarteak eta Oteitza Lizeo Politeknikoak ere parte hartuko dute 2021eko irailera arte luzatuko den proiektuan. 

Gizatech proiektua Gipuzkoako Foru Aldundiaren Etorkizuna Eraikiz planaren Gipuzkoa Taldean programaren bidez gauzatzen ari da.

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.  

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak