Euskal enpresaren blog-a Zure enpresarentzat garrantzitsua den eguneroko informazioa

15 maiatza, 2019
Zibersegurtasuneko Euskal Zentroak bere kredentzialak aurkeztu dizkio Europako Batzordeari

Basque Cybersecurity Centre (BCSC) – Zibersegurtasuneko Euskal Zentroko zuzendari Javier Diéguezek bilera bat izan du gaur Bruselan Europako Batzordeko ordezkariekin, bertatik bertara aurkezteko European Cybersecurity Organisation (ECSO) erakundeak Europako zibersegurtasun industria garatzeko gauzatzen dituen jarduerak
Dieguez Bruselasen

Basque Cybersecurity Centre (BCSC) – Zibersegurtasuneko Euskal Zentroko zuzendari Javier Diéguezek bilera bat izan du gaur Bruselan Europako Batzordeko ordezkariekin, bertatik bertara aurkezteko European Cybersecurity Organisation (ECSO) erakundeak Europako zibersegurtasun industria garatzeko gauzatzen dituen jarduerak. Hala, Diéguezek BCSCren kredentzialak aurkeztu ditu Europako hiriburuan, eta aurrera jarraitzen du Euskadi zibersegurtasun arloko enpresa-ehun heldua duen lurralde bat bezala posizionatzeko jarduerekin, argi utziz lehentasunezkoa dela industriari zibersegurtasuna aplikatzea lehiakortasun-tresna bezala.

Iragan ekainean, European Cybersecurity Organisation (ECSO) erakundeak Javier Diéguez (Euskadiko Zibersegurtasun Zentroa / Basque Cybersecurity Centre – BCSCko zuzendaria) aukeratu zuen Lankidetza Batzordeko (Partnership Board) Europako eskualdeen ordezkari. Batzorde hori ECSOren eta Europako Batzordearen arteko komunikazio-kanal formala da. Hala, Euskadik urrats erabakigarri bat eman zuen bere posizioa sendotzeko  zibersegurtasun arloko Europako erreferente bezala. Hain zuzen ere, helburu horixe —Euskadi nazioarteko erreferente bihurtzea zibersegurtasun arloko teknologiak fabrikazio aurreratuko industriari aplikatzeko orduan— izan da Eusko Jaurlaritzak 2017ko urrian BCSC sortu zuenetik (SPRI Taldearen bitartez) lortu nahi izan duen helburuetako bat.

Lankidetza Batzorde Publiko-pribatua (Partnership Board) da ECSOren eta Europako Batzordearen arteko komunikazio-kanal formala. Bertan eztabaidatuko da zibersegurtasun arloko proiektuen lan-programa eta I+G+B programa orokorrarekin erlazionatutako gaien inplementazioa eta, gainera, jarraipena egingo zaie lankidetza publiko-pribatuko konpromisoei. Batzorde horren bitartez elkarrizketa ireki bat sortzen da ECSOko kideen artean, Europako Batzordearekin adostutako kontratuan aurreikusitako helburuak lortzeko. 2017ko ekainaz geroztik Euskadik dauka Batzordeko lidergotza, Europako Eskualdeen ordezkaria baita Partnership Board batzordean.

Biziki garrantzitsuak izan dira BCSCk Euskadiko zibersegurtasuneko industria sustatzeko egin dituen ekintzak, eta, ekintza horiek eragin duten oihartzuna dela medio, ECSOko kideek Javier Diéguez aukeratu zuten 2017ko abenduan 2. Lantaldea gidatzeko, eskualdeko industrian funtzionatu duten ideiak aplikatu ditzan Europako industria sustatzeko. Lantalde horren helburua da Europako zibersegurtasun merkatua eta arlo horretako inbertsioak garatzea, eta, horrekin batera, nazioarteko lankidetza-ekimenak sustatzea.

Asteazken honetan, maiatzak 15, ECSOko Partnership Board taldeak bilera bat egin du Europako Batzordeko ordezkariekin, ezagutzera emateko zeintzuk diren ECSOren jarduerak Europako zibersegurtasun industria garatzeko. Ekimenak aurkeztu zituzten bozeramaileetako bat izan zen Javier Diéguez, Zibersegurtasuneko Euskal Zentroko zuzendaria. Diéguezek azaldu zuen zeintzuk diren 2. Lantaldeko ekintza garrantzitsuenak. Besteak beste, Batzordeari aurkeztu zizkion Europako zibersegurtasun eragileak sailkatzen dituen Zibersegurtasunaren Merkatuko Radarra, Zibersegurtasun industriari hazten lagunduko dioten inbertsioak erakartzeko jarduerak, eta beste ekosistema global batzuetako ordezkariekin eginiko aldebiko topaketak, adibidez, joan den urtarrilean Japonian egin zena.

Basque Industry 4.0 30 uztaila, 2020
SPRI taldeak lideratutako adituen nazioarteko taldeak aztergai du nola eragin dion osasun-krisiak emakumeen egoerari industrian

11 herrialdetako 17 adituk, SPRI Taldeak lideraturik bere Ekimen Estrategikoetako arduradun...Leer más

First Lego League España
Basque Industry 4.0 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Autoescuela Tawity
Errealitate birtualeko eskolekin eta ibilgailu elektrikoekin, autoeskolen etorkizuna Euskadira heldu da

Tawity izeneko start-upak errealitate birtualeko teknologia eta ikuspegi ekologikoa batu ditu...Leer más

Basque Industry 4.0 27 uztaila, 2020
171 euskal enpresak 1,3 milioi euroko laguntzak jasoko dituzte zibersegurtasun industriala bultzatzeko

  SPRI Taldeak kudeatutako programa honen hirugarren edizioak 3,3 milioi euroko inbertsioa...Leer más

Mondragon Unibertsitatea y Open Cloud Factory impulsan un nuevo laboratorio de Industria 4.0, abierto a empresas

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?