Euskal enpresaren blog-a Zure enpresarentzat garrantzitsua den eguneroko informazioa
16 apirila, 2018

Silam: eusko labela duen silikona

Egoitza Zumaian duen Silam ETE gipuzkoarra erreferentziazko silikona-fabrikatzailea da duela berrogeita hamar urtetik. Silikona balio erantsi handiko materiala da, eta gure eguneroko bizitzako euskarri eta sektore askotan erabiltzen da.

 

Made in Basque Country irratsaioan tarte bat eskainiko diogu silikona industrialari, zehazkiago Silam enpresari, bera baita material hori ezagutzen eta lantzen duten Estatuko konpainia bakanetako bat. Berrogeita hamar urtetik gora daramatza askotariko formulak sortzen sektore desberdinetan erabiltzeko, hala nola, automozioan, osasungintzan, eraikuntzan edota gastronomian. Nork ez dauka sukaldean gozogintzan aritzeko silikonazko molde bat?

Silam 1964an sortu zen Zumaian (Gipuzkoa), eta produkzio-lantegiak ditu bere sorterrian -non 56 langile enplegatzen baititu-, eta baita ere Bartzelonan.  Ibilbide luzeko ETE horren fakturazioa %50 hazi zen iaz, eta plantilla %35.  Hori dela eta, Gipuzkoako Merkataritza Ganberak urteko ETE Industrial onenaren saria eman zion duela aste gutxi. Marketin eta Salmenta zuzendari Jon Basokok SPRI Taldearen eskutik errepasatu ditu euskal enpresa horren hainbat gako.

 

Gure ingurura begira jarriz gero (sukaldean, autoetan, lanpostuetan, garraioetan…), ohartuko gara leku askotan dagoela silikona…

Egia da, uste baino askoz gauza gehiagotan dago, bai sektoreetan eta bai aplikazioetan. Material hori kiloka erabiltzen da gure inguruan.

 

Barkatu ezjakintasuna, baina nondik ateratzen da silikona eta zerk bereizten du, adibidez, plastikotik?

Funtsean, silizioa da silikonaren jatorria, eta silizioa da lurrazalean gehien agertzen den materialetako bat. Plastikoa, berriz, petroliotik dator. Ezaugarri teknikoei erreparatuz gero, silikonak prestazio hobeak dauzka tenperatura altuak eta baxuak jasateko, elastikoagoa da, eta sekulako gama kromatikoa du. Hori dela eta, baliteke silikona ez izatea oso merkea, baina eskaintzen duen balio erantsiak justifikatzen du bere prezioa.

 

Zumaian fabrikatzen duzuen materiala nora bideratzen duzue?

Hiru negozio-ildo dauzkagu. Lehenengoa da silikona formulatzea eta saltzea beste enpresa batzuek eraldatu dezaten. Adibidez, silikona oso berezi bat formulatzen dugu puntako konpainia batentzat, zeinak gozogintzarako moldeak egiteko erabiltzen baitu. Badugu beste sail bat, sektore batzuetako enpresentzako osagai teknikoak egiten dituena, adibidez, etxetresna elektrikoetan erabiltzeko –guk formulatutako silikona erabiltzen da labeetako estankotasun-junturetan-; eta, azkenik, tenperatura handiko eroale elektrikoak saltzen ditugu. Hiru eremu horien bidez dibertsifikatu egin nahi dugu, sektore eta eremu geografiko desberdinetara iritsiz.

 

Zein da zuen negozio-ereduaren balio erantsia?

Silikonaren formulazioa bera, izan ere, gehienetan kartara eginiko nahasketak eskaintzen ditugu, bezero bakoitzarentzat esklusiboak direnak. Gutxitan lortzen da bi enpresarentzat balio dezakeen formula bakar bat.

 

Iaz arrakasta handia izan zenuten fakturazioan eta enplegagarritasunean, besteak beste, bi proiektu garrantzitsu gauzatu zenituztelako: Moskuko Dinamo futbol taldearen estadioa eta proiektu bat Pirex multinazional frantsesarentzat…

Proiektu gehiago ere izan genituen, baina horiek biak aspalditik geneuzkan eskuartean, eta iaz “lehertu” ziren. Lehenengoa futbol-zelai bat da, VTB Arena. Moskuko Dinamo taldeak jokatzen du han, eta berriztatu egin da laster Munduko Futbol Txapelketa ostatatuko duelako. Gipuzkoako beste konpainia baten eskutik, kanpoko fatxadako juntura guztiak egin ditugu, eta zenbakitan, 40 bat tona silikona izan dira. Bestalde, akordio bat lortu dugu Pirex enpresarekin beirazko tupper ontzietarako, berriro modan jarri baitira plastikozkoen kaltetan. Kasu horretan, silikonazko zazpi milioi juntura egin ditugu.

Ivan Mateos, Zitu enpresako zuzendari komertziala
Basque Industry 4.0 6 apirila, 2020
ERIS, makina-erremintaren produkzioa hobetzeko plataforma

Zitu enpresa gipuzkoarrak software bat garatu du makinen datuak eraginkortasunez atzemateko kontrol...Leer más

Basque Industry 4.0 4 apirila, 2020
Eragile ekonomikoek positiboki hartu dute Deep Dive – 4.0 teknologietan murgiltzeko jardunaldien aurkezpena

Joan den apirilaren 1ean, Basque Digital Innovation Hub erakundeak 4.0 teknologietan murgiltzeko...Leer más

Basque Industry 4.0 2 apirila, 2020
384.000 robot industrial eta gizaki-robot lankidetza Euskadin

4.0 konponbide robotikoak, elkarlaneko fabrikazio malgua bermatzeko. Gure robotikaren hilabetearen...Leer más

Jaso y Tecnalia convierten grúas industriales en robots
Basque Industry 4.0 31 martxoa, 2020
Garabi industrialak robot bihurtu dituzte Jasok eta Tecnaliak

Garapen berriak aukera ugari ematen ditu eskuzko prozesuak eta doitasun-prozesuak automatizatzeko,...Leer más

Basque Industry 4.0 30 martxoa, 2020
CFO Data Analytics, adimen areagotua finantza arloko erabaki onenak hartzeko

  Lanit aholkularitzak merkaturatu duen datuen analisirako aplikazioa integragarria da ERP...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?