Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 25 otsaila, 2021 Azpiegiturak

Arabako Elikagaien Bankuak beste bi urtez jarraituko du bere elkartasun-lanarekin Jundiz Industrialdean

Arabako Industrialdeak --Sprilur-ek (Ekonomi Garapen eta Ingurumen Saila eta SPRI) eta Arabako Garapen Agentziak (Arabako Foru Aldundia) partaidetua dagoenak-- berritu egin du Arabako Elikagaien Bankuarekin bi pabilioi erabiltzeko akordioa Jundiz industrialdean.
Gasteizko Jundiz Industrialdeko pabilioien ikuspegia

Arabako Industrialdeak 2012tik ostatatzen du Elikagaien Bankuak Araba osoan egiten duen elkartasun-lana.

 

Ekimen honek berretsi egiten du Sprilur Taldeak erantzukizun sozialarekin hartua duen konpromisoa.

 

Arabako Industrialdeak –Sprilur-ek (Ekonomi Garapen eta Ingurumen Saila eta SPRI) eta Arabako Garapen Agentziak (Arabako Foru Aldundia) partaidetua dagoenak– berritu egin du Arabako Elikagaien Bankuarekin hartutako erabakia, zeinaren bidez Elikagaien Bankuak Gasteizko Jundiz industrialdean mantenduko baititu bere instalazioak bere elkartasun-lana garatzeko, hau da, zaurgarritasun egoera larrian dauden pertsonei arreta emateko.

 

Arabako Elikagaien Bankuak Arabako Industrialdeari jakinarazi dio bere kokalekua mantendu nahi duela Gasteizko Jundiz Industrialdeko bi pabilioitan (741 m²-koa bakoitza). Irabazi asmorik gabeko erakunde horrek espazio aproposak behar ditu arreta eta laguntza emateko bazterkeria, langabezia eta pobrezia egoeran dauden pertsonei, are gehiago COVID-19aren ondorioz garai latzak bizi dituztenei. Lortutako akordioak berretsi egin du Arabako Industrialdeak –eta, ondorioz Sprilur Taldeak– hartua duen konpromisoa erantzukizun sozialeko proiektuak babesteko.

 

Elikagaiak modu antolatuan banatzea da antolakunde honek 2012. urtetik Jundizko instalazioetan garatzen duen elkartasun-lana. Iaz, Elikagaien Bankuak 2.300.000 kg produktu banatu zituen gutxi gorabehera. 2021erako adierazleen arabera, iazko kopuruak gainditu egingo dira eta borondatezko kolaborazio publikoa hazi egingo da, laguntza solidarioa beharrezkoa izango baita suspertze- eta berraktibatze-faseari aurre egiteko.

 

Hauxe da Elikagaien Bankuak Jundizko Industrialdean garatzen duen jarduera: produktuen egokitasuna aztertzea, 10 taldetan sailkatzea (esnekiak, lekaleak, frutak eta barazkiak, okela eta arraina, gailetak eta zerealak, zukuak eta edariak, azukrea eta zopak, barazki kontserbak, haurrentzako zerealak eta higienea, eta olio eta ozpinak), eta produktuak prestatu eta entregatzea. Produktuak batez ere entregatzen dira harrera-zentroetan, jantoki eta egoitzetan, immigrazio-zentroetan, udal eta mankomunitate publikoetan, parrokia eta erakunde erlijiosoetan, kolektibo behartsuen elkarteetan eta beste elikagai banku batzuetan.

 

Jundizko Industrialdea: espazio eta jarduera anitzak biltzen dituen enpresa-gunea

 

Arabako Industrialdeak kudeatutako Jundizko Industrialdea Euskadiko handienetako bat da eta Gasteizko erdigunetik hurbil dago. Ongien baloratutako industrialdeetako bat da, erdigunera sartzeko eta gainerako errepide zein aireko azpiegituretara iristeko eskaintzen dituen bide azkarrei esker.

 

Arabako Industrialdeak, gaur egun, 13 pabilioi dauzka eskuragarri Jundizen: 325 m² eta 1.100 m2 bitarteko espazioan dauden bulegoak, horietatik 77 m²-tik 200 m²-ra bitartean modulatu egin daitezkeenak. Enpresei eskaintzen zaizkien sarbide eta finantzaketa malguko modalitateek aukera ematen dute jarduera ekonomikoa berehala kokatzeko industrialdean.

Lotutako albisteak

1 Marzo, 2024 Azpiegiturak
Euskadiko enpresa liderrak martxoaren 1etik aurrera inskribatu ahal izango dira BIND 4.0 programan, startupekin berritzeko
Irakurri gehiago
4YFN Basque Tek Ventu 27 otsaila, 2024 Azpiegiturak
Eusko Jaurlaritzak eta SPRIk “deeptech” startupen sorrera babesteko Basque Tek Ventures ekimena aurkeztu dute Mobile World Congress biltzarrean
Irakurri gehiago
9 otsaila, 2024 Azpiegiturak
Euskadiko parke teknologikoak 30 urte ospatuko ditu talentuaren, berrikuntzaren eta jasangarritasunaren zerbitzura Gipuzkoan
Irakurri gehiago
7 otsaila, 2024 Azpiegiturak
Bromalgae enpresak berotegi-efektuko gasak biltzeko zuhaitz artifizial bat jarri du Baionan, Spriren Pilotu programaren laguntzarekin
Irakurri gehiago
5 otsaila, 2024 Azpiegiturak
Euskadiko Parke Teknologikoak emaitza positiboekin itxi du 2023. urtea, eta zorroanproiektu berriak izanikekin diohedapen- eta hazkunde-prozesuari
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak