Zibersegurtasuna
Albisteak 28 urria, 2024

Sustatu zibersegurtasuna zure ETEan SOC zerbitzuak ezarriz eta lortu zibersegurtasuneko ziurtagirik zorrotzenak

Euskadiko enpresa txiki eta ertainek SOC (Security Operations Center) eta Ziber arloko Ziurtapenak programako dirulaguntzak eska ditzakete dagoeneko. Programa horren helburu nagusia da ETE-en zibersegurtasuna indartzea SOC zerbitzuak ezartzearekin lotutako proiektuak finantzatuz eta zibersegurtasuneko ziurtagiri ezagunak lortuz. Gehienez ere 25.000 euro jasotzen dira enpresa bakoitzeko.
-

Eskaerak egiteko epea zabalik egongo da 2025eko ekainaren 30era arte. Eskatu funtsak agortu baino lehen.

Eusko Jaurlaritzak, SPRIren bitartez, 2024ko SOC eta Zibersegurtasuneko Ziurtagiriak programa jarri du abian. Dirulaguntza horrek 3.696.389 euroko aurrekontua du eta Euskadiko enpresa txiki eta ertainei zibersegurtasuna hobetzen laguntzeko diseinatuta dago.

Ekimen horiek Europar Batasunak (Next Generation) finantzatutako Suspertze, Eraldaketa eta Erresilientzia Planaren funtsen barruan egiten dira. Espainiako Gobernuaren proiektuak Espainiako ekonomia modernizatzeko, hazkunde ekonomikoa suspertzeko eta enplegua sortzeko ibilbide-orria ezartzen du, hala, COVIDaren krisiaren ondoren, ekonomia sendo, inklusibo eta erresilientea berreraikitzeko eta datorren hamarkadako erronkei erantzuteko.

Espezializazio Teknologikoaren Lurralde Sareak (RETECH) eraldaketa digitala lurralde osoan errealitate bihurtzeko tresnak dira eta erkidego bakoitzaren potentzialak sustatzen dituzte. Horregatik, helburua da hainbat erkidegok elkarrekin sustatutako eraldaketa digitalerako lurralde-proiektuak martxan jartzea. Hortaz, RETECH ekosistema teknologikoak garatzeko erkidego arteko lankidetza-ekimena da, eta Digitalizazioko eta Adimen Artifizialeko Estatu Idazkaritzak jarri zuen martxan 2022ko abuztuan, gonbidapen publikoaren bitartez. Proiektuak 2022ko abenduan onartu zuren, Berreskurapen Planaren funtsen finantzaketarekin (Next Generation).

Deialdia zabalik dago gaurtik aurrera eta helburu nagusia da ETE-ek finantzaketa jaso ahal izatea Segurtasun Eragiketa Zentroen (SOC) zerbitzuak ezartzeko eta ziurtagiriak lortzeko, zibersegurtasuneko araurik ezagunenak betetzen direla bermatzeko, betiere espezializatutako hornitzaileak kontratatuz. Kanpoko hornitzaile horiek auditoretzak eta kalteberatasunen azterketak egingo dituzte eta soluzio aurreratuak eskainiko dituzte enpresek sektorearen estandarrik zorrotzenak betetzen dituztela bermatzeko.

Programa hori zabalik dago gaurtik eta eskaera egiteko epea 2025eko ekainaren 30ean amaitzen da. Dirulaguntzak eskaera-ordenaren arabera ematen dira; hortaz, funtsezkoa da dokumentazioa lehenbailehen aurkeztea.

ETE-etan zibersegurtasuna hobetzeko dirulaguntzak

Programa honetan parte hartzen duten ETE-ek bi proiektu motarentzat jasoko dituzte dirulaguntzak:

  • 1. lerroa – ETE-entzako SOC zerbitzua:
    Lerro horrek Segurtasun Eragiketa Zentroetako (SOC) zerbitzuen kontratazioa finantzatzen du. Enpresek laguntza jasoko dute beren sistema informatikoak denbora errealean monitorizatzeko eta zaintzeko, segurtasuneko jazoerak hautemateko eta modu proaktiboan arintzeko neurriak exekutatzeko. SOC zerbitzua martxan jarri eta abian egoteko gastuak ordainduko dira, 12 hilabetez asko jota.
  • 2. lerroa – Pentesting eta ziurtagirien zerbitzua:
    ETE-ek dirulaguntzak jasoko dituzte aholkularitzako, auditoretzako eta zibersegurtasuneko ziurtagirien kostuak ordaintzeko. Horren barruan, kalteberatasunak identifikatuko dira pentestingaren bitartez, ekintza-planak diseinatuko dira estandarrak betetzeko, hala nola ISO 27001, TISAX edo Segurtasuneko Eskema Nazionala eta jarraipen-auditoretzak egingo dira. Halaber, ziurtagiriak lortzeko beharrezkoak diren hardwarearen eta softwarearen gastuen % 80era arte barne hartuko da.

Dirulaguntzek zerbitzu horiekin lotutako gastuen % 75era arte hartuko dute barne, 25.000 euroko mugarekin gehienez ere ETE bakoitzeko. Horri esker, enpresek segurtasun digitala hobetu dezakete proiektuaren kostu osoa ordaindu beharrik gabe.

Zibersegurtasunean espezializatutako kanpoko hornitzaileak

Dirulaguntza horiek jaso ahal izateko, ETE-ek zibersegurtasunean espezializatutako kanpoko hornitzaileak kontratatu beharko dituzte. Aditu horiek arduratuko dira SOC zerbitzuak ezartzeaz eta operatzeaz, baita eskatutako auditoretzak eta ziurtagiriak egiteaz ere.

Garrantzitsua da nabarmentzea lanak ezin dituela enpresa eskatzaileak berak egin, ezta erakunde publikoek edo Zientzia, Teknologia eta Berrikuntzaren Euskal Sareko (ZTBES) kideek ere. Hala, soluzioak arlo pribatuko espezialistek garatzea bermatuko da.

Horrekin bermatzen da ETE-ek kalitate handiko zerbitzuak lortzea, mehatxu zibernetikorik aurreratuenak arintzeko eta indarrean dauden araudiak betetzeko.

Zibersegurtasunaren aldeko zeharkako apustua Euskadin

Gainera, zibersegurtasunaren beste arlo batzuetan laguntza behar duten ETE-ek, esaterako, auditoretzak egiteko, arriskuak aztertzeko edo babes-neurri espezifikoak ezartzeko, Enpresa Zibersegurtasuneko programaren eskaera ere egin dezakete, haien behar espezifikoetara egokitzeko.

Bi programak eraldaketa digitala sustatzeko eta Euskadiko enpresen aktibo kritikoak babesteko ahaleginaren parte dira, ingurune digitalak gero eta erronka handiagoak baititu.

Eman ezazu zure ETEa babesteko lehen pausoa

Egoitza Euskadin duten ETEak eta aukera hau baliatu nahi dutenak eskaera-prozesuarekin has daitezke, proiektuaren eskaintza tekniko eta ekonomikoa aurkeztuz. Eska ezazu SOC Zerbitzuen eta Ziber Ziurtagirien Programa 2025eko ekainak 30a baino lehen!

Lotutako albisteak

Cybasquek  eta  Cyberlurrek  lankidetza  estua  hasi  dute  zibersegurtasunaren  sektorea  indartzeko  Euskadin
09/07/2025 Zibersegurtasuna

Cybasquek eta Cyberlurrek lankidetza estua hasi dute zibersegurtasunaren sektorea indartzeko Euskadin

Akordioa sinatu ondoren, Cybasqueko kide diren enpresak baldintza onuragarrietan sartu ahal izango dira Cyberlur elkargoan

Seinalek  enpresei  beren  informazioa  edozein  mehatxuren  aurrean  babesten  laguntzen  die
08/07/2025 Zibersegurtasuna

Seinalek enpresei beren informazioa edozein mehatxuren aurrean babesten laguntzen die

20 urte baino gehiagoko esperientziarekin, Seinale zibersegurtasunean eta Zuzenbide Digitalean espezializatutako konpainia gisa finkatu da

SPRI  Europako  Zibersegurtasun  Erakundean  (ECSO)  sartu  da
03/07/2025 Zibersegurtasuna

SPRI Europako Zibersegurtasun Erakundean (ECSO) sartu da

ECSOk Europako zibersegurtasuneko sektore publikoa eta pribatua biltzen ditu. Guillermo Unamuno izango da SPRIren ordezkaria

Tecnalia,  zibersegurtasunaren  maila  guztietako  saiakuntzak  egiteko  akreditazioa  lortu  duen  lehen  erakunde  nazionala
02/07/2025 Zibersegurtasuna

Tecnalia, zibersegurtasunaren maila guztietako saiakuntzak egiteko akreditazioa lortu duen lehen erakunde nazionala

Ikerketa eta garapen teknologikoko zentroak ENACen (Egiaztatze Erakunde Nazionala) akreditazioa lortu du, nazioarteko IEC 62443-4-2 arauaren arabera industria segurtasun-maila handienean ziurtatzeko.  

ETE-ei  zuzendutako  zibersegurtasuneko  proiektuetarako  laguntzak  eskatzeko  epea  zabaldu  dugu
27/06/2025 Zibersegurtasuna

ETE-ei zuzendutako zibersegurtasuneko proiektuetarako laguntzak eskatzeko epea zabaldu dugu

SPRIk SOC (Security Operations Center) eta Ziber arloko ziurtagirien laguntza-programarako eskaerak aurkezteko epea 2025eko azaroaren 3ra arte luzatzea erabaki du. Luzapen hori Euskadiko enpresa txiki eta ertainen zibersegurtasuna indartzeko funtsezko laguntzatara sarbidea errazteko gure konpromisoari lotuta dago.

Bullhost-ek  SPCNet  enpresaren  erosketa  osatzen  du  Cloud  eremuan  sendotzeko  estrategiaren  zati  gisa

Bullhost-ek SPCNet enpresaren erosketa osatzen du Cloud eremuan sendotzeko estrategiaren zati gisa

"Gure bezeroek beren datuak gertu izan behar dituzte lan kritikoetan erabiltzeko, hala nola, iragarpenean, optimizazioan edo erabakiak denbora errealean hartzean..."

Babestu  zure  enpresa  zibererasoetatik  Enpresa  Zibersegurtasuneko  dirulaguntza  berriei  esker
17/06/2025 Zibersegurtasuna

Babestu zure enpresa zibererasoetatik Enpresa Zibersegurtasuneko dirulaguntza berriei esker

Gaur zabaldu den Enpresa Zibersegurtasuna laguntza-programaren edizio berria 4.5 milioi €-ko aurrekontua izango du. Zibererasoei aurre egiteko indartu egin nahi duten euskal enpresek 2025ko azaroaren 24ra arteko epea dute euren eskaerak aurkezteko.

LCyberCyberIndustry  Congressen  lehen  edizioan  nazioarteko  zibersegurtasuneko  320  aditu  baino  gehiago  bilduko  dira,  200  enpresatakoak,  zibersegurtasunak  euskal  industrian  dituen  erronkak  eztabaidatzeko
12/06/2025 Zibersegurtasuna

LCyberCyberIndustry Congressen lehen edizioan nazioarteko zibersegurtasuneko 320 aditu baino gehiago bilduko dira, 200 enpresatakoak, zibersegurtasunak euskal industrian dituen erronkak eztabaidatzeko

Kongresuak Euskadi zibersegurtasuneko lehen mailako erreferentzia gisa finkatzen lagunduko du; TECNALIAk antolatu du SPRIk diseinatzen eta hedatzen lagunduta, eta Bilbon egingo da, Azkuna Zentroan, ekainaren 17an eta 18an

Industriaren  Eraldaketa  Digital  Segurua  jardunaldia  antolatu  dute  INDEUSek  eta  CYBASQUEk  euskaraz  BeDigital  azokarako

Industriaren Eraldaketa Digital Segurua jardunaldia antolatu dute INDEUSek eta CYBASQUEk euskaraz BeDigital azokarako

Ekainaren 4an egingo da, 'Zibersegurtasunaren erronkari erantzun, industria lehiakorrago eta seguruago bat eraikitzeko' izenburupean.

Iritsi  da  zure  datuak  eta  zerbitzuak  hodeira  migratzeko  unea.  Aprobetxatu  euskal  enpresentzako  Kloud  laguntza
15/05/2025 Zibersegurtasuna

Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza

Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.