Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 24 otsaila, 2022 Zibersegurtasuna Zibersegurtazun industriala programa

Eusko Jaurlaritzak 3,5 milioi euro bideratu ditu zibersegurtasun industrialeko laguntzetara

Eskaerak tramitatzeko epea zabalik dago azaroaren 25era arte, eta enpresek aukera izango dute 18.000 eurorainoko itzuli beharrik gabeko dirulaguntzak jasotzeko proiektu bakoitzeko

Eusko Jaurlaritzak 3,5 milioi euro eskaintzen ditu laguntzatan aurten  zibersegurtasun arloko neurriak aplikatzen dituzten enpresa industrialentzat. Bosgarren edizio honetan zibersegurtasun industrialeko programak –zeinaren helburua baita zibermehatxuen aurkako babesa sustatzea eta zibersegurtasuna aprobetxatzea lehiakortasun abantaila bezala- 18.000 eurorainoko itzuli beharrik gabeko dirulaguntzak emango ditu proiektu bakoitzeko.

Aurtengo aurrekontua iaz hasieran finkatutakoa baino milioi bat euro handiagoa da (irailean erabaki zen 2,5 milioitik 3,5 milioira igotzea),  eta horrek esan nahi du aurtengo zuzkidura duela lau urte baino sei aldiz handiagoa dela, orduantxe sortu baitzen programa hau 600.000 euroko partida ekonomikoarekin.

SPRI Taldearen eta Zibersegurtasunerako Euskal Zentroaren (BCSC, ingelesezko siglak) bitartez kudeatutako programa honek 404 proiektu babestu zituen iaz, eta 2020an 178 izan ziren. Horrek erakusten du enpresek gero eta gehiago onartzen dutela programa hau. Ia 3,5 milioi euroko dirulaguntza onartu zen (ia aurrekontu osoa), eta proiektu bakoitzak 8.600 euro baino gehiagoko laguntza jaso zuen batez beste.

Hona hemen diruz lagundu daitezkeen jarduerak: sistemen konbergentzia eta integrazioa IT/OT inguruneetarako, lantegietako ekipo industrialetarako urruneko sarbideen sekurizazioa, auditoretzak, kanpoko erasoen simulazioak, plantillaren kontzientziazioa, enpresa bakoitzaren egungo egoeraren diagnostikoa eta jardunbide egokiak barneratzeko edo ziurtagiriak eskuratzeko proiektuak.

Zibersegurtasun industrialeko 2022ko laguntzek proiektuaren hardware eta software gastuen % 80 estaliko dute gehienez; eta aholkularitza edo/eta ingeniaritza gastuak proiektuaren % 20 izan behar dira gutxienez. Dirulaguntzak % 5 handiagoak izango dira euskararen erabilerako Bikain kalitate ziurtagiria zein Berdintasun plan bat duten edo euskarazko softwarea darabilten proiektuentzat.

Laguntza eskaerak SPRI Taldearen web orritik tramitatuko dira; eskaerak aurkezteko epea zabalik dago jada eta azaroaren 25ean itxiko da. Uste da 380 eskaera jasoko direla.

Ekimen aitzindaria

Zibersegurtasun Industrialeko laguntzen programa duela lau urte sortu zen 600.000 euroko aurrekontuarekin eta ekimen aitzindaria zelarik Estatuan, baina ikusirik euskal enpresa industrialen eskaera handia eta enpresek Zibersegurtasuneko Euskal Zentroaren inguruan sortutako proiektu honekiko duten konfiantza, erabaki da programa handitzea urtez urte eta, azkenean, aurten 3,5 milioi euro bideratu dira laguntzetara.

Eusko Jaurlaritzak zibersegurtasun industrialarekin hartutako konpromisoa eta 2017ko urrian sortutako BCSC-Zibersegurtasuneko Euskal Zentroa dira (SPRI Taldean integratua eta Arabako Teknologi Parkean kokatua) ekimen honen kokapen-esparrua. Bere helburu garrantzitsuenak dira enpresa sektorea sendotzea eta bere jarduera dinamizatzea zibersegurtasunaren arloan, Euskadi nazioarteko erreferente bihurtzea eta segurtasun informatikoaren kultura sustatzea euskal gizartean. Zentzu horretan, laguntza programa hauxe izan zen martxan jarri zen lehen neurrietako bat.

Programaren lehen edizioa (2018ko deialdia) 600.000 euroko aurrekontuarekin hasi zen, baina kopuru hori handitu egin behar izan zen eskaera handiaren ondorioz. Azenean 102 proiektu onartu ziren (56 Gipuzkoako enpresenak, 25 Bizkaiko enpresenak eta 21 Arabakoenak) eta amaierako zenbatekoa 985.161 eurokoa izan zen.

2019ko deialdia ere 600.000 euroko aurrekontu batekin hasi zen, baina azkenean 2016 proiektu onartu ziren eta Eusko Jaurlaritzak 1.877.526 €-ko laguntzak eman zituen. Gainera, 4,45 milioi euroko inbertsio pribatua mobilizatu zen.

 

Lotutako albisteak

24 Azaroa, 2022 Zibersegurtasuna
Jegan, langileen jabetzakoa den eta automobilgintzarako segurtasun handiko piezak fabrikatzen dituen ETEa
Irakurri gehiago
9 Azaroa, 2022 Digitalizazioa
Marketin digitalari buruzko Indusmedia 2022 kongresua bereziki zentratuko da enpresaren marketin-merkataritza binomiotik bultzatutako esperientzia arrakastatsuetan
Irakurri gehiago
4 Azaroa, 2022 Basque Trade & Investment
Montajes Eléctricos Elca, nazioartean zabaldu nahi duen ETE gasteiztarra
Irakurri gehiago
25 urria, 2022 Basque Trade & Investment
Hadimek, presio altuko ekipoentzat forjatutako produktu espezializatuak egiten dituen ETEa
Irakurri gehiago
20 urria, 2022 Zibersegurtasuna
Athader, metalezko bobinentzako ebaketa-lineen mundu mailako hornitzaile nagusietako bat
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak