BIOTALDE ARGITECH
Ekintzailetza Eraldaketa digitala I+G+B
Albisteak 3 Azaroa, 2020

UV-C Izpi ultramoreak Covid-ari aurre egiteko, eraginkortasun frogatua dutenak

Argi-Tech injinerutzk eta Biotalderen laborategiak sistema profesional berritzailea sortu dute espazio kritikoetan SARS-Cov-2 ezabatzeko, UV-C izpi ultramoreak modu eraginkor eta seguruan aplikatuz.
-

Argi-Tech eta Biotalde euskal enpresak batu dira izpi ultramoreen bidez airearen eta gainazalen tratamendu profesional berritzailea egiteko. Tratamendu honek Covid-19aren eragilea den SARS-CoV-2 ezabatzen du %99,99ko ziurtasunez, baita beste hainbat mikroorganismo ere.

Argi-Techek, argiztapenean espezializatutako injinerutza denez, izpi ultramoreen ezagutza eskaintzen du irradiazio-sistema eratzeko. Bestalde, arrisku mikrobiologikoetan espezializatutako Biotaldek puntu kritikoak ezartzen ditu, eta analisiaren bidez, tratatutako espazioa desinfektatzen du. “Kasu honetan, dagoeneko merkatuan ditugun teknologiak desinfekziora zuzentzean datza berrikuntza. Sektore ezberdinak bateratzen dira zerbitzu jakin bat proposatzeko, diseinu profesionala eta mikroorganismoekiko efikazia duena”, diosku Nieves Zabalak, Biotaldeko zuzendariak.

Azken hilabeteotan konponbidea garatu dute bi enpresek, desinfekzio profesional eta ziurra lortzeko, arriskutsuak edota ez fidagarriak diren tratamendu kimikoak alboratuz. Birusa hedatzeko kritikoak diren lekuetarako sortu da: aireztapen gutxiko leku itxiak, pertsonen joan-etorri eta interakzio asko izaten dituztenak. Hortaz, aldagela publikoak, industria guneak, gimnasioak, ospitaleak, klinikak edota eraikin publikoak bezalako tokietan aplika daiteke.

Desinfektatu nahi den gunean zenbat argiontzi ltramore kokatu behar diren erabaki behar da, eta desinfekzioa ziurtatzeko, izpi ultramoreen potentzia eta hauen eraginpean egoteko denbora kalkulatu. Segurtasunerako faktore guztiak betetzen direla ziurtatu behar da, tratamendua ezin baita pertsonen aurrean egin. Prozedura osoaren efikazia ere ziurtatu behar da. Instalazioak egonkorrak zein mugikorrak izan daitezke, aplikazio-baldintzen arabera.

Sistema honek injinerutza, laborategia eta erabiltzearen partehartzea behar du. Injinerutzak aldizkako mantenua sortu eta aplikatzen du; laborategiak hasieran eta denboran zehar efikazia ziurtatzen du, eta erabiltzaileak (instalazioaren jabea) behar bezala erabiltzen du, ezarritako aldizkakotasunaz erabiliz. Hala, mikroorganismoak hedatzeko arriskua ahalik eta gehien gutxitzen da.

Esate baterako, enpresa batean txandaka behin eta berriro erabiltzen den aldagela desinfektatzeko, irradiazio maila altuko argiontzi ultramore egonkorrak kokatuko lirateke. Honela, desinfekzioa epe laburrean egingo litzateke, ateak itxita daudela eta tratamenduan pertsonarik ez dagoela ziurtatzeko segurtasun-kontrolak ezarriz. Ostera, hainbat gela dituen gimnasioa izatekotan, argiontzi mugikorrak erabil litezke gauez, hutsik dagoenean, denboraren mugarik gabe.

Haren efektibotasuna argi ultramorean datza, germenak hiltzeko propietateak dituena Nazioarteko Erakunde Ultramorearen arabera (IUVA). Zehazki, UV-C izpiak erabiltzen dira, birusa ezabatzeko ez baitu edozein ultramorek balio. Uhinaren luzeraren araberako hiru maila daude: UV-A izpiak (azala beltzarantzeko gailuetan erabiltzen dena), UV-B eta UV-C. Azken hauek laburragoak dira, 200-280 nm artekoa, eta germenen aurkako eragin bortitza du, bakteriak, birusak, esporak, hondoak, lizuna eta akaroak ezabatzen dituena. Mikrobioen ADNa eta ARNa suntsituz, hauen hazkuntza eta biderketa galarazten ditu.

UV-C izpiak sortzeko ohiko teknologia erabiltzen da, ultramorearen hodia nahiz merkuriozko argiontziaren hodia deskargatuz. Dositan aplikatzen da (potentzia eta esposizio-denboraren arabera kalkulatuak), desinfektatu behar den espazioaren ezaugarriak eta erabilera kontuan harturik.

“Konponbide honek Coronavirus SARS-Cov-2ren desinfekzio ziur eta eraginkorra bermatzen du kontagiorako arriskutsua den edozein gunetan, baina prebentzio-neurriekin bat. Tratamenduaren ostean pertsona infektatu bat sartuz gero, lekua infektatzen da behin eta berriz. Tratamendua egiten duten instalazioen jabeek prebentzio-neurri guztiak hartu dituztela ziurtatzea da behinena” azaltzen digu Argi-Techen zuzendariak, Amando Ruizek.

Tratamendua erabat ziurra da pertsonentzat, produktu kimikoak erabiltzen dituztenak ez bezala. Azken hauek tratatutako guneetan geratzen dira eta albo ondorioak izan ditzakete. Gainera, aplikatzen duen pertsonaren zorroztasunaren araberakoa da. Espezializazio gbeko ultramore ekipoak saihesten dira tratamendu honekin; hauek kaltegarriak izan daitezke ez badira behar bezala erabiltzen.

Bi enpresa hauen helburua aktibitate berria hastea da; dagoeneko lan komertziala hasi dute, hainbat enpresa eta erakunde garrantzitsuren interesa piztuz. “Bezeroaren jabegoan instalazioa egitean, kostuak jasangarriak dira, eta denboran zeharreko emaitzak jasotzen dira” dio Argi-Techen zuzendariak.

Ambiente-Pre y Post UVC


Prozedura hiru fasetan

Argi-Tech eta Biotaldek proposatutako zerbitzua hiru fasetan garatzen da. Lehenengoan tratamendua diseinatzen da eta desinfekziorako argiontziak kokatzen dira. Espazioen aurretiko azterketa batetik abiatuz, irradiazioaren dosiak, kopurua eta argiontzi motak (egonkorrak edo mugikorrak) kalkulatzen dira. Kokapena ere zehazten da itzalen bidezko 3D azterketa eginez, hauek argi ultramorearen eragina ezereztatzen baitute. Azkenik, materialen instalazio elektrikoa egiten da, urtero berrikusten dena.

Desinfekzioaren prozesuaren kontrola eta arautzearen fasean pertsonen segurtasuna bermatzen da eta arriskuen ebaluaketa egiten da. UV-C tratamendua ezin da pertsonen aurrean egin, ikusmena eta azala kaltetu ditzakelako. Beraz, inor ez dagoela ziurtatzen duten sentsoreak kokatzen dira, sarreren kontrol automatikoa ezartzen da eta tratamenduaren luzera kontrolatzen da, beste hainbat segurtasun-neurrirekin batera.

Azken fasea desinfekzio prozesuaren ziurtatzea da. Biotaldek egiten du, mikroorganismo jakin batzuen bidez; hauek ziurtatzen dute diseinatutako tratamendua eraginkorra dela gainazaletan eta giroan, eta SARS-CoV-2 edota bestelako mikroorganismorik ez dela baieztatzen dute. Ostean, aplikazioa eraginkorra delako ziurtagiria bidaltzen du. Lehenengo hiru hilabeteetan, hilabetean behin analisiak egiten dira, eta gero hiruhilekoz hiruhilekoko jarraigoa egiten da emaitzak a direla bermatzeko, dagozkien ziurtagiriak bidaliz.

 

2019aren bukaeraz geroztiko garapena

Konponbide hau 2019aren amaieran bururatu zitzaigun. Argi-Techek ezagutu zuen, desinfektatzeko, izpi ultramoreak igortzen dituzten led diodoen garapena hasten duten Led Plaken fabrikatzaileak daudela. Jakina, Covid19 oraindik Espainian ez zegoenean. Hau ikertzen ibili ziren, eta konfinamendua hasi zenean, ideia garatzen hasi ziren konponbiderik ez zuten arazoei aurre egiteko. Apirilean Biotalderekin harremanetan jarri ziren eta sistema baieztatzeko frogak egiteari ekin zioten. Honetarako, konfiantzazko bezeroekin hitz egin zuten merkatuaren interesa frogatzeko. Emaitzak onak zirela ikusirik, zerbitzuari forma ematea pentsatu zuten eta gaur egun eskaintzen ari dira, gehienbat enpresa biek ondo ezagutzen duten industriaren sektorera zuzenduta, baina osasuna, heziketa edota hezkuntza bezalako beste hainbat esparru alboratu gabe, hauetan ere sistema oso beharrezkoa izan daitekelako.

Garapena norbere produktuekin gauzatu dute, proiektuan 4 pertsona ari direla: Argi-Techen bi injineru eta Biotalderen bi ikertzaile.

 

Covid19ari aurre egitea, lehenbizikoa

Proiektu honen lehentasuna Cvid19az babestea, prebentzioa eta pertsonen osasuna bermatzea da. Honez gain, SARS-Cov-2ari buruzko ezagutza zabaldu nahi dute komunitate zientifiko eta teknikoarekin partekatzeko, ikerbide berria irekiz. Honetarako, instalazioak monitorizatuko dira denboran zehar, desinfekzio-sistema honi loturiko aspektuez ikasten jarraitzeko: mikroorganismoei nola eragiten dien, giroari nola eragiten dion, materialek nolako erresistentzia duten, eta abar.

Efizientziari lotutako helburuak ere bete nahi dira; adibidez, beharrezko diren dosien kopuru minimora iritsi, edota energiaren kontsumoa hobetu efiziente eta ekologikoagoak diren UV-C LED argien bidez. Proiektu hau garatze bidean dago. Etorkizunera begira, egun ezagutzen ez ditugun patogenoekin erabiltzea espero dute. “Orain osasuna da garrantzitsuena, baina sistema honek edozein birus edo mikroorganismoren aurka balio du, etorkizuneko pandemiei aurre egiteko. Egungo egoera atzeraka doala ikustean, sistema hobetzen jarraitu nahi dugu etorkizunerako prest egoteko” dio Biotalderen zuzendariak.

 

Elkarlana

Bi enpresa hauen elkarlan estuaren oinarrian osasuna eta prebentziorako helburu berak izatea dago. Proposamen honen bereizgarria profesionala eta zerbitzukoa dela da, ezagutza garatzeko fokuaz.

Egoitza Bizkaian duen ARGI-TECHek argiztatze-konponbideak eta zerbitzuak eskaintzen ditu arkitektoak, argiztapen-diseinatzaileak, proiektuen enpresak, hornitzaileak, ikertzaileak eta markentzat. Argiztapen inteligentean oinarritutako injinerutza da, sareprofesional baten bidez metodologiak eta lanabesak eskuragarri ditu. Hala, konponbide berritzaileak sor daitezke, saltzeko errazak, aplikatzeko sinpleak, erabilgarriak eta onuragarriak.

Egoitza Bizkaian duen BIOTALDE aholkularitza-enpresa osasunaren prebentziora zuzendutako zerbitzuetan ari da. Arriskuaren kudeaketarako programak erabiltzen ditu; horretarako, kontrol analitikoak egiten dituzte euren laborategietan. Produktu eta prozesuetan eragiten duten aspektu biologiko larrien Diagnostikoa egiten dute, eta horren arabera, onartuak izan daitezke; bestela, konponbide teknologiko aurreratuetarako proposamenak eta hobekuntzak egin daitezke. Mikrobiologia Bio-sanitarioa, Elikagaien Segurtasuna eta Ingurugiroaren Osasuna dira teknologia honen erabilera-esparruak.

BIOTALDE ARGITECH

Lotutako albisteak

Jakin  nahi  al  duzu  zure  enpresa  zibereraso  baterako  prest  dagoen?  Jakin  ezazu  SPRIren  zibersegurtasuneko  simulakroen  zerbitzu  berriarekin

Jakin nahi al duzu zure enpresa zibereraso baterako prest dagoen? Jakin ezazu SPRIren zibersegurtasuneko simulakroen zerbitzu berriarekin

Jarri proban zure enpresaren erreakzio-gaitasuna ingurune seguru eta errealista batean. SPRIk zibersegurtasuneko simulakroen doako zerbitzua jarri du abian ahultasunak identifikatzeko eta eraginkortasunez jarduteko aukera izan dezazun. Eskatu ORAIN.

Milaka  teknologia  zale  bilduko  dira  BECen,  Euskal  Encounter  topaketan,  sektore  digitalaren  hitzordu  handienean

Milaka teknologia zale bilduko dira BECen, Euskal Encounter topaketan, sektore digitalaren hitzordu handienean

Uztailaren 24tik 27ra, 4.000 ordenagailu eta 5.000 parte-hartzaile baino gehiago elkartuko dira Barakaldon, eta 200 jarduera inguru izango dira. Publiko zabalarentzako gune irekia ere egongo da, hitzaldi, tailer eta standekin, baita 3D inprimaketarako espazioa, ekimen solidarioak, hezkuntza-teknologiako proposamenak eta bideojokoen sektorearekin loturiko eremuak ere

INGENERSUNek  balazta-diskoen  pintaketa  automatizatu  du  Poloniako  Stellantis  instalazio  batean

INGENERSUNek balazta-diskoen pintaketa automatizatu du Poloniako Stellantis instalazio batean

Instalazioak bost ATEX robot eta teknologia aurreratuak integratzen ditu, zeinen bidez pintatzeko prozesuan produktibitate eta zehaztasun handiak lortzen diren.

Konexio:  “Gure  helburua  da  erakundeei  nazioarteko  talentua  aurkitzen  laguntzea  eta  prozesu  osoan  laguntzea”
16/07/2025 Ekintzailetza

Konexio: “Gure helburua da erakundeei nazioarteko talentua aurkitzen laguntzea eta prozesu osoan laguntzea”

Bizkaiko enpresak irtenbidea ematen dio tokiko profesionalak aurkitzeko zailtasunari, eta profilak beste herrialde batzuetatik lekualdatzea errazten du.

Eusko  Jaurlaritzak  120  milioiraino  handitu  du  ikerketa  industriala  sustatzeko  aurrekontua
16/07/2025 I+G+B

Eusko Jaurlaritzak 120 milioiraino handitu du ikerketa industriala sustatzeko aurrekontua

Imanol Pradales Lehendakariak sustatutako Industria Defendatzeko Taldean hartutako konpromisoa beteko da hala, eta, horren bidez, aurtengo lehen hiruhilekoan Hazitek programan aurkeztu diren proiektuak baino gehiago finantzatu ahal izango dira

Ulma  Medical  Technologiesek  AA  erabiliz  itsutasun  diabetikoa  prebenitzeko  lehen  sistema  bultzatu  du  Lehen  Mailako  Arretan

Ulma Medical Technologiesek AA erabiliz itsutasun diabetikoa prebenitzeko lehen sistema bultzatu du Lehen Mailako Arretan

Errioxa erkidego aitzindaria da bere osasun zentroetan erretinopatia diabetikoaren baheketarako irtenbide automatizatu bat ezartzen

Eusko  Jaurlaritza  sozietate  publikoen  digitalizazioa  hobetzeko  soluzio  berritzaileak  dituzten  startupen  bila  dabil
15/07/2025 Up Euskadi

Eusko Jaurlaritza sozietate publikoen digitalizazioa hobetzeko soluzio berritzaileak dituzten startupen bila dabil

BIND GovTech ekimenaren hirugarren deialdia abuztuaren 4ra arte egongo da zabalik. 

DESI  2024  txostenak  baieztatu  du  Euskal  Autonomia  Erkidegoaren  digitalizazioa  erritmo  onean  doala  aurrera

DESI 2024 txostenak baieztatu du Euskal Autonomia Erkidegoaren digitalizazioa erritmo onean doala aurrera

Euskal Autonomia Erkidegoko Ekonomia eta Gizarte Digitalari buruzko azterlanak azpiegitura digitaletan lurraldeak Europa mailan duen lidergoa nabarmentzen du

KAUDATU:  Euskal  enpresentzako  digitalizazio  seguru  eta  jasangarria

KAUDATU: Euskal enpresentzako digitalizazio seguru eta jasangarria

KAUDATUren web plataforma errazten du eIDAS 2 araudian oinarritutako digitalizazioa, eta enpresei eskaintzen dizkie lege-betekizunak eta datuen pribatutasuna betetzeko beharrezko tresnak, digitalizazio arduratsu baterantz aurrera egiteko bidean

EEN  Basque  Sareak  euskal  ETE-en  parte-hartzea  errazten  du  Europako  I+G  programetan
11/07/2025 I+G+B

EEN Basque Sareak euskal ETE-en parte-hartzea errazten du Europako I+G programetan

BRTA sartu delako Innobasque, BT&I eta hiru merkataritza-ganberekin batera Euskadin SPRIk koordinatzen duen Europako Batzordearen ekimenean

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.