Kitto-k eta Waixo-k Filtroak dituen lehenengo Maskara Higieniko Berrerabilgarria garatu dute Hotzaren Merkaturako

Kitto, Bizkaiko ehun-enpresa historikoa Bizkaian, mendirako arropa teknikoan espezializatua da. Waixok, ehunen inprimaketa digitalen zerbitzuak eskaintzen ditu. Bi enpresa hauek Filtro Baztergarriak dituen lehenengo Maskara Higieniko Berrerabilgarria patentatu dute. Maskara hau giro latzetan erabiltzeko da, hotz eta hezetasun handia duten giroetan.

 

Jesus Larrietak, maskararen sustatzaileak, ideia nola sortu zen kontatu digu:

“Kittok 30 urte baino gehiago daramatza mendi altuko sektorearentzat ehun-zerbitzuak eskaintzen. Gure lana bereziki arriskutsuak diren giroetarako ehunak sortzea da. Konturatu ginen alor honetan ez dagoela Maskararik diseinatuta, batez ere exigentzia handia eskatzen duten giroetarako. Honegatik, maskara garatzeari ekin genion. Konponbideak hainbat faktore konbinatzea eskatzen zuen: Arnasteko erraztasuna, Transpiratzeko erraztasuna eta Hotzaren aurkako babesa. Honez gain, Maskarak merkea izan behar zuen, Bakterien Filtrazioa saihesten duena”.

Bitartean, Waixo euskal Start Up-ak, eurek sortutako WAIX-TRS Maskarillaren Modelorako Modelo Erabilgarria patentatu zuen. Prozesu osoa nola garatu zen kontatu digu Enpresak:

“Alarma estatua ezarri zenetik, Maskara Higieniko Berrerabilgarria garatzera ekin diogu, UNE0065 Legeak eta CWA-17553 Europar Zuzendaritzak eskatutakoa ahal denik eta hobekien betetzeko. Bakterien Filtrazioari ahalik eta hobekien aurre egiteko eta ondo arnasteko helburuaz sortu dugu, betiere erabiltzailearengan %100ean pentsatuz. Bezeroarentzat kosturik baxuena izatea ere kontuan izan dugu. UNE0065 Legearen sortzaileen hartean dago Kataluniako Teknologia Zentroa (Eurecat). Bertan egindako saioen emaitzek garapena Modelo Erabilgarri baten bila bideratzera eraman gaituzte”.

Bi enpresek garapen bateratua proposatu zuten Waixoren konponbidea Kittok identifikatutako merkatuaren hutsunean. Emaitza, lehenengo Maskara Higieniko Tubular Berrerabilgarria Filtro Baztergarriekin, CWA-17553 Europar Zuzendaritzak eskatutakoa betetzen duena. Bakterien Filtrazioa eta Arnasteko erraztasuna hobekien konbinatzen dituen maskara da. Maskara Tubularrak Ehun Tekniko Pertxatua du; ondorioz, hotzetik ondo babesten du, Buff bat bailitzan. Airea hartu eta botatzeko konponbide patentatua du ere.

Maskararen Modeloaren sustatzaileak honakoa bermatzen dute:

“Garbiketa kopuru murriztua duten ehun bakarraz nahiz ehunen konbinaketazosatutako maskara berrerabilgarriekin konparatuz, WAIX-TRS modeloak nahi beste garbiketa izan ditzake Material Filtratzaile Baztergarriaren egituran”.

Maskara honen abantailen artean, sostengarritasuna nabarmentzen dute:

“WAIX-TRS Maskara Tubularraren Modeloan Ehuna ez den ehunaren hiru-geruza da hondakina. Hiru geruza hauek 1,25 gramoko hondakina dute erabilera bakoitzean. %50,4a Zelulosa Biodegradagarria da eta gainontzeko %49,6a, poliesterra. Azken honek kaltetzen du ingurugiroa: 0,62 gramo poliester erabilera bakoitzean, 18,6 gramo inguru hilabetean erabiltzaile bakoitzeko. Izan ere, garbiketa kopuru murriztua duten maskara baztergarriek nahiz higieniko berrerabilgarriek ingurugiroan duten eragina askoz handiagoa da, geruza bakarrekoak nahiz anitzekoak izan, maskara osoa hondakin bihurtzen delako. Hau da, ehunen sekuentzia osoa, twist band, gomak, packaging, eta abar.”

Produktua ekoizteko gakoetako bat produktuak erabilera bakoitzeko duen kostua ahalik eta baxuena izatea zen. Aspektu honi dagokionez, “erabilera bakoitzeko kosturik errentagarriena duen konponbidea topatu dugu hiru geruzako material Filtratzaileari esker. Material honek erabilera bakoitzeko 0,15 euro baino gutxiagoko kostua du. Denborarekin, WAIX-TRS Maskararen erabileraren araberako gastua gero eta gehiago hurbiltzen da kontsumigarriaren (material filtratzailea) gastura, eta azken hau merkatuko bestelako modeloak baino askoz merkeago da”.

WAIX-TRS Maskara Modeloak %87ko Efikazia du Bakterien Filtrazioan eta %29koa Presio Diferentzialean. Hala ere, enpresa I+D-rako inbertsioak handitzeko ahalegina egiten ari da. “Gaur egun, geruzen sekuentziak hobetzen saiatzen ari gara, Bakterien Filtrazioan Efikazia areagotzeko, %93ra iristeko asmoz. Hala, Filtroak dituen lehenengo Maskara Higieniko Berrerabilgarria izateaz gain, bi zentzuetan frogatutako bakarra izango litzateke, %90etik gorako emaitzekin, bai barrutik kanpora, bai kanpotik barrura. Helburu hau betetzea da gure azken asmoa”.

Lotutako albisteak

2 apirila, 2024 Ekintzailetza

Perseus: “Perseusen I+G+b da gure zerbitzuak hobetzeko erabiltzen dugun indarra”

Irakurri gehiago

26 otsaila, 2024 Berrikuntza

Vostok Electric: “Mugikortasun jasangarriaren esparruan hobe da urrats txikiak eta seguruak ematea”

Irakurri gehiago

23 otsaila, 2024 Ekintzailetza

Ventijetek birikietako haizagailu berritzaileak sortu ditu arnasteko zailtasunak dituzten pazienteentzat

Irakurri gehiago

12 otsaila, 2024 Digitalizazioa

Chubby Apps: “App bat errentagarria izan dadin, produktua, marketina eta negozio-eredua bildu behar ditu”

Irakurri gehiago

22 urtarrila, 2024 Ekintzailetza

Ardiluzu: “Gertatzen ari denari buruzko zenbait ideia bisualki islatzeak hitzaldiaren edo ekitaldiaren balioa handitzen du”

Irakurri gehiago

Joan blog-era