Euskal enpresaren blog-a Zure enpresarentzat garrantzitsua den eguneroko informazioa

31 martxoa, 2020
CoChallenge! Covid-19aren inpaktu negatiboa murrizteko ideiak

Mondragon Team Academy ha lanzado un programa dirigido a impulsar propuestas de emprendimiento social

Mondragon Team Academy-k programa bat abiarazi du ekintzailetza sozialeko proposamenak bultzatzeko

 

Ikusirik koronabirusaren hedapenak berekin ekarri dituen osasun-, gizarte- eta ekonomia-arloetako erronka handiak, Africa Basque Challenge lantaldeak deialdi bat egin du balizko konponbideen diseinuan parte hartu nahi duten gazteentzat. Ekimen honek hiru asteko onlineko prestakuntza eta laguntza eskaintzen du, eta Euskadi eta Afrikako lantaldeek elkarrekin lan egingo dute bi lurraldeetarako proposamenak lantzeko.

 

Mondragon Team Academy-k eta ekintzailetzari laguntzeko Yu Hub Africa erakundeak bultzatu dute Africa Basque Challenge proiektua. Yu Hub Africa erakundearen helburua da berrikuntza sozialeko ekimenak sustatzea Euskadiko eta Afrikako gazteen arteko lankidetzaren bitartez.  Orain, lantaldeak programa “espres” bat abiarazi du, Covid-19ari aurre egiteko borrokan lagungarri izan daitezkeen proposamenak garatzeko. Africa Basque Challenge ekimenaren Euskadiko arduradun Maialen Mendizabalek dioenez, “deialdi bat egin dugu gaitzak Afrikan nahiz Europan daukan inpaktu negatiboa murrizteko ideiak proposatu nahi dituzten gazteentzat” eta “kultura anitzeko lantaldeak sortuko ditugu online lan egin dezaten”.

 

Programa honek hiru asteko prestakuntza eta tutoretza eskaintzen du Internet bidez. Denbora horretan, kultura anitzeko lantaldeek laguntza jasoko dute ideia definitzeko, ekintza-plan bat diseinatzeko eta proiektu bihurtzeko. Prestakuntzak bere baitan hartuko ditu ekintzailetza sozialarekin lotutako alderdiak, eta baita ere egungo testuinguruekin eta premiekin lotutakoak. “Elkarrekin partekatuko ditugu hainbat herrialdetan dagoeneko martxan dauden ekimen inspiratzaileen adibideak, parte-hartzaileek ikus dezaten nola izan diren sortuak eta zein emaitza ari diren ematen” azaldu du Maialen Mendizabalek. Programa amaitzean, lantaldeek euren proiektuak aurkeztuko dituzte ekintzailetza sozialeko profesional eta erakundeen aurrean, ideia garatzen jarraitzeko laguntzak bila ditzaten.

 

Euskadiko gazteek dagoeneko eman dezakete izena sare sozialen bitartez. Parte hartzeko nahikoa da 18 urteak beteak izatea eta behar besteko ingeles edo frantses ezagutzak izatea. Halaber, ekimen honek helburutzat dauka ideiak babestu nahi dituzten profesional eta erakundeak bilatzea, programa amaitu ondoren ere aurrera jarrai dezaten lanean.

 

Horrekin batera, Africa Basque Challenge ekimenak martxan dauka bere urteko programaren bigarren edizioa. Kasu honetan, lantaldeak Euskadi eta Senegaleko gaztez osaturik daude eta helburutzat dute konponbideak sortzea landa eremuetako osasuna eta bizi-kalitatea hobetzeko.  Otsailaren hasieran Senegalen egin zen azken topaketaren ostean, lantaldeek urrunetik lanean jarraitzen dute euren proiektuak garatzen, turismo jasangarriarekin, uren saneamenduarekin eta arrantza industriarekin lotutako ideietatik abiatuta. Lantaldeak espero du proiektuen azken aurkezpena uztailean egin ahal izango dela, eta orduan aukeratuko dira lau proposamen irabazleak.

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?