David Carrascosa, Saitec Offshore Technologies enpresako Operazio zuzendaria.
I+G+B
Albisteak 19 urtarrila, 2022

Saitec Offshore Technologies, itsas energia eoliko flotatzaile berritzailea

SPRI Taldearen Hazitek programako laguntzak jaso dituen konpainia honek SATH teknologia probatuko du bi urtez Bizkaiko kostaldean
-

 

Saitec Offshore Technologies, Saitec euskal ingeniaritzaren filiala lanean ari da sare elektrikoari konektatuta egongo den Espainiako lehen plataforma eoliko flotatzailean, zeina Bizkaiko kostaldeko Armintzan instalatuko baita bi urtez proba fasean. Konpainiak SPRI Taldearen Hazitek programako laguntza bat jaso du proiektua garatzeko.

 

Hazitek programak euskal enpresen ikerketa industriala eta garapen esperimentala babesten ditu.

 

Saitec Offshore Technologies enpresa, 2016an sortua, Saitec ingeniaritzaren (diziplina anitzeko ingeniaritza bat hainbat arlo lantzen dituena: azpiegiturak eta telekomunikazioak, ingurumena, industria, energia, etab.) spin-off bat da. “Saitec beti egon da oso konprometituta I+G-rekin, eta konpromiso horretatik etorri da Saitec taldeko presidente Alberto Galdosek zuzentzen duen patentearen ernamuina”, azaldu du David Carrascosak, Saitec Offshore Technologies enpresako Operazio zuzendariak.

 

Aukera ikusi zuten konponbide teknologiko bat garatzeko itsas energia eolikoaren sektorerako, eta “2014an buru-belarri murgildu ginen proiektu horren garapen teknologikoan, Saitec taldeko I+G sailaren barruan. Hainbat urtetan eskalako entseguak, garapen numerikoak, ereduak, ikerketak eta lehen analisi ekonomikoak egin ondoren, 2016an abiarazi genuen Saitec Offshore Technologies negozio-unitatea”.

 

SATH (Swinging Around Twin Hull) izeneko patenteari esker –itsasoko haize-sorgailuentzako plataforma flotatzaile bat–, proiektu berritzaile bat garatu dute. Itsas energia eolikoaren sektorean bi teknologia multzo handi daude: lurrari ainguratuak eta flotatzaileak. Orain arte, garapen gehienak sakonera gutxiko tokietan egin dira, hots, 50 metrorainoko sakonerako lekuetan, “non bideragarria baita egitura finkoak instalatzea itsas zolan”. Saitec-en sistema flotatzailearekin posible da muga hori gainditzea, “egitura tinko mantentzen duen kate-sistema baten bidez”. Eredua oso aproposa da Espainiako kostalderako, “plataforma kontinental eskasa duenez berehala gainditzen baita 50 metroko sakonera”. Horregatik, itsas energia eolikoaren garapenak konponbide flotatzaileak behar ditu.

 

David Carrascosak dio Saitec-en teknologia disruptiboa dela, “sektorean inoiz ikusi gabeko geometria batean oinarritzen delako: altzairua barik hormigoia erabiltzen du eraikuntzarako material nagusi bezala. Horrek lehiakortasun handia ematen dio prezio aldetik (altzairuarekin alderatuta), eta gainera aukera ematen du tokiko enplegua sortzeko, inguruko enpresak inplikatzeko eta hornikuntza-kate osoa albait hurbilen izateko”.

 

Funtsean, eskuartean duten proiektuan (DemoSATH) “gehienez 25 km-ko erradioan dauden enpresei esleitu diegu eraikuntzako aurrekontuaren % 75”.

 

“Espainian sare elektrikoari konektatuta egongo den lehen plataforma eoliko flotatzailea izango da. Orain arte proiektu txikiak baino ez dira egin, eta ez dira egon sarera konektatuta”. Une honetan Bilboko Portuko dike batean eraikuntza fasean dagoen DemoSATH plataformaren funtsa izango da bi megawatioko potentzia duen haize-sorgailu bat ezartzea, 2.000 etxe inguruko kontsumoa asetzeko modukoa. Gero, plataforma hori Armintzako Bimep entsegu-eremuan instalatuko da. Azpiegitura hori Eusko Jaurlaritzak bultzatu zuen 2015ean, eta harrezkero, aukera ematen du itsaso zabalean entseguak egiteko, itsas energia atzemateko gailuen prototipoekin zein bestelako ekipamendu osagarriekin.

 

Plataforma flotatzaile honek (obretan dago Bilboko Portuan 2020ko azaroaz geroztik) 30 metroko erruna eta 64 metroko luzera du, eta urteko hirugarren hiruhilekoan instalatuko da Armintzan, kostaldetik bi milia ingurura.

 

“Proba pilotu bat izango da frogatzeko SATH teknologia bideragarria dela teknikoki. Etorkizunean parke komertzial handiagoetan parte hartu nahi dugu, eta Saitec dagoeneko lanean ari da horretarako”.

 

Kalitate eta kantitate

Carrascosak zehaztu du gaur egun dozena bat inguru itsas proiektu eoliko flotatzaile daudela munduan, eta defendatzen du energia eolikoa itsasora eraman behar dela, “batetik, baliabide eolikoaren kalitatea eta kantitatea handiagoak direlako, eta, bestetik, paisaian duen inpaktu bisuala txikiagoa delako. Lehorrean espazioa mugatuta dago. Itsasoan turbina handiagoak erabil daitezke, ez daudelako errepideetan garraioak dituen mugak. 15 megawatioko potentziak lortzen dira 100 metrotik gorako palekin, alegia, lehorreko energia eolikoa sortzen duten palak baino bi aldiz handiagoko piezak erabiliz”.

 

Estatuak ibilbide-orri berri bat onartu du berriki, “itsas energia eolikoa eta itsasoko energiak izenekoa, zeinak helburutzat baitu 2030erako instalatuta izatea itsas energia eolikoko 1-3 gigawatio arteko potentzia, eta hori onuragarria izan da energia mota honentzat, orain arte ez baitzegoen helburu itxirik. Dagoeneko bidea egiten ari dira legeriari eta itsasoko espazioaren antolamenduari dagokienez, itsas energia eolikoa sortzeko eremuak egon daitezen”.

 

Saitec Offshore Technologies enpresak 35 bat langile ditu gaur egun, eta “dagoeneko hasi gara jarduera komertziala eta berrikuntza eta garapen jarduera konbinatzen”. Hazitek laguntzaz gain, plataforma flotatzailearen proiektuak finantzaketa jaso du Saitec taldearen funts propioetatik, EEEk (Energiaren Euskal Erakundea) emandako dirulaguntzetatik eta Estatuko Berrikuntza Agentziatik (CDTI), eta inbertsio pribatua ere lortu du itsas energia eolikoaren sektorean lider den RWE enpresa alemanaren eskutik. ­­

 

Konpainiak etorkizunean daukan erronka nagusia da bere teknologia eskaintzea itsas parke eolikoen sustatzaile garrantzitsuenei, “SATH teknologia itsasoko parke handietan instalatu dadin”. Merkatuei dagokienez, “mundu osora iritsi nahi dugu, baina momentuz herrialde zehatz batzuei bota diegu begia: Frantzia, Erresuma Batua, AEBak, Japonia eta Korea, besteak beste”. Halaber, teknologia flotatzaile honi esker itsas energia eolikoaren merkatua “globalizatzea nahi genuke, nagusiki Europan eta Txinan zentratutako merkatua  izateari utzita”.

Lotutako albisteak

Jauregiren  esanetan,  Orona  EB2030  proiektua  “Eusko  Jaurlaritzan  garatzen  ari  garen  industria  politikaren  adibiderik  onena  da”

Jauregiren esanetan, Orona EB2030 proiektua “Eusko Jaurlaritzan garatzen ari garen industria politikaren adibiderik onena da”

Orona enpresak bere instalazioak handitu ditu, Hernaniko egoitzari "Estubegi" izeneko lurzati bat gehituta. 60.000 m2-ko lurzoru estrategikoa da, 30.000 m2-ko edukiera eraikigarria du eta egungo kokalekuen kokagune logistiko eta industrial berean integratuta dago. Horri esker, industria-gaitasunen kudeaketa globala harmonizatu ahal izango da, bai eta Oronak testuinguru globalean duen lehia-posizioaren lidergoa...

Euskadik  Estatuko  Bioteknologia  azokarik  garrantzitsuena  hartuko  du  2026an
09/10/2025 I+G+B

Euskadik Estatuko Bioteknologia azokarik garrantzitsuena hartuko du 2026an

Azoka antolatzeko lekukoa jaso dute gaur goizean Jaione Ganzarain, Eusko Jaurlaritzako Teknologia, Berrikuntza eta Eraldaketa Digitaleko Sailburuordeak eta Cristina Múgica, Bizkaiko Foru Aldundiko Lurralde Lehiakortasunerako eta Kanpo Sustapenerako zuzendariak

Ikusmen-ek  elikagaigintzako  eta  packaging-eko  kalitate-kontrola  aldatu  egin  du  AAn  oinarritutako  Ikusmen  Artifizialaren bidez

Ikusmen-ek elikagaigintzako eta packaging-eko kalitate-kontrola aldatu egin du AAn oinarritutako Ikusmen Artifizialaren bidez

Enpresaren konponbide automatizatuek aukera ematen dute produkzio-prozesu osoan begi-ikuskapena egiteko, lehengaitik hasita, azken ontziratzera.

“LEADERS IN TECH CONFERENCE”, azken teknologia eta berrikuntza  joeren topagune izango da berriro
03/10/2025 I+G+B

“LEADERS IN TECH CONFERENCE”, azken teknologia eta berrikuntza joeren topagune izango da berriro

INNOLAB Bilbaok apustu egin du teknologiaren eta berrikuntzaren inguruko erreferentziazko konferentziaren seigarren edizioaren alde

Tecnaliak  sentsore  kuantikoak  diseinatzeko  eta  fabrikatzeko  laborategi  aitzindari  bat  jarri  du  martxan
29/09/2025 I+G+B

Tecnaliak sentsore kuantikoak diseinatzeko eta fabrikatzeko laborategi aitzindari bat jarri du martxan

Quantum Lab azpiegitura erreferentzia da Europan, eta sentsore kuantikoak sortuko ditu diamante sintetikoetan oinarritutako teknologia batetik abiatuta

Eusko  Jaurlaritzak  ikerketa  industrialerako  aurrekontua  handitu  izana  lagungarria  da  muga-zergek  gehien  kaltetutako  sektoreentzat
18/09/2025 I+G+B

Eusko Jaurlaritzak ikerketa industrialerako aurrekontua handitu izana lagungarria da muga-zergek gehien kaltetutako sektoreentzat

Imanol Pradales lehendakariak sustatutako Industria Defendatzeko Taldean hartutako konpromisoa beteko da hala, eta, horren bidez, aurtengo lehen hiruhilekoan Hazitek programan aurkeztu diren proiektuak baino gehiago finantzatu ahal izango dira

Euskal  zentro  teknologikoek  Euskadiko  garapen  industrialean  duten  garrantzia  azpimarratu  du  Jauregik
05/09/2025 I+G+B

Euskal zentro teknologikoek Euskadiko garapen industrialean duten garrantzia azpimarratu du Jauregik

Industria, Trantsizio Energetiko eta Jasangarritasuneko sailburuak bereziki azpimarratu du TECNALIAk herrialdearen garapen teknologiko eta industrialarekin duen konpromisoa, Jesús Valero zuzendari nagusiarekin Gipuzkoako Parke Teknologikoan duen egoitzan egin duen bileran

Koreako  Jeollanam-do  probintziak  Euskadi  bisitatu  du  itsas  energia  eolikoan  eta  trantsizio  energetikoan  aukerak  aztertzeko
05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

Mikel  Jauregi  Industriako  sailburuak  Satlantis  enpresa  bisitatu  du;  satelite  espazialetan  espezializatutako  enpresa  da
04/09/2025 I+G+B

Mikel Jauregi Industriako sailburuak Satlantis enpresa bisitatu du; satelite espazialetan espezializatutako enpresa da

Satlantisek Leioako campusean du egoitza. Liderra da Lurra behatzeko teknologia miniaturizatuetan, eta handitze-fasean dago; fabrika berri baten proiektua du

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.