Robotika aurreratua, eraikuntzako lan-arriskuak murrizteko
Tecnalia euskal korporazio teknologikoak koordinatutako europar enpresa eta unibertsitateen talde bat altuera handiko eraikinen muntatze eta mantentze lanetarako kable-robota garatzen ari da
Langileen segurtasuna hobetu, kostu ekonomikoak murriztu, muntaketaren kalitatea bermatu eta mantentze-lanak egiten ditu. Horiexek dira Tecnalia korporazio teknologikoa buru duen europar partzuergoa garatzen ari den Hephaestus izeneko soluzio robotiko aurreratuaren abantailetako batzuk.
Robotak forjaketaren jainko grekoaren izena darama eta fatxadak instalatu eta mantentzeko eraikuntza-prozesuaren automatizazioa hobetzea du helburu, robotika eraikuntza sektorean sartzeaz gain, betiere amaierako produktuen kalitatea areagotu, instalazioa bizkortu eta arriskuak murrizteko asmoz.
Soluzioa kristalez estalitako Iberdrola Dorrean eta antzeko etxe orratzetan dauden gortina-hormako fatxadetan mugitu ahal izago da, eta bost urtetan merkatuan izango dela aurreikusi dute.
