Euskal enpresaren blog-a Zure enpresarentzat garrantzitsua den eguneroko informazioa

17 Marzo, 2021
Mugikortasun autonomoa aurrera doa Europako 5G META proiektuari esker

Vicomtechek koordinatuta, 5G teknologiak bultzatzen dituen proiektua da eta automobilen sentsoreek sortutako eta hartutako datuak bideratzea du helburu, mugikortasunaren sektorean negozio-eredu berriak sortzeko

Automobilek lortutako datuei ahalik eta etekinik handiena atera eta mugikortasun autonomorako produktu eta zerbitzu berritzaileak sustatu ahal izateko helburuarekin, abian da 5G META , Vicomtech enpresak koordinatutako proiektua. Lau herrialdetako (Espainia, Frantzia, Italia eta Belgikako) 11 bazkidek osatutako partzuergo batek osatzen du, eta Europar Batasunaren Horizonte 2020 ikerketa eta berrikuntza programak finantzatzen du.

Ekimen honen helburua 5G sarearen funtzioak zabaltzea eta mugikortasun aplikazio konektatu eta automatizatuen garapenean laguntzea da. Aplikazio horiek datuak izango dituzte ardatz bezala, zerbitzu berriak antolatuko dituzte eta mugikortasunaren sektoreko ekonomia bultzatuko dute. Horrez gain, eragile berriak ere bultzatuko dira, hala nola enpresa txiki eta ertainak eta goi-teknologiako enpresa sortu berriak.

5G META proiektua plataforma telematiko malgu bat sortzean oinarritzen da, automobilek sortutako eta hartutako datuak automobilgintzaren industriako enpresetara bideratzeko, enpresa tradizionalenetara zein sortu berrienetara. Eta produktu eta zerbitzu berritzaileak suspertu, erraztu eta sustatuko ditu, mugikortasun autonomoaren industria gero eta handiagoa izan dadin.

Proposatzen den berrikuntza hiru zutabe nagusitan oinarrituta dago. Alde batetik, datuetan oinarritutako produktuen berrikuntza. Nabarmentzekoak dira ekosistema digital baten bidez eskuragarri dauden produktuen hobekuntza eta gehikuntza, konektatutako automobilen sentsoreen datuak erabiliz gauzatzen direnak. Gainera, datuaren beraren erabilera sustatzen da produktu gisa, publizitaterako informazio prozesagarria, kokapenean oinarritutako zerbitzuak, gomendio-sistemak eta iragarpenak berreskuratzeko balioen analisiaren bidez.

Bigarrenik, datuetan oinarritutako berrikuntza dago, enpresa-prozesuen berrikuntza barne hartzen duena. Horrek, adibidez, aukera ematen die enpresei I+G arloko barne-prozesuak optimizatzeko. Azkenik, datuetan oinarritutako negozio-ereduaren berrikuntza dago, hala nola bezeroarentzat balioa sortzeko metodo berriak sortzea eta enpresarentzat balioa erregistratzeko modu berritzaileak sortzea (moneta).

Negozio-eredu berriak

Horrela, datuen kudeaketak (sortze-prozesuak, prestaketak eta erabiltzeak) eragin zuzena izango du balio-katean eta negozio-ereduetan mugikortasunaren ingurunean. Hala, negozio-eredu berriak sortuko dira, datu-sortzaileentzat eta kontsumitzaileentzat balioa sortuko dutenak. Eredu horietako diru-sarrerak emandako zerbitzuen zuzeneko monetatik edo aplikazio berritzaileen integraziotik datoz.

Beste aukera bat produktuaren optimizazioa da, automobilgintzaren sektoreko eragileek izango duten kostu-murrizketari esker. 5G teknologiei esker, enpresek errepikapen laburragoak eta eraginkorragoak garatuko dituzte zerbitzuen diseinuan eta prestakuntzan. Eta, azkenik, beste erabiltzaile eta erakunde publiko batzuekiko segurtasuna eta babesa handitzea, esku hartzeko denbora nabarmen murriztuz.

“5GMETA proiektuak automobilgintzaren ekosistema ahaldunduko du, agente industrialetatik hasi eta enpresa berrietaraino jarraituz, hala nola enpresa txiki eta ertainak eta sortzen ari diren enpresa erabat teknologikoak. Izan ere, horiek automobilek harrapatutako datu elkarreragileetarako sarbidea izango dute, datuen lizentziak betez. Datuak eskuratzeak zerbitzu garrantzitsuekin lotutako aukera eta negozio-eredu berriak sortuko ditu “, nabarmendu du Oihana Otaeguik, Garraio adimenduneko Sistemen eta Vicomtech Ingeniaritzako zuzendari eta proiektuaren koordinatzaileak.

Vicomtech, proiektua koordinatzeaz gain, 5G-n oinarritutako end-to-end IoT plataformaren garapenean ere zentratuko da, sentsore berrien eta gidatze autonomoaren funtzionalitateen garapenari euskarria emateko. Horiek, aldi berean, mugikortasun konektatuko eredu eta zerbitzu berriak lagunduko dituzte.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

IKTak 9 apirila, 2021
Bere egokitzeko gaitasunari esker Herrekor indartuta aterako da pandemiatik

Herrekor ingeniaritza-enpresa familiarrak Gipuzkoako Astigarragan du egoitza 1978tik. Urte hartan...Leer más

IKTak 8 apirila, 2021
Skura Mobile: “Garrantzitsua da herritarrak ahalduntzea teknologia berrien esparruan”

Konektagarritasunarekin eta datu-transmisioarekin lotutako teknologiek gero eta garrantzi handiagoa...Leer más

IKTak 30 Marzo, 2021
Eusko Jaurlaritzak 1.400 milioi euro bideratuko ditu Euskadiko eraldaketa digitala sustatzeko modu sinergikoan eta proaktiboan

  Eusko Jaurlaritzak gaur egindako Gobernu Kontseiluan “Euskadi 2025 Eraldaketa...Leer más

IKTak 29 Marzo, 2021
AgaIntelligent enpresak etxeko segurtasun-produktu berri bat eskaintzen du, sartu-irten guztiez abisatzen duena

  AgaIntelligent euskal enpresak etxeko segurtasun-produktu berri bat sortu du. Sentsoreak eta...Leer más

IKTak 24 Marzo, 2021
EKIN, aurrerapausu bat lengoaia-naturalaren eta industria-makinen arteko interakzioari begira, baita euskaraz ere

Adimen artifizialeko teknologia aurreratuetan oinarritutako lengoaia naturaleko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?