Mikel Jauregi sailburuak makina-erremintaren sektorea bisitatu du, euskal ekonomiarentzat funtsezkoa den industria
- Makina-erremintaren eta fabrikazio aurreratuaren sektorea jarduera estrategikoa da Euskadiko industria osoaren lehiakortasunerako eta etorkizunerako, eta esportazioen zifra errekorrarekin (894 milioi eurorekin) itxi zuen 2023a
Industria, Trantsizio Energetiko eta Jasangarritasuneko sailburu Mikel Jauregik, Industriako sailburuorde Andoitz Kortarekin, Teknologia, Berrikuntza eta Eraldaketa Digitaleko sailburuorde Jaione Ganzarainekin eta SPRI taldeko zuzendari nagusi Aitor Urzelairekin batera, fabrikazio aurreratuaren sektorea bertatik bertara ezagutu du, makina-erremintaren sektoreko funtsezko zenbait enpresa bisitatu baititu. Goizean zehar FAGOR AUTOMATION, GURUTZPE, DANOBATGROUP eta IDEKO enpresen instalazioak ikusi ahal izan dituzte.
Jardunaldia Fagor Automationen Eskoriatzako instalazioetan hasi da. Fagor Automation enpresa liderra da CNC sistemak, kodetzaile lineal eta angeluarrak eta produkzio-instalazioak digitalizatzeko softwarea fabrikatzen. Sailburua José Pérez Berdudek hartu du, AFMko presidente eta enpresako eta bere taldeko CEOak. Xabier Ortueta AFM Clusterreko zuzendari nagusiak fabrikazio aurreratuaren eta makina-erremintaren sektorearen aurkezpen bat egin du, eta aurkezpen horretan egungo egoera eta etorkizuneko erronka nagusiak aztertu ditu. Ondoren, Jauregi sailburuak eta ordezkaritzako gainerako kideek kodetzaileak fabrikatzeko instalazioa bisitatu dute.
Hurrengo geldialdia Gurutzpen izan da, Itziarren. Nazioarteko erreferenteetako bat da errendimendu eta doitasun handiko funtzio anitzeko tornu horizontal handien fabrikazioan. Tornu horiek konplexutasun eta konpromiso handiko piezetarako dira. Elías Badiola Gurutzpeko zuzendari nagusiak Jaurlaritzako ordezkariak hartu eta gidatu ditu instalaziora egindako bisitan.
Ondoren, Industriako sailburua Elgoibarrera joan da Danobatgroup eta Ideko enpresen instalazioak bisitatzera, eta taldeko zuzendari nagusi Nerea Arangurenek hartu du, Danobateko eta Idekoko taldearekin batera. Besteak beste, fresaketa, torneaketa eta artezketako teknologietan fabrikazio- eta automatizazio-soluzio aurreratuen diseinuan eta eraikuntzan espezializatutako talde industrial nagusietako bat da Danobatgroup. Ideko, bestalde, fabrikazio aurreratuan oinarritutako zentro teknologiko bat da, eta lan-ildoak ditu doitasunezko diseinu eta ingeniaritzaren, produkzio-prozesuen, dinamika eta kontrolaren, digitalizazio eta automatizazioaren eta abarren arloetan.
“Makina-erremintaren eta fabrikazio aurreratuaren sektoreak ondo erakusten du Euskadi Europan berrindustrializazioaren punta izan daitekeela. Estatuan makina-erremintan egiten diren negozioen ia hiru laurdenak (% 72) Euskadin sortzen dira, eta horrek erakusten du potentzial ikaragarriko industria duen herrialde txiki bat garela”, baloratu du Mikel Jauregi sailburuak. “Eusko Jaurlaritza Industria Plan berri bat lantzen ari da, Euskal Herriko ekosistema ekonomiko osoa inplikatuko duena: ehun enpresariala, teknologikoa, zientifikoa eta finantzarioa; erakundeen, klusterren eta gizarte-eragileen babesarekin. Ziur gaude gure industriak behar besteko gaitasuna duela Euskadi Europako industria-berpizkundearen erreferente izan dadin. Gure apustua argia da: industria gehiago, industria hobea eta emisio gutxiago”.
Makina-erreminta sektore estrategikoa eta bultzatzailea da gainerako industria-sektoreen lehiakortasunerako eta garapenerako. Sektore horien artean daude, besteak beste, automobilgintza, aeronautika, energia edo trengintza. Fabrikazio aurreratua, gainera, Euskadiko eragile ekonomiko nagusietako bat da, bai BPGd-ari egiten dion ekarpenari dagokionez, bai herrialdeko enpleguari dagokionez. Esportatzeko bokazio handia izateaz gainera, sektoreko enpresak nabarmentzen dira oso maila teknologiko altuagatik. Enpresa horiek espezializatu diren aplikazioetan munduko abangoardian kokatzen ditu horrek. Fabrikazio aurreratuaren inguruko industria-ehun trinkoa osatzen dute makina-erreminten, osagaien eta erreminten fabrikatzaileek, mekanizatzaileek, digitalizazioko eta automatizazio industrialeko adituek, zentro teknologikoek eta hezkuntza-komunitateak. Horiek ekosistema aparta osatzen dute, eta Euskadi fabrikazio aurreratuko eskualde erreferente gisa kokatzen dute maila globalean
Informazio gehiago Irekian: https://www.irekia.euskadi.eus/eu/news/95681
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.