Euskal enpresaren blog-a Zure enpresarentzat garrantzitsua den eguneroko informazioa

25 apirila, 2018
Mª Ángeles Martín ingeniaritza aeronautikoko adituak irabazi du Ada Byron saria

Mª Ángeles Martín Prats, Deustuko Unibertsitatearen irudia.

 

Deustuko Unibertsitateak bultzatzen du sariketa hori

Emakume Teknologoarentzako Ada Byron sariketak bosgarren edizioa bete du aurten, eta Mª Ángeles Martín Prats izan da saritua, Sevillako Unibertsitateko Teknologia Elektronikoko irakasle titularra. Urteroko sariketa horren helburua da ikusgarri egitea emakume teknologoek Estatuko aurrerapen zientifikoan duten paper garrantzitsua.

 

Duela 15 urtetik, Martín Prats irakaslea ikerketa aeronautikoko zuzendaria da Sevillako Unibertsitateko Teknologia Elektronikoko Taldean. Bere ibilbide profesionalean aipatzekoak dira abionikaren arloan egin dituen lanak eta aeronautikan aplikatzen diren sistema elektronikoekin eginikoak; horrez gain, 70etik gora proiektu industrialetan eta ikerketa proiektutan parte hartu du.

 

2011n Skylife Engineering spin-offa sortu zuen, unibertsitateko ikerketa taldean sortzen diren ezagutzak eta teknologiak industriara transferitzeko, bestalde, Europako Pegasus bikaintasun aeroespazialeko sarearen koordinatzailea da Sevillako Unibertsitatean. Bere curriculum zabalari esker, Espainiako eragin handieneko 100 emakumeen zerrendarako aukeratua izan zen 2014 eta 2015 urteetan, eta lehen 10 postuetan sartu zen Akademiko eta Ikerlarien kategorian.

 

Emakume Teknologoarentzako Ada Byron sariketa 2014an egin zen lehen aldiz, eta helburu hirukoitza du: ikusgarritasuna ematea Estatuko emakumezko profesional teknologo garrantzitsuenei, zientziarako bokazioak sustatzea belaunaldi berrien artean, batik bat, nesken artean, eta, azkenik, jendeari erakustea zein garrantzitsuak diren teknologiak gure gizarteak aurrera egin dezan. Saria 3.000 eurokoa da eta Bizkaiko Foru Aldundiaren, IK4ren eta Emakunde – Emakumearen Euskal Erakundearen babesarekin eta Innobasque eta Basque BioCluster zentroen laguntzarekin banatzen da. Sari-banaketa ekitaldia apirilaren 16an izango da ForoTech ekitaldian, hots, Deustuko Unibertsitateko Ingeniaritza Fakultateak urtero antolatzen duen teknologiei buruzko topaketan.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?