Logistika eta garraiorako soluzio teknologikoak
Primafrío enpresak eta Tecnalia korporazio teknologikoak lankidetza akordioa sinatu dute, garraio eta logistikaren arloan I+G proiektuak abiarazteko
Harreman komertzialak gero eta irekiagoak eta gero eta nazioartekoagoak diren honetan, garraioa eta logistika oro har giltzarrizko sektoreak dira lehiakortasuna, segurtasuna nahiz energia-eraginkortasuna hobetzen lagun ditzaketen teknologia berritzaileak aplikatu ahal izateko.
Egoera honetan, barazki eta fruten garraioan diharduen Primafrío enpresak eta Tecnalia korporazio teknologikoak lankidetza-akordioa sinatu dute, garraio eta logistikari zuzendutako zenbait ikerketa-ildo bultzatu eta I+G arloko proiektuak abian jartzeko asmoz.
Izenpetutako hitzarmenaren arabera, automatizazioari, monitorizazioari eta energiaren optimizazioari dagozkien ekimenak sustatuko dira merkantziak lantzen diren nodo logistikoetan edo kokapen fisikoetan.
