Leartikerrek giza ehun bioartifizialak sortzeko gai den 3D inprimaketako gailu bat garatuko du
CARDIOPRINT joan den urtarrilean jarri zen abian Iruñean egin zen aurkezpenarekin. Proiektu berri hau Nafarroako Unibertsitateak (UNAV) lideratzen du eta 5 bazkidek parte hartzen dute, Leartikerrez gain: Universidad de Zaragoza (UNIZAR), Instituto de Bioingeniería de Cataluña (IBEC), Asociación CIC nanoGUNE, Nadetech Innovations eta Fundación para la Investigación Biomédica Hospital Gregorio Marañón (FIBHGM). CardioPrint proiektua Europar Batasuna-NextGenerationEU-k finantzatzen du, Estatuko Ikerketa Agentziaren (AEI) bidez.
Kardiopatia iskemikoa da heriotza-kausa nagusia Europar Batasunean, eta, horregatik, ahalegin handia egiten da gaixotasun horrentzako konponbideak bilatzeko. Medikuntza birsortzaileak, terapia zelularrak eta bihotz-ehunaren ingeniaritzak (cTE) arrakastarik gabeko emaitzak eman dituzte tamaina handiko animalia-ereduetan edo giza eskalan, eta hortik sortu da honelako proiektu bat sortzeko beharra.
CardioPrint proiektuak 3D inprimaketaren, biomaterialen eta zelula amen azken berrikuntzen garapena uztartzen ditu. Bere helburu nagusia biofabrikazioaren alorrean aurrera egitea da, giza eskalan bihotzeko ehun terapeutikoak sortzeko gai den fabrikazio gehigarriko teknologia multifuntzional berri bat garatuz.
Ehun horiek sortzeko, Leartikerrek modelatu konputazionalaren bidez inprimatuko diren hidrogel kardio-mimetikoak garatuko ditu, inprimatu beharreko egitura diseinatzeko helburuarekin. Zentro teknologikoak bioerreaktore baten (BioHeart) diseinuan eta garapenean ere lan egingo du. Bertan, bihotzeko ehunak onduko dira txerri-bihotzera transplantatu aurretik.
Leartiker eta OSASUNA espezializazioa
Leartikerreko Polimeroen Teknologiaren OSASUNA espezializazioan material polimeriko biobateragarri berriak garatzen dituzte gailu medikoetan erabiltzeko. CardioPrint proiektuaz gain, osasun alorreko ikerlariek Europako beste bi proiektutan murgilduta dago, ehunen ingeniaritza eta fabrikazio gehigarriko teknologiak ere uztartzen dituenak: Cardiopatch eta LGMed.
Cardiopatch miokardio-infartuen tratamendu berriak bilatzen
Cardiopatch proiektuak miokardio-infartuaren tratamendurako bide berriak ireki eta pazienteen bizi-kalitatea hobetuko duten irtenbideak eman nahi ditu. Nafarroako Unibertsitatea Klinikak gidatzen du eta bederatzi erakundek parte hartzen dute, kardiologian, terapia zelularrean, nanoteknologian, 3D inprimaketan, bioingeniaritzan eta transferentzia teknologikoan espezializatuta daudenak.
Beraien lana adabaki “adimentsu” bat garatzea da, bihotzekoak kaltetutako ehunak birsortzeko gaitasuna izango duena. Gainera, Leartikerreko lantaldeak beste bi produktu mediko garatzen dihardu: 3D gailu bilgarri bat, pazienteari adabakia egungo terapiek baino modu ez hain inbaditzailean ezartzen laguntzeko eta bere ekoizpena orokortzeko eta garraioa errazteko 3D sistema bat.
LGMed polimeroak osasun eremurantz dibertsifikatzen
LGMed mugaz bestaldeko europar lankidetza proiektua da eta bere helburu nagusia Aquitania-Euskadi-Navarra herrialdeko polimeroen enpresen dibertsifikazioa osasun eremurantz hobetzea da, medikuntzako gailuen 4 prototiporen garapena sustatuz. Gailu horiek osasun-sektorearen benetako premia bati erantzungo diote, eta proiektura atxikitako enpresek etorkizunean merkaturatu ahal izango dituzte, ikerketaren emaitzak merkatura iritsi ahal izateko.
Leartiker zentro teknologikoak lideratzen du proiektu hau beste bost bazkiderekin batera: Clínica Universitaria de Navarra (CUN), Centre Hospitalier Universitaire (CHU Toulouse), Asociación de la Industria Navarra (AIN), Cámara de Comercio de Bayona (CCIBayonne) eta Universidad de Pau (UPPA).
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.