iClimabuiltek isurketarik gabeko eraikin bat lortu nahi du, bustitzen ez den zementu batekin edo beira autolipagarri batekin

Zero emisio-maila duten eraikin berriak lortzea da iClimabuilt proiektuaren helburu nagusia. Hala, 2021eko martxoan hasitako lan baten ondoren, leihoetako beirak eta zelula fotovoltaikoak sortu dira, gainazalean zikinkeria pilatzea eragozten duten eraikinetan edo bustitzen ez den zementu batean. 

Hain zuzen, CIDETEC Surface Engineering da, zentro teknologikoak dioenez, “elementu horietan erabiltzen diren estaldura omnifobikoak formulatu, optimizatu eta aplikatzeko arduraduna”. Estaldura horiek eskala errealean probatuko dira, pintura-kabina behar bezala aplikatu ondoren. 

Une honetan, proiektuaren iraupen osoaren erdia baino gehixeago bete denean, kideek hainbat prototipo garatzen ari dira, egindako ikerketak probatzeko. 

Probak hainbat klimatan

Kasu bakoitzerako CIDETECek optimizatutako garapenarekin estalitako prototipoek entseguak egingo dituzte. Zentro teknologikoak nabarmendu duenez, “baldintza errealetan, proiekturako instalatutako ‘living labs’-ak dauden lekuetan, Trondheimen (Norvegia) klima nordikoan, Ampostan eta Manresan mediterraneoan eta Alemaniako Dresde euritsuan”. 

Prozesu horren barruan, CIDETEC Surface Engineeringek 3 metro koadroko beira estali du pintura-kabinan formulazio omnifobikoa erabiliz. Zentroak azaldu duenez, “pintura-robot automatiko baten bidez, eskala erdiindustrialean, estaldura omnifobikoak jalkitzen dira, gainazaletako zikinkeria errazago kentzeko eta ura aldaratzeko”. 

iClimabuilt proiektuaren barruan garatutako prototipo hori eta gainerako prototipoak probatu ondoren, horien eraginkortasun energetikoa ebaluatuko da eta gaur egun dauden soluzioekin konparatuko da, haien eraginkortasuna frogatzeko. 

Proiektuak 16 milioi euroko inbertsioa du, eta Europar Batasuneko HORIZON 2020 programak finantzatu du. 16 ikerketa-zentro garrantzitsuk eta 11 ETEk osatzen dute partzuergoa. National Technical University of Athens (NTUA) da horren buru eta eta CIDETEC da euskal bazkide bakarra. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu. 

Lotutako albisteak

14 maiatza, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

10 maiatza, 2024 I+G

Azkartu proiektuak etorkizuneko industriaren konektibitatean aurrera egitea du helburu

Irakurri gehiago

9 maiatza, 2024 I+G

CIC nanoGUNEk deialdi berri bat jarri du martxan: Ikertzaileak industriarekin lankidetzan

Irakurri gehiago

9 maiatza, 2024 I+G

AutoTrust proiektuak AAren funtzionamendu segurua bermatu nahi du mugikortasunean

Irakurri gehiago

25 apirila, 2024 I+G

3R teknologia tren arinagoak eta iraunkorragoak eraikitzeko

Irakurri gehiago

Joan blog-era