Ibarmia: “Abangoardian egoteko eta prestazio handiko makinen fabrikazioan erreferente izateko lan egiten dugu”
Ibarmia enpresak Azkoitian du egoitza nagusia eta makinak eta erremintak fabrikatzen ditu. 1953an sortu zenetik, asko hazi eta eboluzionatu egin da bezeroari egokitutako mekanizazio-zentroen eta soluzio teknologiko aurreratuen proposamenean nazioarteko erreferente bihurtuz. Arrate Olaiz enpresako berrikuntza-zuzendariaren hitzetan, “produktuak digitalizatu, automatizatu eta pertsonalizatzearen aldeko apustuari zor zaio bilakaera hori”.
Bezero nagusien artean, industria-sektore askotakoak nabarmentzen dira, batez ere zehaztasun eta teknologia aurreratu handia behar dutenak, hala nola sektore aeroespaziala, automotriza, trenbidea, energia eta makineria industriala. Konpainia horiek, oro har, Ibarmiara jotzen dute soluzio pertsonalizatuen eta oso malguen bila. Olaizek dio: “Proiektu bakoitza inplikazio handiarekin lantzen dugu, makina batean oinarritutako soluzio osoaren diseinu eta fabrikaziotik hasi eta salmentaren zerbitzuraino, bezeroaren gogobetetasuna epe luzera bermatzen duen laguntza integrala eskainiz”.
Horrela, urteak igaro ahala, konpainia sendotu egin da nazioarteko sektorearen barruan Alemanian eta Txinan dituen merkataritza-bulegoei eta Txinan duen ekoizpen-plantari esker. “Gaur egun, gure ekoizpen-plantak berdintasun aukerak sustatzen duten laborategi argitsuen antz handiagoa dute tailer ilun, zikin eta zaratatsuena baino”, ziurtatzen du Olaizek.
Hala ere, Ibarmiak puntu hori lortu ahal izateko, ezinbestekoak izan dira bere taldearen konpromisoa eta dedikazioa eta berrikuntza teknologikoaren aldeko apustu handia, Olaizen hitzetan, lehenengoak “enpresaren benetako motorra” eta bigarrena “enpresaren ardatz nagusia” dira eta. Teknologiaren aldeko apustu hori posible izan da SPRI Taldearen Hazitek eta Basque Industry 4.0 programei esker, funtsezkoak izan baitira I+Gko hainbat proiektu finantzatzeko eta haien irtenbideetan teknologia berriak aplikatzeko. Era berean, Fast Track Innobideak ekimen berriak berrikuntza proiektuen garapena bizkortzeko aukera emango dio Ibarmiari.
Hortaz, konpainiak bere makinetan adimen artifiziala, prozesuen digitalizazioa eta teknologia jasangarrien erabilera integratzea lortu du, ekoizpena optimizatzeko eta lehiakortasuna hobetzeko. Hori guztia bezeroen beharrei erantzuteko diseinatutako makineria-lerroei aplikatuta (horien artean, Z, T eta C serieak nabarmentzen dira), mekanizazioaren zehaztasunean, malgutasunean eta produktibitatean oinarrituta. “Erraldoi handiekin lehiatzen garen sektorearen abangoardian egoteko eta prestazio handiko makinen fabrikazioan erreferente izateko lan egiten dugu”, adierazi du Olaizek.
Etorkizunari begira, Ibarmia enpresaren hazkundean zentratuta dago, berriki ‘Modig Machine Tool Swedenekin’ egindako aliantza estrategikoari esker. Berrikuntzako zuzendariaren esanetan, “akordio honek gure garapen-, fabrikazio- eta merkaturatze-gaitasunak indartzen ditu, eta Azkoitia bikaintasun-zentro gisa sendotuko du makinen diseinuan eta eraikuntzan”.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Ormazabalek 20 milioi inbertitu ditu Igorreko lantegian bere industria ahalmena handitzeko
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da