FOAM2FOAM ekimenak birziklatze kimikoa aplikatzen die poliuretano-hondakinei, lehengai berriak lortzeko
Basque Research & Technology Alliance (BRTA) erakundeko kide den Gaiker Zentro Teknologikoak FOAM2FOAM proiektuan parte-hartu du. Proiektu horren helburua poliuretanoaren (PU) bizi-zikloan ekonomia zirkularra ezartzea da, polimero moldakorrenetako bat baita, eta aplikazio, sektore eta forma ugaritan presente dago. Izan ere, hondakin ugari sortzen ditu erabilgarriak ez direnean, hainbat sektoreetan, hala nola eraikuntzan eta eraispenetan, erabiltzen ez diren ibilgailuetan edo tresna elektriko eta elektronikoetan.
Hondakin horiek, ohi bezala, birziklatze-ratio oso txikiak izan dituzte, birziklatze mekanikoaren bidez eta balio erantsi txikiko aplikazioetan. Baina azkenaldian birziklatzea premiazkoagoa bihurtu da hainbat arrazoirengatik, hala nola lehengaien prezio altuagatik, zabortegien itxieragatik, hondakinen ezabatze-tasen igoeragatik, lege-arau gero eta zorrotzagoengatik eta gizarte-kontzientziazio handiagoagatik. Eta egoera horretan agertu da FOAM2FOAM.
Proiektua hiru enpresaren (Titan Recycling Solution, proiektuaren liderra, Arcesso Dynamics eta AMB Elektronika) eta bi zentro teknologikoren (Zamudion kokatutakoa eta Aimplas, Plastikoaren Institutu Teknologikoa) arteko lankidetzarekin garatu da, eta 2017ko Retos-Lankidetza deialdiaren bidez finantzatu da.
Produktu iraunkor berriak
Proiektuaren helburua poliuretanoaren hondakinen alternatiba bideragarri bat garatzea da, teknikoki, ekonomikoki eta ingurumenaren aldetik, zabortegian ez bukatzeko. Horrela, produktu jasangarri berriak eman zaizkio balio-kateari, eta, beraz, lehengaien eta baliabideen kontsumoa murriztu da.
Euskal zentro teknologikoak planteatutako helburua poliuretanoaren bizi-zikloan ekonomia zirkularraren kontzeptua ezartzea da, zero hondakineko ekonomian aurrera egiteko. Hori birziklapen kimikoko prozesu bideragarri bat garatuz eta oinarri poliuretanoko pieza berrien fabrikazioan gerora sar daitezkeen kalitatezko produktu berriak garatuz lortu nahi da.
Gaikerrek hainbat fasetan lan egin du proiektu honetan zehar. Alde batetik, industria-ondoko eta kontsumo-ondoko hondakinen laginak egokitzeko eta karakterizatzeko lanak egin ditu. Glikolisi-erreakzioen prozesuak ere gauzatu ditu, hau da, zelularen barruko erreakzio kimikoen multzoa, azukre batzuk degradatzen dituena, eta prozesuan energia lortzen duena, laborategi-eskalan lagin desberdinetara, bai eta planta pilotura eskalatzea ere.
Eta, azkenik, bizi-zikloaren azterketa (BZA) sinplifikatua egin du, poliuretano-hondakinen birziklatze kimikoaren prozesuaren ingurumen-profila glikolisi katalitikoaren bidez ebaluatzeko eta ingurumen-alderdi nagusiak identifikatzeko, ingurumen-inpaktua minimizatzeko estrategiak ezarrita.
FOAM2FOAM proiektuak aurreikusitako helburuak lortu ditu, poliuretanoaren birziklatze- eta balorizazio-maila altuagoak lortuz poliole zirkularrak garatuz. Horrela, poliuretano-hondakinak birziklatzeak eta balio handiko baliabide bihurtzeak produktuaren bizi-zikloari jarraipena ematen dio, zabortegia saihestuz. Horrek esan nahi du aurrerapena dagoela baliabideen aprobetxamenduaren eta kontserbazioaren hobekuntzan, lehengaiak berreskuratuz, bai eta klima-aldaketaren eraginak, isuriak eta emisioak murriztuz.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.