Euskal enpresaren blog-a Zure enpresarentzat garrantzitsua den eguneroko informazioa
Elkarrizketak 16 ekaina, 2022 I+G

“Euskal industria gai izango da produktu disruptiboak garatu eta industrializatzeko, energia biltegiratzeari dagokionez”

CICe2020 Elkartek proiektuaren emaitzek (% 100 euskal zentro eta erakundeek bultzatutakoa, horietatik bost BRTAko kideak) agerian uzten dute euskal ekosistemaren ahalmen handia.
Montse Casas CIC energiGUNEko koordinatzaile zientifikoa.

SPRI taldearen Elkartek programak finantzatutako CICe2020 proiektuak aurrera egiten du energia biltegiratzeko teknologietarako materialen garapenean, litio-ioneko baterien alternatibak. Abian jarri zenetik bi urte igaro ondoren, berau bultzatzen duten zentro eta erakundeak, guztiak euskaldunak, emaitza garrantzitsuak lortzen ari dira

CIC energiGUNE da buru, energiaren biltegiratzean erreferentea den euskal ikerketa-zentroa eta Basque Research & Technology Alliance (BRTA) erakundeko kidea. BRTAko beste lau kide gehitu zaizkio: Tecnalia, Tekniker, Ikerlan eta Cidetec. Gainera, proiektuan UPV/EHU, Mondragon Unibertsitatea eta BERC Polymat zentro gipuzkoarrak ere lan egiten dute.

Elkarrekin lan egin duten urte hauetan, emaitza garrantzitsuak lortu dira energia biltegiratzeko teknologien egungo esparrua gainditzeari lotutako lau ikerketa-ildo oparotan. Horrek trantsizio energetiko globalaren prozesua erraztuko luke. Izan ere, CICe2020ren helburuen artean dago biltegiratze egonkorrerako litio-ion bateriak baino iraunkorragoak diren aukera teknologiko desberdinak eskaintzea eta biltegiratze termikoko egungo teknologiak hobetzea.

Montse Casas CIC energiGUNEko koordinatzaile zientifikoaren arabera, “emaitzek berresten digute epe ertainean euskal industria gai izango dela biltegiratze egonkorrarekin lotutako produktu disruptiboak garatu eta industrializatzeko. Gainera, proiektu honek agerian utzi du euskal ekosistemak ahalmen handia duela; izan ere, zortzi euskal erakundek garatu dugu, eta horietatik bost BRTAko kide gara”.

Aurrerapen garrantzitsuak lortu dira, baita emaitza berritzaileak lau ildo ezberdinetan. Horietatik hiru egungo litio-ion baterien teknologiaren alternatiba eraginkorra bilatzeari dagozkio, nazioarteko merkatuan aukera nagusia baita. Hala ere, euskal zentroak defendatzen du “zenbait erronka teknologiko, ekonomiko eta ingurumenekoak ezkutatzen dituela, Europako garapen-helburuekin talka egiten dutenak”.

Ildo horien artean dago, adibidez, metal-aireko baterietarako materialen garapena, oxigenoaren aplikazioan oinarrituta. Horiek energia-dentsitate handia eta abantailak dituzte ingurumenaren eta baliabideen erabileraren ikuspegitik, eta katodoak lortzea eta kalterik egiten ez duen elektrolito bat garatzea eragiten dute. “Ikerketek aurrerapen nabarmenak lortu dituzte, bai sodio-airea konbinazioan, bai zink-aire formatuan”.

Bestalde, laugarren lerroa biltegiratze termikoko teknologietan zentratu da bereziki, elektrizitatea sortzeko eta beroa eta hotza sortzeko sektoreek ikatzik gabeko ekonomia baterako eraldaketan paper garrantzitsua betetzen dutela oinarri hartuta. “Eremu honetan egindako lanaren helburua da biltegiratze termikorako fase solido-solidoa aldatzeko materialen belaunaldi berri bati atea irekitzea, etorkizunean etxeko edo industriako bero-ponpetarako biltegiratze termikoko sistema berriak garatzen laguntzeko, eta, horrela, beroaren elektrifikazioan aurrera egiteko. Ondorioz, biltegiratze-andelen bolumena eta horien inbertsio-kostuak nabarmen murriztuko dira”.

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.

Elkarrizketak 29 uztaila, 2022 I+G
EKIN, Zornotzako enpresa bat liderra dena automobilgintzaren eta turbinen sektorerako brotxen fabrikazioan
Irakurri gehiago
Elkarrizketak 27 uztaila, 2022 I+G
CTECHnano: “Gure bezeroek beren materialaren portaera hobetu edo alda dezakete gure teknologiaren bitartez”
Irakurri gehiago
Elkarrizketak 21 uztaila, 2022 I+G
Euskal enpresek 1,1 milioi euroko laguntzak izango dituzte teknologia digital eta jasangarriak aplikatzeko
Irakurri gehiago
Elkarrizketak 21 uztaila, 2022 I+G
Dibal-ek dendetan erosketa-esperientzia aldatzea bilatzen du Foodys proiektuaren bidez
Irakurri gehiago
Elkarrizketak 15 uztaila, 2022 I+G
Ostirala 22an amaitzen da Sarrallek arlo zientifiko eta teknologikoan gradu bikoitzeko ikasketak egiten dituzten emakumeei zuzenduta dituen beka programan partehartzeko epea
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak