Euskal berrikuntza sektore aeronautikoaren etorkizuna eraikitzeko
IK4-IKERLAN zentro teknologikoa aireontzi arinagoak eta eraginkorragoak eraikitzeko hainbat proiektu europarretan parte hartzen ari da
Aireontzien eskari gero eta handiagoaren aurrean, batez ere pertsonen garraioari dagokionez, fabrikatzaileek ingurumena errespetatzen duten hegazkin arinagoak eraikitzen lagunduko duten formula iraunkorrak bilatzeari ekin diote.
Horren harira, IK4-IKERLAN zentro teknologikoa hainbat proiektu europarretan lan egiten ari da, besteak beste, ontzien pisua eta erregaien kontsumoa murrizten lagunduko duten soluzioak garatzeko asmoz.
Clean Sky2-ren babespean, Europan belaunaldi berriko hegazkinen fabrikazioaren buru izatea helburutzat duen Europako Batzordeak finantzatutako ekimena, ikerketa erakundeak beste euskal erakunde batzuekin parte hartzen du, besteak beste, CO2 isuriak murriztea eta zarata tasa aireko trafiko gutxiago zegoen 2014 urtean erregistratutako mailara itzultzea helburutzat duten proiektuetan.
