Euskal enpresaren blog-a Zure enpresarentzat garrantzitsua den eguneroko informazioa
Albisteak 24 urtarrila, 2022 I+G Ingurumen-jasangarritasuna

EBk ‘5.0 Industria Saria’ren lehenengo deialdia ireki du Europako funtsekin finantzatutako proiektuentzako

Teknologia berritzaileen, prozesu industrialen, eredu komertzial berrien eta abarren bidez gizakian zentratuago dagoen industria europarra, iraunkorra eta erresilientea eraikitzen laguntzen dutenak aintzatestea da helburua.

Ekoizpen-teknika aurreratuak eta teknologia inteligenteen bidezko eragiketak 4.0 industriaren ezaugarriak badira, 5.0 industria jatorrira itzultzen da eta gizakia eta planeta erdigunean jartzen ditu. Horrek industriaren ikuspegi berri bat ematen du, non efizientzia eta produktibitatea ez diren helburu bakartzat hartzen, baizik eta gizarteari egiten dion ekarpena indartzen den. Izan ere, 4.0a osatzen du, ikerketa eta berrikuntza Europa jasangarri eta erresiliente berri baten zerbitzura jarriz.

Enpresek funtsezko zeregina dute irtenbide onuragarriak bilatzen, planetaren ekoizpen-mugak errespetatuz, enpleguaz eta hazkundeaz haratago oparotasuna emango dutenak. Horregatik, Europako Batzordeak ‘5.0 Industria Saria’ren lehen deialdia egin du. Sari horrek helburu horien aldeko proiektuak garatu dituzten enpresak aintzatetsiko ditu, Batzordearen lehentasunekin bat datozenak (Europako Itun Berdea, Europaren etorkizun digitala eta pertsonen zerbitzurako ekonomia).

Abian dauden edo amaitu diren proiektuak dituzten enpresak aurkeztu ahal izango dira, industriara aplika daitezkeenak, 2018ko irailaren 1etik aurrera hasi direnak eta Horizon 2020 edo Horizon Europe programen finantzaketa, edo Berrikuntza eta Teknologiako Europako Institutuarena (EIT), jaso dutenak. Teknologia berritzaileak, prozesu industrialak edo hornidura-katekoak, merkataritza-eredu berriak eta abar garatuz, gizakia ardatz duen industria iraunkor eta erresilienteagoa eraikitzen nabarmen laguntzen dutenak aintzatetsiko dira. Hautagaitza aurkeztu nahi duten euskal enpresek, zentro teknologikoek edo unibertsitateek apirilaren 1era arteko epea dute.

Hautagaitzak ebaluatzeko, iraunkortasunari, erresilientziari, gizakia industriaren erdigunean jartzeari eta integrazioari, inspirazio-ahalmenari eta zeharkakotasunari laguntzeko irizpideak jarraituko dira. 2022ko ekainaren hasieran egingo den sari-banaketa ekitaldira gonbidatuko dituzte finalistak. Bertan, euren proiektuen ezaugarriak erakusteko aukera izango dute. Irabazleak Europako Batzordearen laguntza komunikatiboa jasoko du, sustapen-bideoak, sare sozialetako publizitatea eta Horizon aldizkariko artikulu bat barne.

SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu hemen zure negozioaren beharretara hobekien egokitzen den programa.

Albisteak 25 maiatza, 2022 I+G
Shuton-ek % 40rainoko hazkundeak lortu ditu makina-erremintaren sektorean
Irakurri gehiago
Albisteak 19 maiatza, 2022 I+G
CIDETEC Surface Engineering –ek itsas zabaleko energia-instalazioetarako material konposatu jasangarri berriak ematen ditu
Irakurri gehiago
Albisteak 16 maiatza, 2022 I+G
Aludiumek bere I+G+b zentro propioa du duela 50 urtetik, aluminio-sektorean soluzioak garatzeko helburuarekin
Irakurri gehiago
Albisteak 10 maiatza, 2022 I+G
IC2M2 proiektuak 5G sareen bidez kontrolatutako elkarlaneko robot mugikor baten garapenean lan egiten du
Irakurri gehiago
Albisteak 2 maiatza, 2022 I+G
Bantec Group-ek kudeatutako I+G eta berrikuntza teknologikoko 8.000 proiektu
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak