Batz eta Ikerlan-ek azeleragailu elektroniko adimendun bat bultzatu dute elkarrekin
Konpainia bizkaitarrak eta teknologi zentroak garatu duten produktuari esker, kooperatibak bere sektorean duen lidergoa sendotu du eta bidea prestatu du mekanikatik elektronikaranzko trantsizioa egiteko.
Elkartu, lehiatzeko eta hazten jarraitzeko. Horixe egin dute Bizkaiko Batz kooperatibak (Mondragon Taldeko konpainia, 1.750 langile dituena Euskadi, Txina, Mexiko, Brasil eta Txekiako bere lantegietan, eta 260 milioi euro fakturatzen dituena) eta Ikerlan IK4 teknologi zentroak (zentro liderra enpresetarako teknologia transferentzian eta balio-ekarpenean), azeleragailu elektroniko bat garatu baitute elkarrekin Automozioaren sektore dinamikorako, funtsezkoa euskal kooperatibaren negozio-ereduan.
Jakinik elektronikak iraultza geldiezin bat eragingo duela etorkizuneko autoetan, bi enpresek elkartzea erabaki dute une horri aurrea hartzeko, eta apustu sendoa egin dute mekanika tradizionala abangoardia elektronikora hurbiltzeko, abangoardia horrek epe laburrean eremu guztiak bereganatuko baititu. Jatsu Insagurbek (Batz kooperatibako Berrikuntza zuzendaria) eta Nerea Uriartek (Ikerlan zentrokoa) Made in Basque Country irratsaioan eman zituzten lankidetza estrategiko horren xehetasunak.
Mekanikatik elektronikaranzko trantsizioak geldiezina eta saihestezina dirudi, bereziki automozio sektorean. Zergatik?
Ibilgailuak gero eta digitalizatuago eta automatizatuago daude, eta horrek berekin dakar elementu mekanikoen ordez elektronikoak jartzea. Garai batean azelerazio pedalek logika mekaniko oso sinple bati erantzuten bazioten ere, gaur egun, motorren kudeaketa-sistema guztiz elektronikoa denean, sistema hauen osagai guztiek ere elektronikoak izan behar dute.
Zein testuingurutan gauzatu da zuen arteko aliantza?
Esan genezake automozio industriaren IV. iraultza deitzen den horren barruan kokatzen dela. Berrikuntza eta digitalizazio integraleko prozesu bat da, autoen fabrikazioa eta diseinua barne hartzen dituena eta bi erakundeoi hazten jarraitzeko aukera emango diguna.
Nola?
Batz enpresak pedal azeleragailu baten diseinu propioa izango du, eta horri esker, posible izango du merkatuan bere burua kokatzea auto-fabrikatzaileei pedal sistema osoa –alde mekanikoa nola elektronikoa– eskaintzeko gai den munduko bigarren hornitzaile bezala. Eta K4-IKERLAN zentroari aukera emango dio sentsorika, araudi eta entsegu arloetan duen gaitasuna handitzeko, eta dituen goi-mailako segurtasuneko ezagutzak sektore horretan aplikatzeko.
Zein da horrelako azeleragailuen balio erantsia?
Gailuan inplementatutako sentsoreak gai dira gidariaren azelerazio beharrei buruzko informazio zehatza transmititzeko ibilgailuaren kontrol sistemetara. Garai batean pedalak mekanikoak eta metalezkoak ziren; gero, segurtasunari eman zitzaion garrantzia; ondoren, plastikoa etorri zen, eta orduan arintasuna zen garrantzitsuena. Gaur egun, berriz, adimentsuak izan behar dute, autoko sistema guztiekin konektatutako pedalak, alegia.
Jauzi honekin fabrikatzaile zinetenak hornitzaile bihurtuko zarete…
Hala da, eta bide horretatik jo nahi dugu: mekatronika sektorean garapen propioak egiteko apustuari eutsi konponbide konplexuak garatuz. Pedalen sektoreko liderrak izaki, aukera paregabea dugu merkatuari erakusteko Ikerlan bezalako bazkideekin posible dela elementu konplexu bat garatzea, sektoreko bezero garrantzitsuenek eskatzen duten mailakoa.
Zein fasetan dago proiektua une honetan?
Dagoeneko garatuak ditugu hainbat prototipo kontzeptualizazio-erronka bikoitza betetzen dutenak: batetik, sektoreko araudiak bete behar dira, ingurumen eta segurtasun baldintza oso zorrotzak (zentzu horretan, tenperatura, iraunkortasuna, eta bateragarritasun elektromagnetikoa eta elektrikoa neurtzeko entseguekin homologatzen dira prototipoak). Bestetik, pedal sendoa izan behar da, fabrikazio prozesuaren aldakortasunak eta pedalaren beraren zahartze prozesua jasango duena.
Lotutako albisteak
Aracel proiektuak irtenbide berriak garatu ditu eraikuntzan energia-mendekotasuna murrizteko
Belako Lanak buru duela, karbono-aztarna baxuko mortero bat eta isolamendurako eko-panelak diseinatu ditu, SATE sistema batean integratzeko. SPRI Taldearen Hazitek laguntza-programaren babesa izan du.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.
Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.
Robtwin proiektuak fabrikazio aurreratuaren aldeko apustua egin du automobilgintza-sektorean
Ingematek biki digitalaren kontzeptu aurreratu berri bat inplementatzen duen tresna bat garatu du, eta SPRI Taldearen Hazitek Laguntza Programaren babesa jaso du.