Tecnaliak aparkatzen laguntzeko sistema berritzailea garatu du

Laguntzaile berriak hegaldi-denborako kamerak ditu ibilbidearen estimazioa hobetzeko eta talkei buruzko 3D alertak emateko

Tecnalia euskal korporazio teknologikoak ibilbidea iragarri eta talkei aurre egiteko 3D alertak dituen ibilgailuak aparkatzeko laguntzaile berri bat diseinatu du, ohiko metodoak hobetuz.

Euskal zentro teknologikoak proposatutako sistema berriak ibilgailuaren inguruko objektuak berregiten ditu, hegaldi-denborako kamera batekin (ToF, Time-to-Flight, ingelesez) hartutako informazioari esker, eta horrek balizko talkei aurre egiten eta aparkatzeko hutsik dauden tarteak zehazten laguntzen du, osagaien kokapen zehatza kalkulatzeaz gain.

Teknologia berri honek inguruko ibilgailuen matrikulak antzematen ditu, pixelaren eta 3D puntuaren arteko erlazioari esker, ohar baten bidez jakinarazi dutenez.

Tecnalia BRTA (Basque Research and Technology Alliance) Partzuergo Zientifiko-Teknologikoko kidea da Euskadiko beste 15 eragile zientifikorekin batera: ikerketa kolaboratiboko lau zentro –CIC Biogune, CIC Nanogune, CIC Biomagune eta CIC Energigune– eta Azterlan, Azti, Ceit, Cidetec, Gaiker, Ideko, Ikerlan, Lortek, Neiker, Tekniker eta Vicometch zentro teknologikoak.

Tecnaliaren bideo korporatiboa