Euskal enpresaren blog-a Zure enpresarentzat garrantzitsua den eguneroko informazioa
2 iraila, 2019

Health 2.0 Basque-k zortzi proiektu aukeratu ditu Osasun Digitalaren Kongresuan aurkezteko

 

Health 2.0 Basque komunitate bat da, Euskadiko osasunaren etorkizuna teknologiaren eta berrikuntzaren bidez bermatzeko sortu zena, eta irailaren 13an bildu egingo da, Donostiako Miramar Jauregian egingo den Osasun Digitalaren Kongresua: osasuna konektatuz  izenekoan. Euskal Herriko Unibertsitatearen udako ikastaroetan sartzen da kongresua, eta zuzendaria Marisa Merino da.

 

Aurten, Health 2.0 Basque-k eHealth Euskadin erreferentziakoak diren zortzi proiektu aukeratu ditu, eta bertaratzen direnei beren proposamenak aurkeztuko dizkiete. Honako hauek dira proiektuak: Physio Set App, Smart Consent, Noa, Transformación Digital en Mutualia, Starr, Step, XugarHero eta Cloudy.

 

Physio Set App, fisioterapeutentzako lehenengo aplikazio adimenduna da; profesional horiei erabaki klinikoak hartzen lagunduko die, ebaluaziorako eta tratamendurako algoritmo bati esker gaixo bakoitzarentzat ariketa egokienak aukeratuko baititu. Lanbide horretan 20 urtetik gorako esperientzia duen Raquel Barrios Peñalbak aurkeztuko du aplikazioa, proiektuaren zuzendari teknikoa da eta.

 

Smart Consent aplikazioa Sebastián Armijos doktoreak azalduko du. Urologiako mediku espezialista da bera, eta baimen informatuari buruzko informazioa hobetzeko medikuntzako doktoretza dauka. Gaixoari baimen informatuaren prozedura medikoa azaltzeko diseinatu da aplikazioa; hau da, gaixoari informazio-bideo erraz eta dinamiko baten bidez azalduko zaio prozedura, eta momentu berean edo plataforma beraren bidez lortu ahal izango dira haren onarpena eta sinadura.

 

Noa, botiken kudeatzaile automatikoa da. Programatu daiteke eta telekomunikazioen sareetara konektatu daiteke. Horren bidez, botikaren dosi zehatza eman daiteke eta, wireless teknologiari esker, zaintzailearekin harremanetan jar daiteke. Román Vilaresek aurkeztuko du; Inbizi Healthcare-ko zuzendari exekutiboa eta sortzailekidea da, ingeniaritza elektronikoan lizentziatu zen (UPV/EHU) eta master bat dauka material aurreratuei eta nanoteknologiari buruz (UAM).

 

Mutualian osasuna humanizatzeko eraldaketa digitalari buruz Merche Garcíaerizainak hitz egingo du; bitartekari lanetarako erizain berezia da laguntza-maila desberdinetako profesionalen koordinazioa kudeatzen duelako eta, horrez gain, gaixoei arreta osoa eta etengabea ematen zaiela bermatzeko behar diren baliabideak jartzen dituelako.

 

Europako H2020 Starr proiektuak ekosistema digital bat garatzen du, iktus batetik bizirik ateratzen diren pertsonei eguneroko bizimodurako jarraibideak beren kontura kudeatzen lagunduko diena, ahal den neurrian berriz ez gertatzeko. Leire Ortiz Fernández doktoreak eta Javier Escobal-ek hitz egingo dute proiektu horri buruz. Leire Ortiz Fernández mediku ondokoa da, Gurutzetako Unibertsitate Ospitaleko Medikuntza Fisiko eta Errehabilitazio Zerbitzuan, eta Biocruces Osasun Ikerketako Institutuko ikertzaile nagusia da STARR proiektuan. Javier Escobal berrikuntzako zuzendaria da Grupo Init-en, eta lau urtetik gorako esperientzia dauka osasun arloko software espezializatuak garatzeko proiektuak koordinatzen.

 

Eider Sanchezek, Naru Intelligence-n zuzendari exekutiboa eta sortzailekidea denak, Step proiektua azalduko du. Minbiziaren tratamenduan zehar eta tratamendua amaitzean izaten diren Ondorio Kaltegarri Larriak (OKL) aurreikusteko helburua du proiektuak, ondorio horiek eragin handia baitute bai gaixoarengan baita ospitale sisteman ere. Step-en Machine Learning-eko algoritmoek OKL horiek aurreikusi nahi dituzte, aurrea hartu ahal izateko edo, gutxienez, goizago antzeman ahal izateko.

 

XugarHero ekimenaren bidez, 14 urtetik beherakoen 1 motako diabetesa kudeatuko da, oraindik gurasoek kudeatzen badituzte. Gaixoa gaztea denetik hasi nahi da haren hezkuntzan laguntzen eta, gainera, medikuntzako langileen jarraipena errazten, mutiko edo neskato diabetikoaren pertsonalizazioa eginez eta hark etorkizunean izan ditzakeen egoerak aurreikusiz. Alberto Condek azalduko du proiektua; industri ingeniaritzako doktorea da eta Xabet-en zuzendari exekutiboa eta sortzailekidea ere bai.

 

Zaloa Campillok, Bytek Smart Solutions-eko bazkidea eta Euskal Herriko Telekomunikazio Ingeniaritza Elkarteko gerentea denak, Cloudy aurkeztuko du. Proiektu hori adinekoentzako eta mendekotasuna duten pertsonentzako ekosistema digitala da; haien etxeko osasuna eta segurtasuna zainduko duten gailu batzuk ditu, ahots bidezko interfaze baten, Machine Learning-aren eta adimen artifizialaren bidez.

 

Health 2.0 Basque-ko sortzaileak ibiliko dira aurkezpenak moderatzen: Juan Carlos Santamaría, Inithealth-eko (Grupo Init) Komunikazioaren eta Negozio Garapenaren zuzendaria, Gonzalo López, Grupo Lanit-eko Negozio Garapenaren zuzendaria, eta Blanca Usoz, Eroski-ko Laneko Osasunaren koordinatzailea.

 

Health 2.0 Basque-ren helburua da Euskadiko sektore publiko nahiz pribatuko Osasun Digitalaren esparruan dauden eragile guztiak batzea, osasunaren teknologian egon diren azken aurrerapenak partekatzeko eta bertako enpresetan sortzen ari diren proiektuak ezagutzeko.

Kongresuaren programa osoa ikusteko esteka: https://ehealthdonostia.com/programa/

Grandes empresas y pymes vascas se movilizan para apoyar al sector sanitario ante el Covid-19
Bio osasuna 31 martxoa, 2020
Euskal enpresa handiak eta ETEak osasun-sektoreari laguntzeko mobilizatu dira, Covid-19 gaitzaren aurka

Azken hiru asteetan, Euskadiko enpresa eta profesionalen sarea mobilizatu egin da,...Leer más

A-&B Laboratorios-ek esponentzialki biderkatu du hidrogelen ekoizpena

Konpainia arabarrak gel desinfektatzailez hornitzen ditu ospitaleak, egoitzak eta kolektibo...Leer más

La CE aumenta la financiación de proyectos de innovación e investigación sobre coronavirus a través del Horizon 2020
Bio osasuna 30 martxoa, 2020
Europako Batzordeak koronavirusari buruzko berrikuntza eta ikerketa proiektuen finantzaketa handitu du Horizon 2020ren bidez

Europako Batzordeak Horizon 2020 programa eguneratu du koronabirusarekin lotutako ikerketa eta...Leer más

Mascarilla ffp3 sibol
Bio osasuna 26 martxoa, 2020
Sibol enpresa bizkaitarrak bere jarduera hirukoiztu egin du COVID-19ren aurkako babes handiko maskara eskariari erantzuna emateko

COVID-19 pandemia globalarekin gaur egun munduak bizi duen egoera apartaren aurrean, nahi gabeko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?