Euskadiko ETEntzako Eusko Jaurlaritzaren 2023 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Euskadiko ETEntzako Eusko Jaurlaritzaren 2023 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Dimentsio-metrologia luzera-unitatearen bidez zehazten diren propietate guztiak neurtzean datza, hala nola distantzia, posizioa, diametroa, biribiltasuna, lautasuna edo zimurtasuna. Horrela, neurketa- eta proba-ekipoen kalibrazioan, produktu edo zerbitzu baten diseinu-etapan edo are produktuaren zerbitzu teknikoan edo mantentze-lanetan ere aplikazioak ditu. Eremu horretan aritzen da Sariki enpresa gipuzkoarra, Madrilen, Bartzelonan, Galizian eta Portugalen ordezkaritzak dituena. Borja Garate Iraolagoitia kudeatzaileak dioenez, negozio-lerro berrien aldeko apustu sendoa egiten du, hala nola ikuskapen-software propio bat garatzea, bereziki fabrikazio-inguruneetarako eta prozesamendu-abiadura handia eskatzen duten prozesuetarako diseinatua. Horren bigarren bertsioa 2023an kaleratuko da.
Zeintzuk izan ziren enpresaren lehen urratsak?
Metrología Sariki 1985ean jaio zen Eibarren (Gipuzkoa), Ferretería Unceta S.A. gure ama-enpresaren spin off gisa, Mitutoyo fabrikatzaile japoniarrarekin Espainiako merkatuan sinatutako banaketa-akordioari estaldura emateko helburuarekin. Grupo Unceta (familia-jatorriko enpresa-talde bat, 149 urteko ibilbidea duena) taldeko kide gara, eta dimentsio-metrologiaren esparruan merkatuari goi-mailako proposamen teknologiko bat eskaintzeko asmoz hasi genuen gure jarduera.
Nola hasi zen bide hori?
Lehen urteetan, Sarikik hazkunde-estrategiari eutsi zion, eta horri esker, ordezkaritzak ireki ziren Madrilen eta Bartzelonan. 1990ean Elgoibarrera joan ginen, gure egungo instalazioetara, Grupo Uncetako enpresa guztiak hartzea ahalbidetu zuen eraikin berri batekin hazten jarraitzeko.
Gure fokua Mitutoyo dimentsio-metrologiako ekipoen banaketan zegoen, eta balio erantsi handiko zerbitzuak eskaintzen genituen gure eskaintza osatzeko: instalazioa, erabiltzaileen prestakuntza, laguntza teknikoa eta hardwarearen zein softwarearen euskarria.
1999an erakunde berri bat sortu genuen barne-ekintzailetzatik abiatuta, Sarikal laborategia, kalibrazioan aritzen dena eta ENAC akreditazioa duena. Sarikik eta Uncetak hornitutako ekipoei estaldura ematea ahalbidetu zuen, baita neurketak azpikontratatzeko zerbitzu berri bat ere. Aurrerago, negozio-unitate hori Sarikiren egituraren barruan sartu zen, eta laborategiak Sarikal Kalibrazioa izena hartu zuen, eskaintza zabalagoarekin.
Zertan oinarritu da Sarikiren azken jarduera?
Gure DNAn integratuta daramagu azken berrikuntza teknologikoak merkatura hurbiltzeko eta lehen mailako metrologia-fabrikatzaileekin lankidetzan aritzeko bokazioa. Horregatik, merkatuan liderrak diren hornitzaile berriekin lankidetza-estrategia bat hedatzen dugu, gaur egun arte mantentzen dena: Vicivision, Kreon, RX Solutions, Scantech, Mapvision, Vitronic, Polyrix…
2007an hasi ginen giltza eskuan metrologia dimentsionaleko soluzioak eskaintzen. Urte hauetan, balio erantsiko proposamen bat garatu dugu ingeniaritza aplikatuaren esparruan, eta, horri esker, gaur egun, gure bezeroei ikuskaritzako eta kalitate-kontroleko soluzioak eskaintzen dizkiegu, beren fabrikazio-prozesuetan integratuta eta konektatuta, askotariko teknologiekin (abiadura handiko kontaktu bidezko neurketa, kontakturik gabeko neurketa 3D laser-eskanerraren bidez, argi egituratua eta sistema optikoak…). Gaur egun, Sarikik giltza eskura proiektuak soilik lantzen dituen sail bat du.
Duela gutxi ekin al dio Sarikik negozio-ildo estrategikoren bati?
2014an identifikatu genuen metrologia-fabrikatzaile nagusiek estali gabeko merkatu-nitxo bat zegoela fabrika adimendunaren, abiadura handiko datuen kudeaketaren (big data) eta prozesuko doitasun handiko ikuskapenaren esparruan. Horregatik, plan estrategikoaren barruan, negozio-ildo berri bat definitu genuen, produktu propioa garatzera bideratua: 2017an, gure SK/inspect softwarea merkaturatu genuen, fabrikazio-inguruneetarako eta prozesatzeko abiadura handia, langileentzako erabilerraztasuna eta interkonektibitatea behar duten prozesuetarako bereziki diseinatutako ikuskapen-softwarea. Piezen egoerari buruzko datuak ematen ditu denbora errealean, eta produkzio-prozesuan erabakiak hartzen laguntzen du. 2023an bigarren bertsioa kaleratuko dugu eta dagoeneko 17 lizentzia baino gehiago instalatu ditugu merkatuan.
Zerbitizazioaren esparruan ere gure urratsak ematen ari gara, makinen monitorizazioan eta prebentziozko laguntzan, makinen erretrofitean eta zerbitzuen digitalizazioan jarritako fokuarekin. Gainera, gure bezeroei zerbitzu integrala eskaintzeak bultzatuta, ordezkaritza berria ireki dugu Galizian 2018an eta beste bat Portugalen 2022an. Gure nazioartekotze-estrategia bultzatu dugu hazteko eta gure bezeroengandik gertuago egoteko Portugalgo eta Marokoko merkatuetan.
Zein merkatutan mugitzen dira Sarikik lan egiten duen enpresak?
Gure bezero nagusiak automobilgintzako, aeronautikako eta makina-erremintako merkatuan daude, eta Espainiako iparraldean dugu merkatu-kuota handiena. Osasunaren, elikaduraren eta eolikoaren sektoreko enpresak hazten ari dira gure bezero-zorroan azken urteotan.
Zerk bereizten du Sariki bere sektorean?
Gaur egun 60 pertsona okupatzen dituen eta familia-kultura duen ETE bat gara, bezeroekin konprometituta dagoena, eta epe luzerako harremanak eraikitzen ditugu haiekin. Metrologian adituak gara, 35 urte baino gehiagoko esperientzia dugu eta 2.000 unitate baino gehiago ditugu instalatuta gure makina-parkean. Gure ‘know-how’ -ak gure bezeroekin aktiboki elkarlanean aritzeko aukera ematen digu, aholkularitza teknikoa eskainiz eta bakoitzaren erronketara egokitutako soluzio teknikoak planteatuz.
Munduko metrologia-fabrikatzaile nagusiekin elkarlanean aritzen gara, eta, horri esker, gure bezeroei merkatuko teknologia-gama handiena eskaintzen diegu. Bezeroari entzuten diogu eta ideologia teknologiko berritzailea dugu. Bi trebetasun horiek elkartuta, bezero bakoitzari irtenbide aurreratu pertsonalizatuak diseinatzeko, garatzeko eta integratzeko gai egiten gaituzte, eta hori merkatuak aitortzen eta baloratzen duen zerbait da.
Sarikik parte hartu al du Hazitek proiekturen batean?
Produktu propioa garatzeko estrategiaren ondorioz, Sarikik hainbat osagai-fabrikatzaile handirekin lan egin du Hazitek programak lagundutako hainbat proiektutan. Proiektu horietan gure esperientzia eskaintzen dugu ikuskapenak euskal manufaktura-industriaren beharretara egokitzeko. 2022an guztira lau hauetan parte hartu dugu: ABIO II, FAKTORIA, KAIA eta LOTURA.
Gainera, azken urteotan garatutako proiektuen artean, North4Weld proiektua nabarmendu behar da, teknologia termografiko infragorria (LIT – Laser Induced Thermography) ikertzeko aukera ematen diguna, soldatutako loturak ikuskatzeko prozesu automatikoetara eramateko.
Gainera, Sarikiren bi proiektu Euskadiko 105 proiektu ekoberritzaileren gida berri batean sartu dira. Zertan dautza?
Proiektu hauetan bi ildo zehatz garatu ditugu. Batetik, metrologia-negozioaren zerbitizazioaren esparruko ikerketa, negozio-eredu berrietarako ibilbide-orri zehatz bat ezartzeko aukera eman diguna. Bestetik, koordenatu bidezko neurketa-ekipoen birmanufakturaren garapena. Azken horri esker, makina handi horien atzeraeraginerako estrategia zehatzak garatu ahal izan ditugu, haien balio-bizitza bikoiztuz, fabrikazioari lotutako ingurumen-inpaktua nabarmen murriztuz eta azken ikuskapen-teknologietara eguneratuz.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
23 urria, 2023
Basque Trade & Investment
17 urria, 2023
Basque Trade & Investment
21 iraila, 2023
Basque Trade & Investment
5 ekaina, 2023
Basque Trade & Investment
23 maiatza, 2023
Basque Trade & Investment
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?
